2 Mikoka 19:10 - Tonga Bible 1986

¹⁰ Penipo pose mlando utuza kwinu wa ŵabali ŵinu wo ŵaja mu misumba yawo, pa wakudiska ndopa wa dangu, pamwenga langulu, pamwenga vipangizgu, ndi vyeruzgu, muŵarangenge kuti ŵareke kulakwiya Ambuya alinga kuti angamusiskiyani kandundu, imwe ndi ŵabali ŵinu. Muchitenge viyo, ndipo kuti muŵenge ndi kalema cha.

2 Mikoka 19:10 Referans Kwoze

1 ŴaTesalonika 5:14

Kweni tikuŵeyereni, mwa ŵabali, chinyiyani ŵatimbanizi, ŵachichizgeni ŵakufwa chipoyu mu mtima, chirikizgani ŵanthomboru, muŵe ndi lisungu kwaku wose.

Machitidu gha Ŵakutumika 20:31

Chifukwa chenichi khazgani imwe, mwaŵakukumbuka kuti virimika vitatu, usiku ndi msana, kuti ndingureka cha ndi masozi kukuchenjezgani munthu yose.

Ezekiele 33:6

Kweni asani mlonda wawona lipanga lituza ndipo kuti watumba mbata cha, ndi kuti ŵanthu kuti ŵacheŵeskeka cha, sono lipanga lituza, ndi kutuzgamo yumoza mukati mwawo; munthu yuwa watuzgikamo ndi uheni wake, kweni ndopa zake ndikazifumbanga pa janja la mlonda.

2 Mikoka 19:2

Kweni Yehu mwana waku Hanani muwona wanguruta kwachikumana nayo, wanguti kwaku Yehosafati, “Kumbi ukwenere kovya ŵaheni ndi kwanja wo ŵatinkha Chiuta? Pa chifukwa ichi kandundu kaku Chiuta ke paku iwe.

Maŵerengedu 16:46

Sono Mosese wangunena ndi Aroni, “To mbali yakusunkhizgiyamo, ndipo kwakutinthimika ujitore ku wumba, kuŵapepeske; chifukwa kwatuwa ukari ku Ambuya, ndipo nthenda yayamba.”

2 Mikoka 19:9

Ndipo wanguŵapangizga kuti, “Muchitenge ndikuŵawopa Ambuya, muŵenge ŵamagomekezgeka ndi mtima winu wose.

Ezekiele 3:17

“Mwana wa munthu, ndakuchita uŵe mulonda wa nyumba yaku Yisraele; penipo pose utuvwa mazu ghangu, ukaŵachenjezganga.

Chituwa 18:16

asani ŵendi suskanu, ŵatuza kwangu ndipo ine nditeruzga pakati pa munthu ndi munyake, ndipo nditiŵaziŵiska malamulu ghaku Chiuta ndi vyeruzgu vyake.”

Maŵerengedu 17:11

Nge ndimo angumulanguliya; ndimu Mosese wanguchitiya.

Marangu 21:5

Ndipo ŵazukuru ŵaLevi ŵakazanga kunthazi, pakuti Ambuya ŵinu ŵakuŵasankhiya kuteŵete iyo ndi kutumbika mu zina la Ambuya, ndipo pa mazu ghawo suskanu yose ndi kupuma kose vyeruzgikenge.