2 Mikoka 1:2 - Tonga Bible 1986

² Ndipo Solomoni wangukamba ndi ŵaYisraele wose, ndi ŵakulamula ŵa vikwi ndi ŵa machumi pe chumi, ndi ŵeruzgi, ndi ŵarongozgi mu Yisraele yose, ndi ŵara ŵa nyumba za auskeu.

2 Mikoka 1:2 Referans Kwoze

1 Mikoka 28:1

Davidi wanguwunganiska zinduna zose za ŵaYisraele mu Yerusalemu zinduna za mafuka, ndi ŵarongozgi ŵa vigaŵa vyo vyateŵetiyanga karonga wakulamula wa vikwi, ŵakulamula ŵa machumi pe chumi, ŵasungi ŵa usambasi wose ndi ng'ombe zose vya karonga ndi ŵana ŵake pamoza ndi nduna za karonga, ndi vinkhara, ndi ŵankhondo wose ŵakuziŵiriya.

1 Mikoka 27:1

Iyi ndi ndondomeko ya fuku laku Yisraele, ŵara ŵa nyumba za auskeu ŵakulamula ŵa vikwi ndi machumi pe chumi, ndi nduna zawo wo ŵatakatakiyanga karonga mu nchitu yose ya vigaŵa vyo vyaserenga ndi kutuwa, mwezi ndi mwezi mu chirimika chose, chigaŵa che chose chenga ndi vikwi machumi ghaŵi ndi vinayi (24,000).

2 Mikoka 30:2

Pakuti karonga ndi mafumu ghake, ndi wumba wose mu Yerusalemu ŵanguchita upu kuŵa ndi phaska mu mwezi wa chiŵi,

2 Mikoka 29:20

Viyo Hezekiya karonga yo, wangusoka ndi wanguwunganiska ŵarongozgi ŵa msumba ndi wanguruta ku nyumba ya Ambuya.

1 Mikoka 29:1

Ndipo Davidi karonga wanguti ku wumba wose, “Solomoni mwana wangu, mweniyo yija Chiuta wasankha, ndi mwanamana, ndi wambura kuwamo, ndipo nchitu njikuru; chifukwa nyumba iyi kuti yikaŵanga ya munthu cha, kweni ya Ambuya Chiuta.

1 Mikoka 24:31

Yaŵa nawo so, mura wa nyumba ye yose ya auskeu pamoza ndi mhurwa wake ŵanguchita mphenduzga, nge mbabali ŵawo ŵana ŵaku Aroni, pa maso pa karonga Davidi, Zadoki, Ahimeleki, ndi ŵarongozgi ŵa nyumba za auskeu ŵazukuru ndi ŵaLevi.

1 Mikoka 24:4

Pakuti mu ŵana ŵaku Eleazara mungusanirika ŵara ŵanandi kwakuruska mu ŵana ŵaku Itamara, viyo ŵangugaŵikiya pasi pa ŵarongozgi ŵa nyumba za auskeu. Mukati mu ŵana ŵaku Eleazara mwenga ŵarongozgi chumi pachanya ŵankhonde ndi yumoza ŵa nyumba za auskeu, mu ŵana ŵaku Itamara mwenga ŵankhonde ndi ŵatatu.

1 Mikoka 15:12

ndi wanguti kwaku iwo, “Ndimwe ŵarongozgi ŵa nyumba za auskemwe za ŵaLevi, jipatuliskeni, imwe ndi ŵabali ŵinu, mwakuti mukatore bokosi la Ambuya, Chiuta waku Yisraele ku malo ghenigho ndalilongosole.

1 Mikoka 15:3

Davidi wanguwungang'a ŵaYisraele wose ku Yerusalemu kwachitore bokosi la Ambuya ku malo ghake ghenigho wangulinozge.

1 Mikoka 13:1

Ndipo Davidi wakambiskananga ndi ŵarongozgi ŵa vikwi ndi ŵa machumi, ndi ŵarongozgi wose.

2 Mikoka 1:3

Viyo Solomoni ndi mzinda wose wo wenga pamoza nayo ŵanguruta ku malo gha pachanya ghaku Gibeoni; chifukwa cha hema lakuwunganamo laku Chiuta lo Mosese mteŵeti wa Ambuya wangujintha kali mu bozwa.

1 ŴaKaronga 3:4

Ndipo karonga wanguruta ku Gibeoni kwachipereka sembe kwenikuwa, chifukwa gha ghenga malo ghakuru gha chisopo. Solomoni waperekanga chikwi chimoza (1,000) cha sembe zakocha pa jochero liya.