2 Mikoka 21:10 - Tonga Bible 1986

¹⁰ Kweni ŵaEdomu ŵangugaruka mbwenu kuti ŵareke kuwa pasi paku Yuda mpaka kunu kule. Nyengo yo Libina nayo wangugaruka kutuwa mu muwusu wake, chifukwa iyo wangujo wo Ambuya Chiuta wa ŵambuyake.

2 Mikoka 21:10 Referans Kwoze

Yeremiya 2:13

pakuti ŵanthu ŵangu ŵachita mauheni ghaŵi: ŵandireka ine, ndachisima cha maji gha umoyo, ndipo ŵajikumbiya visima, visima vyaku sweka, vyo kuti visunga maji cha.

2 Mikoka 15:2

ndipo wanguruta kwa chikumana ndi Asa, ndipo wanguti kwaku iyo, “Mundivwe Asa ndi Yuda yose ndi Benjamini: Ambuya ŵe namwe penipo mweche nawo, Asani mutumpenja mumusaniyenge, kweni asani mutumjowo nayo wamjowoninga.

2 Mikoka 13:10

Kweni nge ndifwe, Ambuya ndiwo Chiuta widu, tirivi kumjowo, tendi ŵazukuru wo ŵateŵete Chiuta mbana ŵaku Aroni ndi ŵaku Leyi, ŵalemetere ku nchitu yawo.

2 ŴaKaronga 19:8

Viyo nduna yiya yinguweko, ndipo yingusaniya kuti karonga wa Asiriya warwana ndi Libina; pakuti wanguvwa kuti karonga wangutuwako ku Lakishi.

1 ŴaKaronga 11:33

chifukwa chakuti wandijowo ine, wasopa Ashetaroto munthukazi wa ŵaSidoni, Kemoshi chiuta wa ŵaMoabu, ndi Milkomu chiuta wa ŵaAmoni, ndipo walivi kwenda mu nthowa zangu, kuchita chenicho nchakurunjika mu maso ghangu, kusunga marangu ghangu ndi vyeruzgu vyangu, nge ndimo wanguchitiya Davidi awiske.

1 ŴaKaronga 11:31

Ndipo wanguti kwaku Yeroboamu, “Jitole milembeza chumi; pakuti Ambuya, Chiuta waku Yisraele, watiti, ‘Ehe nde pafupi kuparuwa ufumu ku janja laku Solomoni, ndipo ndipaskenge iwe mafuku chumi

Yoswa 21:13

Ndipo ku mphapu yaku Aroni mzukuru, wangupaska Hebroni, msumba wakupozomokiyako wakubaya, ndi mauliska ghake, Libna ndi mauliska ghake,

Marangu 32:21

Ŵandiyuskiya ine ku sanji paku cho kuti ndi chiuta cha. Ŵandisosomo ndi ŵangoza ŵawo. Viyo ine ndikaŵayuskiyanga ku sanji ndi wo kuti mbanthu cha. Ndikaŵasosomonga ndi mtundu wakupusa.

2 Mikoka 21:8

Mu mazuŵa ghake ŵaEdomu ŵangugaruka ku ufumu waku Yuda ndipo ŵangujivwarikiya fumu yaku ŵija.

2 Mikoka 21:9

Ndipo Yehoramu wanguruta ndi ŵakaronga ŵake, ndi magareta ghake ghose pamoza nayo; ŵangusoka ndi usiku ndi ŵangukoso ŵaEdomu po iwo ŵangumzinga ndi ŵachirongozgi ŵake ŵa magareta.

2 Mikoka 21:11

Ndipo so napu wanguzenga so malo gha pachanya mu mapiri ghaku Yuda, wanguchitiska ŵamu Yerusalemu kuchita ureŵi ndi kuchichizga ŵaYuda kuti nawo ŵachitenge viyo pe.

Marangu 31:17

Sono ndazamukaripiya wo mu zuŵa lenilo, ndipo ndikaŵasiyanga ndikubisa chisku changu kwaku wo, ndipo ŵakaphwanyikanga, ndipo viheni vinandi ndi masuzgu vikazanga paku wo viyo ŵakakambanga mu zuŵa lo, ‘Ivi viheni pakutiziya ifwe, asi nchifukwa chakuti Chiuta widu mulivi mukati mwidu?’

Yoswa 10:29

Pavuli Yoswa ndi Yisraele yose pamoza nayo, wangurutiliya kutuwa pa Makeda kuya ku Libina, wangurwana ndi Libina;

Ŵeruzgi 10:13

Kweni imwe mwandijowo ndi kutataliya ŵachiuta ŵanyake; chifukwa cho kuti ndikamupozomoskaninga so cha.

2 Mikoka 28:6

Chifukwa Peka mwana waku Remaliya wangubaya ŵanthu machumi pe chumi pachanya machumi ghaŵi (120,000) mu Yuda pa zuŵa limoza, wose ŵanthu ŵanthazi, chifukwa ŵanguŵasiya Ambuya, Chiuta wa auskeu.

Yesaya 1:28

Kweni vigaruka ndi ŵaheni ŵakaphwanyikiyanga pamoza, ndi wose wo ŵakana Ambuya ŵakamaranga.

Yeremiya 2:19

Uheni winu ukudikiskeninga, ndipo kureka kusopa kukakuchenyaninga. Ziŵani, ndi wonani, kuti imwe pakureka Ambuya Chiuta winu mbuheni ndi kuŵaŵa kwaku imwe; kundopa ine mulivi mwaku imwe, atiti Ambuya Chiuta wa maŵanja.