1 Yohane 5:3 - Tonga Bible 1986

³ Chifukwa chenichi nchanju cho chaku Chiuta, kuti tisunge marangu ghake; ndipo marangu ghake gho kuti ngazitu cha.

1 Yohane 5:3 Referans Kwoze

Yohane 14:15

“Asani mutindanja, musungenge marangu ghangu.

Yohane 15:10

Asani musunga marangu ghangu, mujariryenge mu chanju changu; ngendimo ine ndasungiya marangu gha Ada, ndipo ndijaririya mu chanju chawo.

2 Yohane 1:6

Ndipo chenichi nchanju cho kuti tende kwakuyana ndi marangu ghake. Lenili ndi dangu lo uli ndimo mwavwiya kutuwa ku mtendeku, kuti mwende mwaku lo.

1 Yohane 2:3

Ndipo mwaku chenichi tiziŵa kuti timziŵa iyo, asani tisunga marangu ghake.

Marangu 7:9

Viyo ziŵani kuti Ambuya Chiuta winu ndi Chiuta wamagomekezgeka, yo wasunga phanganu ndi lisungu ndi ŵeniwo ŵatumwanja, ndi ŵasunga marangu ghake, kufika ku mwandano wa chikwi (1,000).

Mika 6:8

Iyo wakurongo wa munthu, cho nchamampha, ndi cho Ambuya akhumbiya iwe, kweni kuchita urunji, ndi kwanja ulemu, ndi kwenda kwakujiyuyuwa ndi Chiuta wako?

ŴaRoma 7:22

Chifukwa mu chilangulu chaku Chiuta ndikondwere kwakulingana ndi munthu yo wamukati,

Yohane 15:14

Imwe mwe ŵabwezi ŵangu, asani muchita vyenivyo ine ndikulanguliyani.

Danyele 9:4

Ndinguromba kwa Mbuya Chiuta wangu, ndi kuzomera kuti, “Ambuya Chiuta mkuru, ndi wakofya, wakusunga phanganu ndi lisungu kwaku wo ŵatumwanja ndi ŵasunga marangu ghake;

ŴaHebere 8:10

Pakuti chenichi nchipanganu chenicho ndichitenge ndi nyumba yaku Yisraele pavuli pa mazuŵa yagha, atiti Ambuya: ndiŵikenge marangu ghangu mu vinjeru vyawo, ndipo pa mitima yawo ndighalembenge; ndipo ndiŵaŵiyenge Chiuta, ndipo iwo ŵandiŵiyenge khamu:

ŴaRoma 7:12

Viyo chilangulu cho nchakupaturika, ndipo langulu lo ndakupaturika, ndi lakurunjika, ndi lamampha.

Nthanthi 3:17

Nthowa zake ndi nthowa za kusangaluska, ndipo nthowa zake zose nchimangu.

Sumu 119:140

Ndakufikapo mbwenu phanganu linu! Mteŵeti winu watitanja ukongwa!

Sumu 119:45

Ndipo ndikajanga mu wanangwa wakufikapo, chifukwa ndesa kuvwiya visimisimi vinu.

Marangu 5:10

nde wakuchitiya lisungu ku vikwi vyaku ŵeniwo ŵatindanja ndi wo ŵasunga marangu ghangu.

Chituwa 20:6

kweni nde wakuchitiya lisungu ku vikwi vya ŵanthu wo ŵatindanja ndi ŵasunga marangu ghangu.

Mateyu 23:4

Wamanga mphingu zizitundi zambura mapingika, ndi kuziŵika pa maphewa gha ŵanthu; zenizo iwo ŵeneko kuti ŵangazinderezga ndi munwi cha.

2 ŴaKaronga 18:6

Pakuti iyo wangumeremete ukongwa ku Ambuya, wengavi kutuwako kukulondo iwo, kweni wangusunga marangu gho Ambuya angulanguliya Mosese.