2 Mikoka 12:2 - Tonga Bible 1986

² Mu chirimika cha chinkhonde cha karonga Rehoboamu, Sheshaki karonga waku Egipiti wanguza kurwana ndi Yerusalemu chifukwa wangunangiya Ambuya;

2 Mikoka 12:2 Referans Kwoze

1 ŴaKaronga 11:40

Pa chifukwa ichi Solomoni wangupenja kubaya Yeroboamu, kweni Yeroboamu wangusoka wanguthaŵiya ku Egipiti, kwaku Shishaki karonga wa Egipiti, ndipo wanguja mu Egipiti mpaka nyifwa yaku Solomoni.

Chitenje 5:15

Likondwa la mitima yidu lamara; kuvina kwidu kwasanduka chitenje.

Yeremiya 2:19

Uheni winu ukudikiskeninga, ndipo kureka kusopa kukakuchenyaninga. Ziŵani, ndi wonani, kuti imwe pakureka Ambuya Chiuta winu mbuheni ndi kuŵaŵa kwaku imwe; kundopa ine mulivi mwaku imwe, atiti Ambuya Chiuta wa maŵanja.

Yesaya 63:10

Kweni ŵangugaruka ndi kukaraliska Mzimu wake wakupaturika; viyo ŵangung'anamuka wanguŵa mphindikwa yawo, ndipo iyo mweneko wangurwana nawo.

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

2 ŴaKaronga 7:6

Pakuti Ambuya anguchitiska nkhondo ya ŵaSiriya kuti ŵavwe kupoma kwa magareta, ŵakavalo ndi chibumuzi cha nkhondo yikuru ukongwa, viyo kuti ŵangunenerana mwaku ŵija, “Ehe, karonga wa waYisraele watikumbiya ŵakaronga ŵa ŵaHiti ndi ŵakaronga ŵa Egipiti kuzachirwana nafwe.”

2 Mikoka 14:9

Ndipo kunguza Zera waku Etiopia ndi ŵanthu vikwi machumi pe chumi kwazirwa nkhondo (1,000,000), ndi magareta machumi pe chumi ghatatu (300), ŵangufika ku Meresha.

Yesaya 18:2

chenicho chituma ŵamirizi mu nthowa ya mu Nile, mu ngaraŵa za mabingwe zapa maji! Rutani, mwa mathenga ghakupusumpha, ku mtundu, utali wakoloŵa, ku ŵanthu wo ŵatopeka pafupi ndi kutali, mtundu wakulimba ndi wakuthereska, wo charu chake chigaŵika ndi misinji.

2 Mikoka 14:8

Ndipo Asa wenga ndi ŵankhondo vikwi machumi pe chumi ghatatu (300,000) ŵa mwaku Yuda, ŵakupinga nguru ndi mikondo, ndipo so ndi vikwi machumi pe chumi ghaŵi pachanya machumi ghankhonde ndi ghatatu (280,000) ŵa mwaku Benjamini, ŵakupinga nguru ndi mauta; wose wo vyenga vinkhara vyanthazi.

2 Mikoka 24:18

Wangusiya nyumba ya Ambuya Chiuta wa auskeu, ndi ŵanguteŵete Ashera ndi ŵangoza. Ndipo ukari unguza paku Yuda ndi Yerusalemu chifukwa cha ubendezi wawo uwu.