2 Mikoka 12:3 - Tonga Bible 1986

³ pamoza ndi magareta chikwi ndi machumi pe chumi ndi ghaŵi (1,200), ndi ŵapakavalo vikwi machumi ghankhonde ndi limoza (60,000). Ŵanthu ŵenga ŵambura maŵerengeka wo ŵanguza nawo pamoza kutuwa ku Egipiti ŵaLibia, ŵaSuki, ndi ŵaEtiopia.

2 Mikoka 12:3 Referans Kwoze

Nahumu 3:9

Nthazi yake wenga Etiopia, ndi so Egipiti, ndipo yambura kumara; Putu ndi ŵaLibiya ŵenga ŵakovya ŵake.

2 Mikoka 16:8

Kumbi asi ŵaEtiopia ndi ŵaLibiya ŵenga chimzinda cha nkhondo, ndi magareta ghanandi ukongwa ndi ŵapakavalo? Kweni chifukwa unguyegeme ku Ambuya, iwo anguŵapereka mu janjalako.

Danyele 11:43

Waŵenge wakuwusa usambasi wa golide ndi wa siliva, ndi vinthu vyose vyakuzirwa vyaku Egipiti; ndipo ŵaLibiya ndi ŵaEtiopia ŵajondonge muvuli mwake.

Chivumbuzi 9:16

Ndipo unandi wa maŵanja gha ŵapa ŵakavalo wenga vikwi chumi vyakupindika vikwi machumi ghaŵi: (200,000,000), ndinguvwa unandi wawo.

Ezekiele 30:5

Etiopia, Puti, Ludi, wose ŵa Arabia, ndi Libiya ndi ŵanthu ŵamu vyaru vyo ŵazomerezgana navyo, ŵakabayikiyanga pamoza nawo ndi lipanga.

Yesaya 43:3

Pakuti ndine Ambuya Chiuta winu, Mtuŵa Yumoza waku Yisraele, Mtaski winu. Ndipereka Egipiti nge ndi thumba linu, Etiopia ndi Seba mukugulizgana ndi imwe.

2 Mikoka 14:12

Viyo Chiuta wangukoso ŵa Etiopia paurongo paku Asa ndi Yuda, ŵaEtiopia ŵanguthaŵa.

2 Mikoka 14:9

Ndipo kunguza Zera waku Etiopia ndi ŵanthu vikwi machumi pe chumi kwazirwa nkhondo (1,000,000), ndi magareta machumi pe chumi ghatatu (300), ŵangufika ku Meresha.

2 Samuele 10:18

ŴaSiriya ŵanguthaŵa pa maso pa ŵaYisraele; ndipo Davidi wangubaya ŵaSiriya ŵapa magareta machumi pe chumi ghankhonde ndi ghaŵi (700), ŵapa kavalo vikwi machumi ghanayi (40,000) wangumlasa Shobaka nduna yankhondo yawo, mwakuti wangufwiya penipa.

1 Samuele 13:5

ŴaFilisti ŵanguwungana kuti ŵarwi nkhondo ndi ŵaYisraele magareta, vikwi machumi ghatatu (30,000) ŵanthu vikwi vinkhonde ndi chimoza (6,000) ŵakukwera pa ŵakavalo, ndipo ŵanthu ŵanguŵa nge ndi mchenga wapa likumba la nyanja mu unandi; ŵangukwera ndi kugoŵa mu Mikimasa ku vuma Bete-avene.

Ŵeruzgi 6:5

Pakuti ŵazanga ndi ng'ombe zawo ndi mahema ghawo, ŵazanga nge ndi zombe mu unandi, ŵanthu pamoza ndi ŵagamila ŵawo, ŵenga ŵambura maŵerengeka, viyo kuti ŵachiza mwenimo charu chinguzgoka chiparamba.

Ŵeruzgi 4:13

wangudana magareta ghake ghose, magareta machumi pe chumi ghankhonde ndi ghanayi (900) gha chisulo, ndi ŵanthu wose wo ŵenga nayo pamoza, kutuwa ku Haroshetihagoimu mpaka ku msinji Kishoni.

2 ŴaKaronga 7:6

Pakuti Ambuya anguchitiska nkhondo ya ŵaSiriya kuti ŵavwe kupoma kwa magareta, ŵakavalo ndi chibumuzi cha nkhondo yikuru ukongwa, viyo kuti ŵangunenerana mwaku ŵija, “Ehe, karonga wa waYisraele watikumbiya ŵakaronga ŵa ŵaHiti ndi ŵakaronga ŵa Egipiti kuzachirwana nafwe.”

2 Mikoka 14:8

Ndipo Asa wenga ndi ŵankhondo vikwi machumi pe chumi ghatatu (300,000) ŵa mwaku Yuda, ŵakupinga nguru ndi mikondo, ndipo so ndi vikwi machumi pe chumi ghaŵi pachanya machumi ghankhonde ndi ghatatu (280,000) ŵa mwaku Benjamini, ŵakupinga nguru ndi mauta; wose wo vyenga vinkhara vyanthazi.