2 Mikoka 19:6 - Tonga Bible 1986

⁶ wanguti ku ŵeruzgi, “Chenjeni ndimo muchitiya, kuti muteruzgiya ŵanthu cha kweni Ambuya wo atuŵa namwe mucheruzga.

2 Mikoka 19:6 Referans Kwoze

Marangu 1:17

Mungalereskanga chisku cha munthu, muvwe mumana kwakulingana ndi mura. Mungopanga chisku cha munthu, chifukwa kweruzga nkhwaku Chiuta. Kweni asani mrandu ngunonono kwaku imwe, zani nawo kwangu, Ine ndazakuwuvwa.’

ŴaLevi 19:15

“Mungapenevyanga mu cheruzgu. Mungayeyanga mukavu; pamwenga kupayika mrando wa wakuzirwa kweni mu ukongorekwa ndimo mweruzgiyenge muzengezgani winu.

Luka 12:15

Ndipo wanguti kwaku wo, “Mucheŵe ndi muchwe ku mbunu yose: pakuti umoyo wa munthu kuti uŵiya mu ufurwi waku vyo we navyo cha.”

Wakutaula 5:8

Asani uwona kunyekezgeka kwa ŵakusawuka ndi kurandizgika kwa cheruzgu ndi urunji mwa chiwawa pa chigaŵa chinyake cha charu ungazizwanga paku ichi cha; pakuti wamazaza yo walereskeka ndi wamazaza wakuruska iyo, ndipo so walipo wamazaza wakuruska iwo.

1 Mikoka 28:10

Chenje sono chifukwa Ambuya akusankha kuŵazenge nyumba ya malo ghakupaturika, ukhome kuyichita.”

Yoswa 22:5

Muphwere ukongwa kusunga langulu ndi dangu lo Mosese mteŵeti wa Ambuya wangulanguliya imwe, kwanja Ambuya Chiuta winu, ndi kwenda mu nthowa zake zose, kusunga malangulu ghake, kumeremete kwaku iyo, ndi ku mteŵete ndi mtima winu wose ndi ndi mzimu winu wose.”

Machitidu gha Ŵakutumika 22:26

Ndipo wati wavwa kenturione yo, wanguruta ndi kutauliya nduna yira yo, wakuti, “Mukhumba kuchitanji? Chifukwa uyu munthu ndi muRoma.”

Machitidu gha Ŵakutumika 5:35

Ndipo wangunena nawo, “Mwaŵanthu mwaŵaYisraele, mujichenjere cho mukhumba kuchitiya wo ŵanthu.

Luka 21:8

Ndipo iyo wanguti, “Thoŵani, mungarandizgika: pakuti ŵanandi ŵaziyenge mu zina langu, wakuti ‘Ndine’; ndipo ‘Nyengo yaŵandika.’ Mungarutanga cha kuvuli kwawo.