2 Mikoka 19:11 - Tonga Bible 1986

¹¹ Wonani, Amaria mzukuru mura we pachanya pinu mu milando yose ya Ambuya, ndipo Zebedia mwana waku Yishumaeli, mweruzgi wa nyumba yaku Yuda ndi mura mu milando yose ya karonga; ŵaLevi ŵaŵenge nge mbateŵeti ŵinu. Chitani ndi kukhwima mtima, Ambuya aŵenge ndi ŵakutowa mu mtima!”

2 Mikoka 19:11 Referans Kwoze

2 Mikoka 19:8

Ndipo Yehosafati wangumika so mu Yerusalemu ŵaLevi ndi ŵazukuru ndi ŵara ŵa nyumba za ŵaYisraele, kweruzgiya Ambuya ndi kudumuwa milando. Ndipo ŵenga ndi vitengo vyawo mu Yerusalemu.

2 Timote 2:1

Viyo iwe, wamwana wangu, jikhomeske mu wezi wamwaku Kristu Yesu.

1 ŴaKorinte 16:13

Khazgani, ngangamikani mu chivwanu chinu muŵe ulaka mbanthurumi.

Machitidu gha Ŵakutumika 11:24

pakuti wenga munthu wamampha, ndi wakuzazika Mzimu Wakupaturika ndi chivwanu: ndipo mzinda ukuru ungukuskikiyako ku Ambuya.

Luka 23:50

Ndipo onani, munthu ndi zina Yosefe, waupu,

Malaki 2:7

Pakuti mlomo wa mzukuru utenere kusunga zeru, ndipo ŵanthu ŵatenere kupenja zeru pakumuvwa, chifukwa iyo ndi thenga la Ambuya ŵa maŵanja.

Wakutaula 2:26

Chifukwa ku munthu yo watimukondweska, Chiuta wapaska vinjeru, kuwamo, ndi chimwemwe; kweni ku mulakwi wapaska suzgu ya kuwunjika ndi kuyereka, mwakuti wapereke kwaku mweniyo Chiuta wakondwa nayo. Ichi nachu so nchawaka ndi suzgu ya mtima.

Nthanthi 2:20

Viyo iwe ukayendanga mu nthowa ya ŵanthu ŵamampha ndi kujaliliya mu ŵagurwi ŵa ŵarunji.

Sumu 112:5

Wakukondwa ndi munthu yo ndimwanangwa mu mateu ghake, yo watendeska nchitu zake mu uneneska.

Sumu 37:23

Michapu ya munthu yituliya ku Ambuya, ndipo achirikizga yo iwo akondwa nayo mu menderu ghake;

2 Mikoka 19:6

wanguti ku ŵeruzgi, “Chenjeni ndimo muchitiya, kuti muteruzgiya ŵanthu cha kweni Ambuya wo atuŵa namwe mucheruzga.

2 Mikoka 15:2

ndipo wanguruta kwa chikumana ndi Asa, ndipo wanguti kwaku iyo, “Mundivwe Asa ndi Yuda yose ndi Benjamini: Ambuya ŵe namwe penipo mweche nawo, Asani mutumpenja mumusaniyenge, kweni asani mutumjowo nayo wamjowoninga.

1 Mikoka 28:20

Ndipo Davidi wanguti kwaku Solomoni mwana wake. “Uŵe wanthazi ndi ukhwimi, ndi uyichiti, ungopanga chingana nkhutenthema cha chifukwa Ambuya Chiuta yo ndi Chiuta wangu we namwe. Kuti wakujowonge chingana nkhukusiya cha mpaka penipo mlimu wa nyumba yaku Chiuta wamara.

1 Mikoka 26:30

ŴaHebroni: Hashabiya, ndi ŵabali ŵake, ŵanthu ŵazeru chikwi chimoza, ndi machumi pe chumi ghankhonde ndi ghaŵi (1,700) ŵenga ŵakuphwere Yisraele sirgha laku zambwe kwa Yordane mu nchitu zose za Ambuya ndi mu mlimu wa karonga.

1 Mikoka 22:19

Sono khozgani mitima ndi umoyo winu kupenja Ambuya Chiuta winu. Sokani ndi muzenge nyumba ya kupaturika ya Ambuya Chiuta, mwakuti bokosi la phanganu la Ambuya ndi viyaŵi vyakupaturika vyaku Chiuta vitoleke mu nyumba yakuzengeke zina la Ambuya.”

1 Mikoka 22:16

ng'ombwa za milimu ya golide, siliva, mkuŵa, ndi visulo, soka uchitenge? Ambuya aŵe nawe.”

1 Mikoka 22:11

Sono wamwana wangu, Ambuya aŵe nawe, mwakuti ufiske kuzenga nyumba ya Ambuya Chiuta wako, nge ndimo wakambiya ndi zaku iwe.

1 Mikoka 6:11

Azariya wenga wiske waku Amariya, Amariya waku Ahitu,

Yoswa 1:9

Asi ndakulanguliya? Uŵi wanthazi, khwima; ungopanga cha, nanga nkhufipa mtima; pakuti Ambuya Chiuta wako we pamoza nawe ko ukayanga.”

Yoswa 1:6

Uŵi wanthazi, khwima mtima; chifukwa iwe ukahariskanga khamu ili charu cho ndingurapiya auskeu kuŵapaska.

1 Mikoka 26:32

Davidi karonga yo pamoza ndi ŵabali ŵake ŵangujimikiya ŵanthu ŵazeru ŵara ŵa nyumba za auskeu vikwi viŵi ndi machumi pe chumi ghankhonde ndi ghaŵi (2,700) kulereska ŵaRubene, ŵaGadi, ndi nusu la fuku la ŵina Manase, pa mlimu wose waku Chiuta ndi pa makani gha karonga.

2 Mikoka 15:7

Kweni imwe khwimani gwa, manja ghinu ghareke kutomboroka, chifukwa nchitu yinu yiŵenge ndi mphoto yake.”

Ezra 7:5

mwana waku Abishuya, mwana waku Eleazara mwana waku Aroni, mzukuru mura.

Yeremiya 6:16

Viyo atiti Ambuya: “Mani mu zinthowa, ndipo lereskani, fumbani nthowa za mwaka, ko kwe nthowa yamampha; ndipo mwende mwaku yeniyo! Ndipo musaniye chipumulu cha mizimu yinu. Kweni iwo ŵanguti, ‘Kuti tendenge mwaku yo cha.’