2 Mikoka 16:7 - Tonga Bible 1986

⁷ Pa nyengo yo wanguza Hamani muwona kwaku Asa karonga waku Yuda, wanguti, “Chifukwa wagomekezga fumu yaku Siriya, ulivi kugomezga Ambuya Chiuta wako, pa chifukwa ichi nkhondo ya fumu ya Siriya murwani wako yapozomoka mu janja lako.

2 Mikoka 16:7 Referans Kwoze

2 Mikoka 19:2

Kweni Yehu mwana waku Hanani muwona wanguruta kwachikumana nayo, wanguti kwaku Yehosafati, “Kumbi ukwenere kovya ŵaheni ndi kwanja wo ŵatinkha Chiuta? Pa chifukwa ichi kandundu kaku Chiuta ke paku iwe.

1 ŴaKaronga 16:1

Mazu gha Ambuya ghanguza kwaku Yehu mwana waku Hanani gha kususka Basha, ghakuti,

Yesaya 31:1

Soka kwaku wo ŵasikiya ku Egipiti kupenja chovyu ndipo ŵagomekezga mu ŵakavalo, wo ŵagomekezga mu unandi wa magareta ndi mu ŵakukwera pa ŵakavalo pakuti mba nthazi ukongwa, kweni kuti ŵalereska ku Mtuŵa Yumoza yo waku Yisraele cha, pamwenga kufumba Ambuya!

2 Mikoka 20:34

Nchitu zinyake zaku Yehosafati zakudanga ndi zakumariya, zikulembeka mu Buku la Mikoka laku Yehu mwana waku Hanani, yo wazumburika mu Buku la Mafumu ghaku Yisraele.

2 Mikoka 13:18

Viyo ndimo ŵaYisraele ŵanguthereskeke pa nyengo yiya. ŴaYuda ŵangupunda chifukwa ŵanguyegeme ku Ambuya Chiuta wa ambuyawo.

1 Mikoka 5:20

ndipo pa kovyeka kurwana nawo, ŵaHagiri, ndi wose ŵa pamoza nawo ŵanguperekeka mu manja ghawo, pakuti wanguliriya kwaku Chiuta mu nkhondo, ndipo pa chifukwa chakugomekezga mwaku iyo, wanguvwa kuŵeyere kwawo.

2 ŴaKaronga 18:5

Ŵangugomekezga mu Ambuya Chiuta waku Yisraele, viyo kuti pengavi yumoza wakuyana ndi iyo mu ŵakaronga ŵaku Yuda ŵapavuli pake, chingana ndi mukati mwaku wo ŵengapo paurongo pake.

Yesaya 32:2

Yumoza ndi yumoza wakaŵanga uli ndi malo ghakubisamamo ku mphepo, musana wakubisamako ku lirondo, nge nthumisinji twa maji mu charu chiyumu, nge nchiduzi cha jarawe likuru mu charu chakuvuka.

1 ŴaKaronga 15:19

“Liŵepu phanganu lakovyana pakati paku ine ndi iwe, nge ndapakati pa ada ndi ausu: ehe, ndatuma ko kwako chaulera cha siliva ndi golide; ruta, kabwanganduwe phanganu lako ndi Basha karonga waku Yisraele, alinga kuti watuweko kwangu.”

2 Mikoka 14:11

Ndipo Asa wanguririya kwa Ambuya Chiuta wake kuti, “Ambuya Chiuta, wakulingana ndi imwe nkhulivi, kovya pakati pa ŵanthazi ndi ŵambura nthazi. Tovyeni Ambuya Chiuta widu, pakuti tiyegeme kwinu, ndipo mu zina linu tizirwi ndi chimzinda ichi. Ambuya ndimwe Chiuta widu munthu kuti wangamtondani cha.”

2 Mikoka 16:6

Penipo Asa wanguto wose ŵaku Yuda, kwachito mya ya Rama ndi miti yake yo wazengiyanga Basha, ndipo wanguzenge Geba ndi Mizipa.

2 Mikoka 24:24

Chingana nkhondo ya ŵaSiriya yinguza ndi ŵanthu ŵamanavi, kweni Ambuya angupereka mu manja ghawo mzinda ukuru wa nkhondo chifukwa ŵanguŵasiya Ambuya, Chiuta wa auskeu. Viyo ndimo ŵangufiskiya cheruzgu paku Yoashi.

Yesaya 39:3

Sono Yesaya mchimi wanguza ku karonga Hezekiya, wanguti kwaku iyo, “Ŵakambanji yaŵa ŵanthu? Wachiza kwako ŵatuliya pani?” Hezekiya wanguti, “Ŵaza kunu kwangu kutuliya ku charu cha kutali, ku Babiloni.”

1 ŴaKaronga 16:7

Ndipo so mazu gha Ambuya ghanguziya mu mchimi Yehu mwana waku Hanani gha paku Basha ndi nyumba yake, chifukwa cha mphurupuru zose zo wanguchita mu maso gha Ambuya, kuŵasosomole kuchikwiya ndi nchitu za manja ghake, pakuŵa wakukozgana ndi wanguyiparghang'a.

2 Mikoka 20:32

Wangwenda mu nthowa yaku Asa awiske ndipo kuti wangutuwamo cha mwaku yo, wanguchita cho nchamampha pa maso ghaku Chiuta.