2 Mikoka 26:21 - Tonga Bible 1986

²¹ Ndipo karonga Uziya wanguŵa wamakhati mpaka zuŵa la nyifwa yake, ndipo pakuŵa wamakhate, wajanga mu nyumba yake ndi yake, pakuti wangupatuskika kutuwa ku nyumba ya Ambuya. Ndipo Yotamu, mwana wake wenga wa mtufu pa nyumba yake, wangweruzga ŵanthu ŵa charu chiya.

2 Mikoka 26:21 Referans Kwoze

ŴaLevi 13:46

wakaŵanga wambura kutozgeka nyengo yose yo wakaŵiyanga ndi makhate ngwambura kutozgeka; wakajanga pakuyija, ndipo watenere kuja, kubwalo kwa ugoŵi.

2 ŴaKaronga 7:3

Penga ŵanthurumi ŵanayi ŵamakhate pakuserere pa likomo, yaŵa ŵafumbananga yumoza ndi munyake, “Kumbi tijariyengenji pano mpaka tifwe?

Maŵerengedu 12:15

Viyo Miriamu wangujaririkiya kubwalo kwa ugoŵi mazuŵa ghankhonde ndi ghaŵi; ndipo ŵanthu kuti ŵangwenda so lwendo cha mpaka penipo Miriamu wangulondereka so.

ŴaLevi 14:8

Ndipo wakutozgeka yo wasuke saru zake, ndi kusenga sisi lake lose; ndi kusamba mu maji; ndipo wakatozgekanga; pavuli wasere, mu ugoŵi, kweni wakajanga kubwalo kwa hema lake mazuŵa ghankhonde ndi ghaŵi.

2 Mikoka 26:20

Ndipo Azariya mzukuru mura, ndi ŵazukuru wose ŵangumulereska, ndi ehe, wenga wamakhati pa chisku chake! Ŵangumututuzgiya kubwalo, ndipo iyo mweneko nayo kwaruŵi wanguruta kubwalo chifukwa Ambuya angumupuma.

Maŵerengedu 5:4

Ndipo ndimo ŵaYisraele ŵanguchitiya, ŵanguŵatuzgiya kubwalo kwa ugoŵi; nge ndimo Ambuya angunene Mosese, ŵaYisraele nawo ŵanguchita kwakukozgana.

2 Mikoka 27:1

Yotamu wenga ndi virimika machumi ghaŵi pachanya vinkhonde (25) mu ura po wangwamba kuwusa, ndi wanguwusa virimika chumi pachanya vinkhonde ndi chimoza (16) mu Yerusalemu. Zina la nyina lenga Yerusa mwana waku Zadoki.