2 Mikoka 23:3 - Tonga Bible 1986

³ Ndipo mzinda wose unguchita phanganu ndi karonga mu nyumba yaku Chiuta. Ndipo Yehoyada wanguti kwaku wo, “Onani, mwana wa karonga wausenge, nge ndimo Chiuta wangu nene ndi ŵana ŵaku Davidi.

2 Mikoka 23:3 Referans Kwoze

2 Mikoka 21:7

Chingana kwenga viyo, Chiuta wengavi kukhumba kupankhuwa nyumba yaku Davidi chifukwa cha chipanganu cho wangupangana ndi Davidi, ndipo chifukwa wangupangana kuti wampaskenge limbuni ndi ku ŵana ŵake muyaya.

2 Mikoka 6:16

Viyo sono Ambuya, Chiuta waku Yisraele, sungani cho mungupangana ndi Davidi mteŵeti winu, Davidi ada, kuti, ‘Wasoŵenge cha pamaso ghangu munthu wakuja pa chitengo cha ufumu waku Yisraele, asani ŵana ŵako pe ndiwo ŵangaphwere nthowa yawo, kwenda mu dangu langu nge ndimo iwe wayende paurongo pango.’

2 Samuele 7:12

Po ghatakuti ghawara mazuŵa ghako uchigona pasi pamoza ndi ausu, nkhasoskanga mphapu yako pavuli pako, yo wakatuliyanga muliŵavu lako, ndipo ndikakhozganga ufumu wake.

2 Mikoka 7:18

po ndipo ine ndikhozgenge chitengo cha ufumu wako, uli ndimo ndingupanganirana ndi Davidi ausu, kuti, ‘Wakusoŵenge cha munthu wakuwusa Yisraele.’

2 ŴaKaronga 11:17

Ndipo Yehoyada wanguchita phanganu pakati pa Ambuya ndi karonga ndi ŵanthu, ŵakaŵanga ŵanthu ŵa Ambuya, ndipo ndi pakati pa karonga ndi ŵanthu.

1 ŴaKaronga 2:4

alinga kuti Chiuta wafiske mazu ghenigho wangurongoro paku ine, kuti, ‘Asani ŵana ŵako ŵakaphwerenga nthowa zawo, kwachenda paurongo pangu mu ukongorekwa ndi mtima wawo wose ndi ndimzimu wawo wose, kuti wakaperengapo munthu cha wako pa chitengo chaku Yisraele.’

Sumu 89:36

Mbeu yake yikajaririyanga muyaya, ndipo ndikasunganga ufumu wake po pose lumwi liŵaliya.

Sumu 89:29

Ndikamiskanga mphaka yake muyaya ndi chitengo chake nge ndi mazuŵa gha kuchanya.

2 Mikoka 23:16

Ndipo Yehoyada wanguchita phanganu pakati pake ndi ŵanthu wose, ndi pakati pa karonga, kuti ŵaŵenge ŵanthu ŵaku Chiuta.

1 Mikoka 11:3

Sono wose ŵaraŵara ŵa ŵaYisraele ŵanguza ku karonga pa Hebroni; ndipo Davidi wangupangana nawo phanganu pa Hebroni pa maso pa Ambuya, ndipo ŵangumpaka Davidi kuŵa karonga pachanya pa ŵaYisraele, kwakulingana ndi mazu gha Ambuya mwaku Samuele.

1 ŴaKaronga 9:5

po ndipo ndikamiskanga chitengo chako cha ufumu paku Yisraele muyaya, nge ndimo ndingupangirana ndi Davidi ausu, kuti, ‘Kuti pakaperenga munthu wako cha pa chitengo chaku Yisraele.’

2 Samuele 7:16

Ndipo myumba yako ndi ufumu wako vikajaririyanga kwauneneska pa maso ghangu muyaya; chitengo chako chikakuzgikanga muyaya.’ ”

2 Samuele 5:3

Viyo ŵara wose ŵaYisraele ŵanguza ku karonga pa Hebroni; ndipo karonga Davidi wangupangana nawo phanganu pa Hebroni pa maso pa Ambuya, ndipo ŵangumupaka Davidi kuŵa karonga pa ŵaYisraele,