2 Mikoka 1:14 - Tonga Bible 1986

¹⁴ Solomoni wanguwunganiska pamoza magareta ndi ŵanthu ŵakukwera pa ŵakavalo; ŵenga ndi magareta chikwi chimoza ndi machumi pe chumi ghanayi (1,400), ndi ŵanthu ŵakukwera pa ŵakavalo vikwi chumi ndi viŵi (12,000) ŵeniwo wanguŵaŵika mu misumba ya magareta ndipo iyo karonga wenga mu Yerusalemu.

2 Mikoka 1:14 Referans Kwoze

1 ŴaKaronga 4:26

Solomoni wanguŵa ndi vikwi machumi ghanayi (40,000) vya makhora gha ŵakavalo ŵa magareta, ndi vikwi chumi ndi viŵi (12,000) vya ŵakukwera pa ŵakavalo.

2 Mikoka 9:25

Ndipo Solomoni wenga ndi makhora gha ŵakavalo, ndi malo ghakusungiyamo magareta vikwi vinayi (4,000) ndi ŵapakavalo vikwi chumi ndi viŵi (12,000) wanguŵaŵika mu mizi ya magareta ndi mu Yerusalemu ku karonga.

1 ŴaKaronga 9:19

Ndi misumba yose yakusungamo vinthuvyo Solomoni wenga navyo, ndi misumba ya magareta ghake ndi misumba ya ŵanthu ŵake ŵapa ŵakavalo, ndi chose cho Solomoni wangunweka kuzenga mu Yerusalemu, ndi mu Lebanoni, ndi mu charu chose cha ufumu wake.

1 ŴaKaronga 10:16

Karonga Solomoni wangupanga nguru zikuru zikuru machumi pe chumi ghaŵi (200) za golide laku surika; mashekelo machumi pe chumi ghankhonde ndi limoza (600) gha golide ghangusere mu nguru yimoza ndi yimoza.

Marangu 17:16

Kweni wangadaniskanga ŵakavalo cha, pamwenga kutumizga ŵanthu ku Egipiti cha mwakuti wandaniske ŵakavalo, pakuti Ambuya akumukambiyani kale imwe kuti, ‘Mukawerenga so ku nthowa yiya cha.’

1 ŴaKaronga 5:6

Chifukwa ichi, langulani kuti ŵanditeme milanje yaku Lebanoni; ndipo ŵaŵanda ŵangu ŵazamsere pa ŵaŵanda ŵinu, ndipo ine ndikulipileninge chifukwa cha ŵaŵanda ŵinu mitengo yo imwe mutemenge; pakuti muziŵa kuti mulivi nanga njumoza mukati mwidu yo waziŵa kudunuwa mathabwa nge mba Sidoni.”

2 Mikoka 8:6

Balati ndi misumba yose yakusungamo usambasi yo Solomoni wenga nayo, ndi misumba yose ya magareta ghake, ndi misumba yaŵa pa ŵakavolo ŵake, ndi yose yo Solomoni wangukhumba kuzenga mu Yerusalemu, ndi mu Lebanoni ndi mu charu chose cha ufumu wake.