2 Mikoka 11:4 - Tonga Bible 1986

⁴ ‘Ambuya atiti, Mungarutanga chingana nkhuti mukarwanenge ndi ŵanyinu, weni munthu yose ku nyumba yake, chifukwa chinthu ichi chachitika ndi ine.’ ” Viyo ŵanguvwiya mazu gha Ambuya, ŵanguwe ŵangureka kwachirwa ndi Yeroboamu.

2 Mikoka 11:4 Referans Kwoze

Chiyambo 50:20

Nge nkhwaku imwe, khumbu linu lenga lakundichitiya uheni ine, kweni Chiuta wangung'anamuwa umampha, kuti ichi chichitike alinga ŵanandi ŵasungike ŵamoyo, nge ndimo ŵalili msana wale.

1 Petro 3:8

Ndipo pakumariya, mose muŵe ŵakuyana mumtima, ŵakuvwiyapo pamoza, ŵakwanja ŵabali, ŵa chitima chamampha, ŵa mitima yakujiyuyuwa;

ŴaHebere 13:1

Kwanja ŵabali kwinu kujaririyenge.

Machitidu gha Ŵakutumika 7:26

Ndipo la mawa wanguburika paku wo ŵalimbananga, ndipo wangwesa kuŵawojere ku chimangu, wakuti, ‘Mwaŵanthu, mwe ŵabali pe, chifukwa chine mubudirana?’

Hoseya 8:4

Ŵamika ŵakaronga, kweni ŵakuturiya kwaku ine cha; ŵamika mafumu, kweni kwambura ine kuziŵa. Ŵapanga ŵangoza ndi siliva ndi golide wawo, kujipasuwa.

Sumu 33:11

Fundu za Ambuya zakujaririya muyaya, maghanaghano gha mtima wawo ku mgonezi yose.

1 ŴaKaronga 22:36

Pakuserekwa dazi kubangura kunguporota mu liŵanja la nkhondo, “We yose warutenge ku msumba wake, we yose ku charu chake!”

2 Samuele 2:26

Sono Abnere wangudana Yoabu wanguti, “Kumbi lipanga likarghanga muyaya? Kumbi kuti uziŵa cha kuti umari ukaŵanga wakuŵaŵa ndipo mpaka zuŵanji uneniyenge ŵanthu ŵako kuti ŵareke kulondo ŵabali ŵawo?”

Chiyambo 13:8

Sono Abramu wanguti kwaku Lote, “Paulevi kulimbana pakati pako ndi ine, ndi pakati pa ŵaliska ŵako ndi ŵaliska ŵangu pakuti teŵene ndi ŵene.

2 Mikoka 11:3

“Kamba ndi Rehoboamu mwana waku Solomoni karonga waku Yuda, ndi ku ŵaYisraele wose ŵaku Yuda ndi ŵaku Benjamini, kuti,