2 Mikoka 26:13 - Tonga Bible 1986

¹³ Pasi pa mtufu wawo penga ŵankhondo vikwi machumi pe chumi ghatatu ndi vinkhonde ndi viŵi, pachanya machumi pe chumi ghankhonde (307,500) wo ŵangurwa nkhondo ndi nthazi zikuru kovya karonga wawo kumikana ndi ŵarwani.

2 Mikoka 26:13 Referans Kwoze

2 Mikoka 25:5

Viyo Amaziya wanguwunganiska ŵanthu ŵaku Yuda, ndipo wanguŵaŵika kwakuyana ndi nyumba za auskeu, pasi pa ŵakulamula wa vikwi ndi ŵa machumi pe chumi mu Yuda mose ndi mu Benjamini. Wanguŵerenga wose ŵa virimika machumi ghaŵi ndi ŵapachanya pake, ndi wangusaniya kuti ŵenga vikwi machumi pe chumi ghatutu (300,000) ŵakusankhika, ŵakwenere kurwa nkhondo, ŵakuziŵa kuko mkondo, ndi nguru.

2 Mikoka 14:8

Ndipo Asa wenga ndi ŵankhondo vikwi machumi pe chumi ghatatu (300,000) ŵa mwaku Yuda, ŵakupinga nguru ndi mikondo, ndipo so ndi vikwi machumi pe chumi ghaŵi pachanya machumi ghankhonde ndi ghatatu (280,000) ŵa mwaku Benjamini, ŵakupinga nguru ndi mauta; wose wo vyenga vinkhara vyanthazi.

2 Mikoka 13:3

Ndipo Abija wangudanika nkhondo yake, wenga ndi liŵanja la zingwazi machumi pe chumi ghanayi (400,000) ŵanthurumi ŵakutondoreka; ndipo Yeroboamu wangujarika umampha nkhondo kurwana nayo Abija, vikwi machumi pe chumi ghankhonde ndi ghatatu (800,000) ŵanthurumi wakutondoreka ngwazi nadi.

2 Mikoka 11:1

Ndipo Rehoboamu wanguti wafika ku Yerusalemu wanguwunganiska ŵaYuda ndi ŵaBenjamini, ŵanthurumi ŵakusankhika vikwi machumi pe chumi ndi machumi ghankhonde ndi ghatatu (180,000) ŵankhondo, kurwa ndi Yisraele kuti ŵawezge so ufumu kwaku Rehoboamu.

2 Mikoka 12:1

Ndipo unguti wakhozgeka ufumu waku Rehoboamu ndi nthazi zikuru wangujowo dangu la Ambuya, ndi Yisraele yose pamoza nayo.

2 Mikoka 26:12

Unandi wose wa ŵarongozgi ŵa nyumba za auskeu, vinkhara vyanthazi, ŵenga vikwi viŵi ndi machumi pe chumi ghankhonde ndi limoza (2,600).

2 Mikoka 26:14

Ndipo Uziya wangulongosole ŵankhondo ŵake wose, nguru, mikondo, visoti vyavisulo, vyakuvwara pa chifuŵa, mauta, ndi mya yakuzungung'a pakupong'a.

2 Mikoka 14:7

Ndipo wanguti kwaku Yuda, “Tiyeni tizenge msumba iyi, tizingirizge ndi malinga, ndi vitanthali ndi malikomo, ndi mipiringizgu, charu cheche chidu, chifukwa tampenja Chiuta widu, tampenja, ndipo iyo watipaska chimangu kosekose.” Viyo wanguzenga ndi kufiska umamphavi.