2 Mikoka 19:7 - Tonga Bible 1986

⁷ Viyo chofyu cha pa Ambuya chiŵe paku imwe chenjeni pakucho muchita, chifukwa Ambuya Chiuta widu kuti wakarekeriyanga cheruzgu chakubende cha, kuchita sankhu pamwenga kuronde vinda.”

2 Mikoka 19:7 Referans Kwoze

Marangu 32:4

“Jarawe liya, nchitu yake njakufiskika, pakuti nthowa zake zose za urunji. Chiuta ndiyo mukongorekwa ndi wambura kalema, murumji ndi wakunyoroka.

Chiyambo 18:25

Chimuŵiyeni kutali kuchita cha viyo, kubaya ŵarunji pamoza ndi ŵaheni, kuti ŵarunji ŵayani ndi ŵaheni! Ichi chimuŵiyeni kutali! Kumbi Mweruzgi wa charu chose kuti wachitenge urunji cha?”

ŴaRoma 2:11

chifukwa kwaku Chiuta ulive urumba chisku.

ŴaRoma 9:14

Viyo tikatingenji na? Kumbi kwe uwura urunji kwaku Chiuta?

ŴaKolose 3:25

Chifukwa wakwananga wamuronde so kwananga kwake: ndipo kuti kwe kurumba chisku cha.

Machitidu gha Ŵakutumika 10:34

Ndipo Petro wangujura mlomo, ndipo wanguti, “Kwakuneneska nditeska kuti Chiuta ndi mrumbachisku cha;

Jobu 34:19

mweniyo wareka kurumba chisku nanga ndi mukati mu mafumu, nanga nkhuphwere ŵaromba kuruska ŵakavu, chifukwa wose mba nchitu ya manja ghake!

Chituwa 23:8

Ndipo mungarondanga vinda chifukwa vinda yiburumutizga maso gha ŵeruzgi, ndipo yibendezga mrandu waku wo mbarunji.

ŴaEfeso 6:9

Ndipo, mwaŵambuya mwe, chitiyani iwo vyenivyo pe, kwambura lifingafinga, pakuziŵa kuti Ambuya, ŵawo ndi ŵinu, ŵe kuchanya, ndipo kuti kwaku iwo urumba-chisku kulive.

ŴaGalatia 2:6

Kweni kutuwa kwaku wo ŵanguwoneka kuŵa ŵathenthe (po ŵaŵiyanga kali ŵakutie, kuti nkhanthu kwaku ine cha: Chiuta ŵalive kuronde chisku cha munthu) ndititi, wo ŵathenthe ŵengavi kukuskiyako kanthu kwaku ine:

Mateyu 22:16

Ndipo ŵangumtumiya ŵasambizi ŵawo pamoza ndi ŵaHerode, wo ŵanguti, “Msambizi, tiziŵa kuti mwe ŵaneneska, ndipo nthowa yaku Chiuta musambizga mu uneneska, ndipo kuti muphwere ndi yumoza cha, chifukwa kuti mulereska chisku cha ŵanthu cha.

Mika 7:3

Manja ghawo ghe paku chonchiheni, kuchichita ndi phamphu; ŵakaronga ndiŵeruzgi ŵapenja vinda, ndi munthu wakuziŵa wakamba khumbu liheni la mu mtima wake; viyo ŵatiuchita pamoza.

Yesaya 33:15

Yo watenda kwakukongora ndi wakamba kwakurunjika, yo watinkha chanduwu cha muyuzgu yo wasasa manja ghake, vinu ghangako vinda, yo wajara makutu ghake kukuvwa gha kudira ndopa ndipo wajara maso ghake kukuwona uheni.

Nehemiya 5:15

Ŵeruzgi ŵara ŵakudanga wo ŵengapo paurongo pangu ŵanguchitiska mphingu zizitu pa ŵanthu, ndipo ŵanguronda kurgha ndi vinyo ku ŵanthu, pamoza ndi mashekelo machumi ghanayi (40) gha siliva, ŵateŵeti ŵawo so ŵanguchita mitufu pa ŵanthu. Kweni ine kuti ndinguchita viyo cha, chifukwa chakopa Chiuta.

1 Petro 1:17

Ndipo asani mumudana Dada mweniyo kwambura kurumba chisku ngwakweruzgiya uli ndi nchitu ya munthu yose, mu wofi jaririyani nyengo yo ya chitandara chinu:

Chiyambo 42:18

Pa zuŵa la chitatu Yosefe wanguti kwaku wo, “Chitani viyo ndipo mukaŵanga ŵamoyo, pakuti nditopa Chiuta:

2 Samuele 23:3

Chiuta waku Yisraele wakamba, Jarawi laku Yisraele landinene: Po yumoza wausa pachanya pa ŵanthu kwakurunjika, kuwusa mukopa Chiuta,

Jobu 8:3

Kumbi Chiuta wabendezga cheruzgu? Pamwenga kumbi Wanthazi zose wabendezga urunji?

1 Samuele 11:7

Wanguto chipingu cha ng'ombe, wangudumuwa tumana-tumana, kutumizga mu mphaka zose za ŵaYisraele pa manja gha mathenga, wakuti, “Yo yose warekenge kuza pavuli paku Sauli ndi Samuele, ndimu kumuŵiyenge viyo ndi ng'ombe zake!” Ndipo wofi wa Ambuya unguŵawiya ŵanthu, mwakuti ŵangutuwa nge ndi munthu yumoza.

Jobu 13:10

Nadi wakamuchenyaninga, asani mu ubende murongo sankhu pakulonde ŵanthu.

Sumu 82:2

“Mpaka zuŵanji mweruzgenge kwakubende, ndi kurumba ŵaheni mu milando Yawo?