2 Mikoka 26:5 - Tonga Bible 1986

⁵ Wangupenja Chiuta mu mazuŵa ghaku Zekariya yo wangumsambizga kopa Chiuta; ndipo nyengo yose yo wangupenje Ambuya, Chiuta wangumutumbika.

2 Mikoka 26:5 Referans Kwoze

2 Mikoka 15:2

ndipo wanguruta kwa chikumana ndi Asa, ndipo wanguti kwaku iyo, “Mundivwe Asa ndi Yuda yose ndi Benjamini: Ambuya ŵe namwe penipo mweche nawo, Asani mutumpenja mumusaniyenge, kweni asani mutumjowo nayo wamjowoninga.

2 Mikoka 24:2

Ndipo Yoashi wanguchita kwakurunjika pa maso gha Ambuya mu mazuŵa ghose ghaku Yehoyada mzukuru.

1 Mikoka 22:13

Ndipo viyo ukasakatanga asani uphwerenge kusunga vilayizgu ndi vyeruzgu vyenivyo Ambuya angupangizga Mosese vyaku Yisraele. Uŵe wanthazi ndi wachiganga chamampha. Reka kopa, chingana nkhudezuka nthazi.

Danyele 5:16

Kweni ndavwa kuti uziŵa kundinene kang'anamuridu ndi kufwatuwa maunonono. Sono asani ungaŵerenga lembo ndi kundiziŵiska kang'anamuridu kake, ukavwarikikanga vyakuvwara vichesamu ndi ukufu wa golide mu khosi lako, ndi ukaŵanga wakuwasa wachitatu mu ufumu wangu.”

Danyele 10:1

Mu chirimika cha chitatu chaku Sirusi karonga waku Perese mazu ghanguvumbulika kwaku Danyele yo wadanikanga Belteshazara. Ndipo mazu ghenga ghakuneneska ndi ghenga nkhondo yikuru. Ndipo wangughaziŵa mazu ndi wenga ndi muziŵiru wa chiwona.

Danyele 2:19

Viyo chamuchindindi ichi chinguvumbulika kwaku Danyele mu chakuwona cha usiku. Viyo Danyele wanguthamika Chiuta wakuchanya.

Danyele 1:17

Chiuta wanguŵapaska ŵanyamata yaŵa vinjeru ndi mziŵiro mu malembo ghose ndi mu vinjeru; ndipo Danyele wanguŵa ndi mziŵiro wa vinjeru mu chakuwona chose ndi mu maloto ghose.

2 Mikoka 25:8

Kweni asani ughanaghana kuti pakuchita viyo uŵenge ndi nthazi kurwa mkhondo Chiuta wamkukuwiska pasi pa ŵarwani ŵako, pakuti Chiuta wendi nthazi kovya pamwenga kupong'a pasi.”

Chiyambo 41:15

Ndipo Farao wanguti kwaku Yosefe, “Ine ndikulota loto, kweni palivi yumoza waziŵa kuling'anamuwa; ndipo ine ndavwa ku ŵakukamba ghaku iwe kuti assani wavwa loto uziŵa kuling'anamuwa.”

Hoseya 6:4

Kumbi ndichitenji kwaku iwe, Efraimu? Kumbi ndichitenje kwaku iwe Yuda? Chanju chinu che nge ndi mtambo wa mlenji; ndi nge ndi dungwi lo likamuka ruŵi.

1 Mikoka 22:11

Sono wamwana wangu, Ambuya aŵe nawe, mwakuti ufiske kuzenga nyumba ya Ambuya Chiuta wako, nge ndimo wakambiya ndi zaku iwe.

Ŵeruzgi 2:7

Ndipo ŵanthu ŵangutataliya Ambuya mu mazuŵa ghose ghaku Yoswa, ndi mu mazuŵa ghose gha ŵaraŵara wo ŵanguŵa ndi umoyo wati wafwa Yoswa, wo ŵanguwona nchitu zikuru zo Ambuya anguchitiya Yisraele.

Chiyambo 41:38

Ndipo Farao wanguti ku ŵateŵeti ŵake, “Kumbi tingaziŵa kusaniya munthu wakuŵa nge ndi uyu, mwaku yo mwe mzimu waku Chiuta?”

Machitidu gha Ŵakutumika 20:30

ndipo mwaku imwe mwaŵeni mwazamvuruvunduka ŵanthu, ŵakukamba vyakupuruska, kuguziya ŵasambizi pavuli pawo.

Sumu 1:3

Wakozgana ndi muti wakupandika pa mphepete pa misisi ya maji, weniwo upasa vipasi vyake mu nyengo yake, jani lake kuti lifota cha; mwaku chose cho wachita, wasakata.

2 ŴaKaronga 15:34

Uyu wanguchita cho chenga chakurunjika mu maso gha Ambuya, kwakuyana ndi vyose vyo wiske Uziya wanguchita.

2 Mikoka 26:4

Ndipo wanguchita cho nchakurunjika mu maso gha Ambuya kwakuyana ndi vyose vyo awiske Amaziya wanguchita.

2 Mikoka 27:6

Viyo Yotamu wanguŵa wanthazi chifukwa wangunozga nthowa zake paurongo pa Ambuya Chiuta wake.

Yoswa 1:7

Ukhome ŵaka ndipo uchinthi ukongwa; kuŵa wakuphwere kuchita kwakuyana ndi langulu lose lo mteŵeti wangu Mosese wangukulanguliya, ungalisiyanga kurata ku janja la marghe pamwenga la maze mwakuti uŵi ndi kusakata kwamampha ko kose ukayanga.

Yoswa 1:8

Buku ili la marangu lireke kutuwa mu mlomo wako, kweni ughanaghanenge nagho msana ndi usiku, alinga kuti uŵenge wakughaphwere kuchita chose chakulembeka mwaku lo, mwaku ichi ukasakatanga ndipo kukaŵanga ndi usakati wamampha.

2 Mikoka 14:6

Ndipo wanguzenga mizi ya malinga mwaku Yuda, chifukwa charu chingupumuwa. Wengavi nkhondo mu virimika viya chifukwa Chiuta wangumpumuzga.

2 Mikoka 29:1

Hezekiya wenga wa virimika machumi ghaŵi pachanya vinkhonde (25) po wangwamba kuwusa, wanguwusa virimika machumi ghaŵi pachanya vinkhonde ndi vinayi mu Yerusalemu. Zina la anyina lenga Abija, mwana munthukazi waku Zekariya.

2 Mikoka 32:30

Ndipo Hezekiya wangujara kunena maji gha Gehoni kughendeska dera la kukuserere dazi la muzi waku Davidi.