2 Mikoka 13:21 - Tonga Bible 1986

²¹ Kweni Abija wakuwanga ndi nthazi, wanguto ŵanthukazi chumi ndi ŵanayi (14), ndipo wangupapa ŵana ŵanthurumi machumi ghaŵi pachanya ŵaŵi (22) ndi ŵana ŵanthukazi chumi pachanya ŵankhonde ndi yumoza.

2 Mikoka 13:21 Referans Kwoze

2 Mikoka 11:21

Rehoboamu wangwanja Maka mwana waku Absolomu kwakuruska ŵawoli ŵake wose ndi mbirigha (wenga ndi ŵawoli chumi pachanya ŵankhonde ndi ŵatatu (18) ndi mbirigha machumi ghankhonde ndi limoza (60) ndipo wenga ndi ŵana ŵanthurumi machumi ghaŵi pachanya ŵankhonde ndi ŵatatu (28) ndi ŵana ŵanthukazi machumi ghankhonde ndi limoza (60)).

Ŵeruzgi 10:4

Wenga ndi ŵana ŵanthurumi machumi ghatatu (30) wo ŵakweranga pa mbunda machumi ghatatu (30); ndipo wenga ndi misumba machumi ghatatu (30), yakudanika Havotiyairo mpaka zuŵa lino, wo ŵemu charu cha Gileada.

Ŵeruzgi 9:5

Ndipo wanguruta ku nyumba ya awiske ku Ofra wangubaya ŵana ŵanyake ŵana ŵaku Yerubala, machumi ghankhonde ndi ghaŵi (70) pa mwa umoza; kweni Yotamu mwana wakumaliya waku Yerubala wangurekeka, pakuti wangujibisa.

1 ŴaKaronga 15:7

Nchitu zose zaku Abiyamu, ndi vyose vyo wanguchita vikulembeka mu Buku la Mikoka la ŵaKaronga ghaku Yuda? Ndipo penga nkhondo pakati paku Abiyamu ndi Yeroboamu.

2 Mikoka 13:20

Yeroboamu kuti wenga so ndi nthazi cha mu mazuŵa ghaku Abija; ndipo Ambuya angumkoso wangufwa.

2 Mikoka 13:22

Nchitu zaku Abija, mendedu ghake ndi makambidu ghake, vikulembeka mu buku la makani gha mchimi Ido.