2 Mikoka 10:4 - Tonga Bible 1986

⁴ “Ausu ŵanguzitiska goŵa paku ifwe, sono iwe uyuyuske nchitu zizitu za ausu, ndi goŵa lizitu lo ŵangutizitiska nalo, ndipo ifwe tikutakatakiyenge.”

2 Mikoka 10:4 Referans Kwoze

1 ŴaKaronga 12:4

“Ausu ŵanguzitiska goŵa lidu viyo sono uyuyuske nchitu yizitu ya ausu ndi goŵa lake lizitu paku ifwe, ndipo tikakuteŵetiyanga.”

1 Yohane 5:3

Chifukwa chenichi nchanju cho chaku Chiuta, kuti tisunge marangu ghake; ndipo marangu ghake gho kuti ngazitu cha.

Mateyu 23:4

Wamanga mphingu zizitundi zambura mapingika, ndi kuziŵika pa maphewa gha ŵanthu; zenizo iwo ŵeneko kuti ŵangazinderezga ndi munwi cha.

Yesaya 47:6

Ndingukaripa ndi ŵanthu ŵangu wo ndinguŵasankha, ndi ndinguŵakazuzga. Ndinguŵapereka mu janja linu, kuti munguŵarongo lisungu cha; pa makhongwe munguŵikapo goŵa lizitu kwakurutiriya.

1 ŴaKaronga 9:22

Kweni ŵaYisraele Solomoni kuti wanguŵachita uŵanda cha: iwo ŵenga ŵa nkhondo, ŵenga ŵamazaza ŵake ŵa charu, ŵakulangula ŵake, zinduna zake ŵakulangula ŵake magareta ndi ŵara ŵakavolo ŵake.

1 ŴaKaronga 5:15

Solomoni wanguŵa so ndi vikwi machumi ghankhonde ndi ghaŵi (70,000) ŵanthu ŵakupinga katundu, ndi vikwi machumi ghankhonde ndi ghatatu (80,000) ŵanthu ŵakuswa mya mu mapiri.

1 ŴaKaronga 4:25

Ndipo Yuda ndi Yisraele ŵanguja mwambura suzgu, kwamba ku Dani mpaka Beresheba, munthu yose wanguja pasi pa mphereska yake ndi pasi pa mkuyu wake, mazuŵa ghose ghaku Solomoni.

1 ŴaKaronga 4:20

Yuda ndi Yisraele unandi wawo wenga nge ndi mchenga wakulikumba la nyanja, ŵarghanga ndi kumwa ndipo ŵenga ŵakukondwa.

Chituwa 2:23

Pavuli pa mazuŵa ghanandi karonga wa Egipiti wangufwa. Ndipo ŵaYisraele ŵangukomwa mu uŵanda wawo, ndipo wanguliriya chovyo, ndipo kuliya kwawo kwa mu uŵanda kungufika kwaku Chiuta.

1 ŴaKaronga 5:13

Karonga Solomoni wangukumba wakumovya kutuwa mu Yisraele yose; ndipo unandi wa ŵanthurumi ŵakumovya ŵenga vikwi machumi ghatatu (30,000).

2 Mikoka 10:3

Ndipo ŵangutuma munthu kwachimudana. Viyo Yeroboamu ndi ŵaYisraele wose ŵanguza ŵangurongoro ndi Rehoboamu kuti,

2 Mikoka 10:5

Iyo wanguti kwakuwo, “Mukawe so pavuli pa mazuŵa ghatatu.” Viyo ŵanthu ŵanguruta.