2 Mikoka 14:4 - Tonga Bible 1986

⁴ ndipo wangulanguriya Yuda kuti wapenje Ambuya Chiuta wa ŵambuyawo, kufiska dangu ndi langulu.

2 Mikoka 14:4 Referans Kwoze

Amosi 5:4

Chifukwa atiti Ambuya ku nyumba yaku Yisraele:

Sumu 119:10

Nditimupenjani ndi mtima wangu wose; mungandizomerezganga cha kureka kuvwiya malangulu ghinu!

Nehemiya 13:9

Ndipo ndingulangula ndi ŵangutozga vipinda; ndi ndinguwerezgamo viyaŵi vya nyumba yaku Chiuta, ndi mipasku ya ufwa ndi vyachema.

2 Mikoka 33:16

Wangunozga so jochero la Ambuya, wangubayiyapo sembe za chimangu, ndi za kuwonga, ndipo wangupangizga Yuda kuŵatatariya Ambuya Chiuta waku Yisraele.

2 Mikoka 30:19

mweniyo wapenja Chiuta, Ambuya, Chiuta wa awiske, nanga wangureka kutozgeka kwakuyana ndi marangu ghakutozgeka gha malo ghakupaturika.”

2 Mikoka 30:12

Janja laku Chiuta lenga so paku Yuda kuŵapaska mtima umoza kuchita cho karonga ndi mafumu ghangulangula mu mazu gha Ambuya.

2 Mikoka 29:30

Hezekiya karonga, ndi mafumu ŵangulanguliya ŵaLevi kumba mathamiko ku Ambuya ndi mazu ghaku Davidi ndi ghaku Asafi muwona. Ŵangumba mathamiko ndi likondwa, ndipo ŵangusindama ndi ŵangusopa.

2 Mikoka 29:27

Viyo Hezekiya wangulangula kuti sembe yakocha yiperekeke pa jochero. Ndipo penipo sembe yakocha yaperekekanga, mathamiku ku Ambuya nagho ghangwambika; malipenga ghangumbika pamoza ndi vyakumbiya vinyake vyaku Davidi karonga.

2 Mikoka 29:21

Wanguza ndi nkhuzi zinkhonde ndi ziŵi, ŵana ŵa mberere ŵankhonde ndi ŵaŵi, ndi mberere zinkhonde ndi ziŵi, ndi ŵaphongu ŵankhonde ndi ŵaŵi kuŵa sembe za pa uheni wa ufumu wose, ndi malo ghakupaturika, ndi Yuda. Ndipo wangulanguliya ŵazukuru, ŵana ŵaku Aroni kuvipereka pa jochero la Ambuya.

2 Mikoka 11:16

Ndipo wo ŵanguŵika mitima yawo pakupenja Ambuya Chiuta waku Yisraele, kutuwa mu mitundu yose yaku Yisraele ŵanguza ku Yerusalemu kuzachibayiya sembe Ambuya Chiuta, wa mbuya.

1 Samuele 3:13

Ndipo nditumukambiya kuti nde pafupi kulanga nyumba yake muyaya, pa ulakwi wo wanguwuziŵa, chifukwa ŵana ŵake ŵatukanga Chiuta ndipo iyo kuti wanguŵakanizga cha.

Yoswa 24:15

Ndipo asani kuti mukakhumbanga cha kutataliya Ambuya, sankhani msana wale mweniyo mukatataliyanga, manyi mba chiuta wo auskemwe ŵangutataliya kusirgha liya la Msinji, pamwenga ŵachiuta waAmori ŵeniwo imwe muja mu charu chawo; kweni nge nkhwaku ine ndi wose ŵamu nyumba yangu titataliyenge Ambuya.”

Chiyambo 18:19

Awa, pakuti ndamusankha, kuti warunguchizge ŵana ŵake ndi mbumba yake ya pavuli pake kusunga nthowa ya Ambuya pakuchita ukongorekwa ndi urunji: alinga kuti Ambuya ŵatole kwaku Abrahamu chenicho ŵapangana nayo.”

2 Mikoka 14:3

Wangubwanganduwa majochero gha ŵachiuta ŵambura kuziŵikwa, ndi malo gha pachanya, ndipo wanguswa vyangoza ndi kudumuliya pasi Ashera;

2 Mikoka 14:5

Ndipo wangutuzga so malo gha pachanya ndi vikozgo mu mizi yose yaku Yuda, ndipo ufumu wenga bata paurongo pake.