2 Mikoka 21:7 - Tonga Bible 1986

⁷ Chingana kwenga viyo, Chiuta wengavi kukhumba kupankhuwa nyumba yaku Davidi chifukwa cha chipanganu cho wangupangana ndi Davidi, ndipo chifukwa wangupangana kuti wampaskenge limbuni ndi ku ŵana ŵake muyaya.

2 Mikoka 21:7 Referans Kwoze

1 ŴaKaronga 11:36

Kweni ku mwana wake ndikapaskanga fuku limoza alinga kuti Davidi muŵanda wangu waŵe ndi limbuni paurongo pangu mu Yerusalemu, msumba wo ndikusankha kuŵikamo zina langu.

Luka 1:79

kwachiŵaŵaliya ŵakuja mu mdima ndi chiduzi cha nyifwa; kwachirongozge marundi ghidu mu nthowa ya chimangu.”

Luka 1:69

Ndipo watisoske mtaski wanthazi, mu nyumba yaku Davidi, mhurwa wake

1 ŴaKaronga 11:13

Ndipuuli kuti ndikaparuwanga ufumu wose cha; kweni ndikapaskanga fuku limoza ku mwana wako, chifukwa chaku Davidi mteŵeti wangu ndi chifukwa cha Yerusalemu yo ndasankha.”

Sumu 132:11

Munguchita phanganu lakukho kwaku Davidi, ndipo kuti mukalituzgangapo cha: “Yumoza wa ŵana ŵako ndimuŵikenge pa chitengo chako.

Sumu 89:39

Mwazimwa phanganu ndi mteweti winu, chifuku chake mwataya mu fuvu.

2 Mikoka 22:11

Kweni Yehoshafati, mwana munthukazi wakaronga, wanguto Yoashi mwana waku Ahaziya, wangumuba kumtuzgamo mukati mu ŵana ŵa karonga wo ŵenga pafupi kubayika, wangumuŵika mu chipinda chakugonamo pamoza ndi wakumlera. Viyo Yehoshafati mwana munthukazi wa karonga Yehoramu muwoli Yehoyada msukuru, wangumubisa chifukwa wenga mzichi waku Ahaziya, kuti Ataliya wereke kumbaya;

2 ŴaKaronga 8:19

Kweni Ambuya kuti angubaya ŵaYuda cha pa chifukwa chaku Davidi mteŵeti wawo pakuti angupangana kumupaska nyali mpaka ku mphapu yake muyaya.

2 Samuele 23:5

Inya kumbi nyumba yangu asi yituma viyo ndi Chiuta? Pakuti wapangana nane phanganu la muyaya lakurongosoleka mu vinthu vyose, ndi lakukho. Pakuti asi ŵachiyandaniskenge chovyo changu chose ndi khumbiro langu?

2 Samuele 21:17

Kweni Abishai mwana waku Zeruya wangumovya, wangukoso mufilisti ndi kumubaya. Penipo ŵanthu ŵaku Davidi ŵangumurapiya, “Kuti utuliyenge so pamoza nafwe ku nkhondo cha, vinu ungazimwa lumbuni laku Yisraele.”

1 ŴaKaronga 15:4

Ndipuuli chifukwa chaku Davidi Ambuya Chiuta wake wangumupaska nyali mu Yerusalemu, kumika mwana wake pavuli pake, ndi kukuzga Yerusalemu,

2 ŴaKaronga 8:24

Viyo Yoramu wangula pamoza ndi awiske ndipo wanguŵikika pamoza ndi awiske mu msumba waku Davidi, sono Ahaziya mwana wake wanguwusa mu malo ghake.

2 Mikoka 23:3

Ndipo mzinda wose unguchita phanganu ndi karonga mu nyumba yaku Chiuta. Ndipo Yehoyada wanguti kwaku wo, “Onani, mwana wa karonga wausenge, nge ndimo Chiuta wangu nene ndi ŵana ŵaku Davidi.

2 Mikoka 6:16

Viyo sono Ambuya, Chiuta waku Yisraele, sungani cho mungupangana ndi Davidi mteŵeti winu, Davidi ada, kuti, ‘Wasoŵenge cha pamaso ghangu munthu wakuja pa chitengo cha ufumu waku Yisraele, asani ŵana ŵako pe ndiwo ŵangaphwere nthowa yawo, kwenda mu dangu langu nge ndimo iwe wayende paurongo pango.’