2 Mikoka 15:8 - Tonga Bible 1986

⁸ Ndipo Asa wanguti wavwa mazu yagha gha uchimi waku Azaria mwana waku Odedi, wangukhwima mtima, wangutuzga unyakazi ndi vikozgo mu charu chose chaku Yuda ndi Benjamini, ndi mizi yo wanguronda ku mapiri ghaku Efraimu, ndipo wangunozgaso Jochero laku Chiuta lo lenga pa maso pa khomo la nyumba yaku Chiuta.

2 Mikoka 15:8 Referans Kwoze

2 Mikoka 13:19

Ndipo Abija wangumundondoroska Yeroboamu wangumphanga msumba, Betele ndi mizi yake, Yeshana ndi mizi yake, ndi Efroni ndi mizi yake.

2 Mikoka 8:12

Viyo Solomoni wangupereka sembe zakocha ku Ambuya pa jochero la Ambuya lo wanguzenga pa maso pa khonde,

2 Mikoka 4:1

Ndipo wanguchita jochero la mkuŵa, utali wake wenga mikono machumi ghaŵi, ndi usani wake wenga mikono machumi ghaŵi ndi msinkhu wake wenga mikono chumi.

1 Petro 4:3

Chifukwa nyengo yo yakapo njikuru kutataliya khumbiro la ŵaMitundu, ndi kujende mu mauyaya, maulakalaka, mauloŵevu, vindimba, maunkhamwi, masopedu ghamwikhu gha ŵangoza.

Machitidu gha Ŵakutumika 28:15

Ndipo viyo tingufika ku Roma. Kutuwa kweniko nako ŵabali wo ŵanguvwapo vyapaku ifwe, ŵanguzachikumana nafwe mpaka ku Apio Foro ndi Misika Yitatu: Paulo pakuwona wo wanguwonga Chiuta, ndi wanguchintha mtima.

Ezekiele 8:10

Viyo ndingusere, ndinguwona; pa chimati pangusimbika kwakuzunguliya, panguŵa vyakukwaŵa vyose vyakupambana-pambana, ndi vinyama vya ukazuzi, ndi ŵangoza wose ŵa nyumba yaku Yisraele.

Yeremiya 16:18

Ndipo ndikaŵawerezgiyangapo kwa kaŵi pa utimbanizi ndi uheni wawo, chifukwa ŵakazuzga charu changu ndi viŵanda vya ŵangoza ŵawo ŵa ŵaka, ndipo ŵazaza charu changu ndi maukazuzi ghawo.”

Yesaya 65:4

wo ŵaja mu miunda, ndipo ŵacherezga usiku wose mu malo gha kuwubende, wo ŵaturgha nyama ya nkhumba, ndipo kusazga kwa vinthu vya ukazuzi kwe mu viyaŵi vyawo;

Yesaya 44:14

Wateme pasi masidara, pamwenga wasankha muti wa mbawa pamwenga wa nthunthu ndipo watiuleka kuti ukuwe ndi nthazi mukati mu miti ya mu dondo, wapanda muti wa mulanji ndipo vuwa yitiulera.

2 Mikoka 29:18

Ndipo ŵanguruta kwaku Hezekiya karonga ndi ŵanguti, “Tatozga nyumba yose ya Ambuya, jochero la kochapo sembe zakocha ndi vyakuteŵete vyake vyose.

2 Mikoka 19:11

Wonani, Amaria mzukuru mura we pachanya pinu mu milando yose ya Ambuya, ndipo Zebedia mwana waku Yishumaeli, mweruzgi wa nyumba yaku Yuda ndi mura mu milando yose ya karonga; ŵaLevi ŵaŵenge nge mbateŵeti ŵinu. Chitani ndi kukhwima mtima, Ambuya aŵenge ndi ŵakutowa mu mtima!”

2 ŴaKaronga 23:13

Karonga wangupasuwa malo gha pachanya gho ghenga ku vuma kwa Yerusalemu, ku malaŵi kwa Yerusalemu, ku malaŵi kwa phiri la ukazuzi, ghenigho Solomoni karonga waku Yuda wanguzenge Ashatoreti ukazuzi wa ŵina Sidoni, wanguzenge Kemochi ukazuzi wa ŵaMoabu, ndi wanguzenge Milkomu ukazuzi wa ŵaAmoni.

2 ŴaKaronga 18:22

Kweni asani unenenge kwaku ine, “Ifwe tiyegeme, pa Ambuya Chiuta widu,” asi ndi mweniyo malo ghake gha pachanya ndi majochero gha sembe Hezekiya wakutuzgamo ndi kukamba kwaku Yuda ndi Yerusalemu kuti, “Mukasopanga paurongo pa jochero ili mu Yerusalemu?”

2 ŴaKaronga 16:14

Ndipo jochero la mkuŵa lo lenga paurongo pa Ambuya wangulituzgapo pa maso pa nyumba, pa malo gha pakati pa jochero lake ndi nyumba ya Ambuya, ndipo wanguliŵika kurchiri ku nkhonde kwa jochero lake.

1 ŴaKaronga 11:7

Solomoni wanguzenge Kemoshi ukazuzi waku Moabu malo gha pachanya, ndi Moleki ukazuzi wa ŵina Amoni pa phiri kuvuma kwa Yerusalemu.

1 ŴaKaronga 11:5

Chifukwa Solomoni wangurondo Ashitaroti chiuta munthukazi wa ŵaSidoni, ndi Milikomu ukazuzi wa ŵina Amoni.

Marangu 27:15

“ ‘Watembeke munthu yo wachita ngoza wakusongono, wo mbukazuzi ku Ambuya, chinthu chakuchitika ndi manja gha munthu mumisiri, ndipo watichimika ku ubende.’ Ndipo ŵanthu wose ŵakamukanga, ŵanenenge, ‘Ameni.’

ŴaLevi 18:30

Viyo vwani kuchenjezga kwangu, mungachitanga po cha nanga ndi nyengo yimoza umoza wa midauko ya ukazuzi yo yinguchitika kale imwe mwenga mundaze, pamwenga kujikazuzga mwaŵeni ndi malusu gho. Ine ndine Ambuya Chiuta winu.”

2 Mikoka 17:2

Wanguŵika ŵankhondo mu charu chaku Yuda, ndi mu mizi yaku Efraimu yo awiske Asa ŵanguronda.

2 Mikoka 19:4

Yehosafati wanguja mu Yerusalemu: ndipo wanguruta so kwendendeka mukati mu ŵanthu, kutuwa ku Beresheba kwachifika ku mapiri ghaku Efraimu, kuŵawezge kwaku Chiuta wa ŵambuyawo.

Ŵeruzgi 10:16

Viyo ŵangutuzgamo ŵachiuta ŵachilendo mukati mwawo ndi ŵangutataliya Ambuya; ndipo iwo angukaripa pa masuzgu ghaku Yisraele.

1 ŴaKaronga 15:9

Mu chirimika cha machumi ghaŵi (20) chaku Yeroboamu karonga waku Yisraele Asa wangwamba kuwusa paku Yuda,

Mateyu 25:16

Sono yo wanguronde matalente ghankhonde wanguruta ndi wangutataliya nagho, ndipo wangwanduwa matalente ghanyake so ghankhonde.