2 Mikoka 24:7 - Tonga Bible 1986

⁷ Pakuti ŵana ŵaku Ataliya, yuwa munthukazi muheni ŵangusere mu nyumba yaku Chiuta ndipo nawo so ŵanguchitiya milimu yaku Bala vinthu vyose vyakupaturika vya nyumba ya Ambuya.

2 Mikoka 24:7 Referans Kwoze

2 Mikoka 21:17

ndipo ŵanguza kwaku Yuda ndi kumuswa, ŵanguto ndikuruta navyo vyuma vyose vyo vingusanirika mu nyumba ya karonga, ŵana ndi ŵawoli ŵake viyo, viyo kuti kungujako mwana cha kweni Yehoyahazi pe kwangu.

Chivumbuzi 2:20

Kweni nde nako kakukususka iwe, kakuti utumulereska ŵaka munthukazi yo Yezebelu mweniyo watijitamula mchimi-munthukazi; ndipo wasambizga ndi warandizga ŵateŵeti ŵangu, kuti wachitenge ureŵi ndi kurgha vinthu vyakubayikiya vyangoza.

2 ŴaTesalonika 2:8

Ndipo wamvumbulika chikana marangu yo mweniyo Ambuya amukumwananga ndi mvuchi wamumlomo wawo, ndipo amukumuvikita ndi chiwoneka cha uzi wawo.

Hoseya 2:13

Ndipo ndimurangenge chifukwa cha mazuŵa gha madghera gha ŵaBala mwaku gho wawochanga vyakununkhira kwaku iwo, ndi wanguvwala mphete ndi vyakugalarika vyake, wangurondo ŵakumwanja ŵake, ndi wangundiruwa ine, atiti Ambuya.

Danyele 5:23

kweni wajisoska wamweni kulimbana ndi Ambuya wa kuchanya. Viyaŵi vya mu nyumba yawo vyatoreke paurongo pinu, imwe ndi nduna zinu, ŵawoli ŵinu, ndi mabwezi ghinu ghanthukazi mwamwiyamu vinyo; mwakankhuska ŵachiuta ŵa siliva ndi golide, mkuŵa, chisulo, muti, ndi mwa, ŵeniwo kuti ŵawona cha, chingana nkhuvwa, pamwenga kuziŵa; kweni Chiuta mu manja ghaku mweniyo mwe mvuchi winu, ndi mwaku mweniyo mwe nthowa zinu zose, kuti mwamukankhuska cha.

Nthanthi 10:7

Chikumbusku cha murunji ndi thumbiku, kweni zina la wamphulupulu likavundanga.

Estere 7:6

Estere wanguti, “Chimphindikwa ndi murwani, ndi uyu Hamani muheni!” Ndipo Hamani wangutenthema ukongwa paurongo pa karonga ndi fumukazi.

2 ŴaKaronga 12:4

Yehoyashi wangunena ndi ŵazukuru, “Toni ndrama zose za vinthu vyakupaturika zo zikutoreke ku nyumba ya Ambuya ndrama zo munthu yose wapereka kwakuyana ndimo wakujiteme mweneko, ndrama zo zikutemeke pa ŵanthu, ndi ndrama zo munthu wapereka ku nyumba ya Ambuya kwakuyana ndimo mtima wake wamupamphuskiya,

Ŵeruzgi 2:11

Ndipo ŵaYisraele ŵanguchita cho chenga chiheni mu maso gha Ambuya, ŵanguteŵete Bala.

2 Mikoka 24:4

Ndipo pavuli paku ivi, Yoashi wangukhumba kunozga so nyumba ya Ambuya.

2 ŴaKaronga 11:1

Penipo Ataliya nyina waku Ahaziya wanguwona kuti mwana wake wafwa, wangusoka ndi wangubwanganduwa mbumba yose ya ukaronga.

2 Mikoka 22:3

Nayo so wangwenda mu nthowa za nyumba yaku Ahabu, chifukwa anyina ndiwo ŵangumpanga fundo yakuchita uheni.

Hoseya 2:10

Sono ndimurongonge uheni pa maso gha ŵakumwanja ŵake, ndipo palivi chingana njumoza yo wamutaskenge ku janja langu.