1 Yohane 5:19 - Tonga Bible 1986

¹⁹ Tiziŵa kuti te ŵakwaku Chiuta, ndipo charu chose chira mu nthazi ya mbeni yo.

1 Yohane 5:19 Referans Kwoze

2 ŴaKorinte 4:4

Mwaku ŵeniwo Chiuta wa mgonezi uno waburumutizga vinjeru vya ŵambura chivwanu, viyo kuti ungaŵaŵaliya cha ukweru wo wa evangeli wa unkhankhu waku Kristu, yo nchikozgu chaku Chiuta.

ŴaEfeso 2:2

mwaku ghenigho mungwendayenda ulaka ndi mgonezi wa charu chenichi, kwakuzomerezgana ndi fumu ya mitufu ya mude mzimu yo sono watataliyamo mu ŵana ŵa mtafu;

ŴaGalatia 1:4

yo wangujipereka pa chifukwa cha vilakwa vidu, mwakuti watitaske ku mgonezi uwu uheni, kwakulingana ndi khumbu laku Chiuta widu, Auskefwe;

Yohane 12:31

Sono kwe cheruzgu cha charu chino: sono wakapong'ekanga kubwaro muusi wa charu ichi.

Chivumbuzi 12:9

Ndipo wangupong'eka pasi nchalinda yo mukuru, njoka yo yamwaka, wakuzumbulika Diabolo ndi Satana, murandizgi wa pasi iyo ndi ŵangelo ŵake pamoza nayo.

Yohane 16:11

ndipo pa cheruzgu, chifukwa mura yo wa charu chino weruzgika.

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

1 Yohane 5:13

Kwaku imwe mwaŵakuvwaniya mu zina la Mwana waku Chiuta ndalemba vyenivi, alinga kuti muziŵe kuti mwe nawo umoyo wamuyaya.

Yakobe 4:4

Mwaŵareŵi, asi muziŵa kuti kukondana ndi charu mbumawongu paku Chiuta? Viyo mweniyo yose wakhumba kuŵa wachikondana ndi charu wajisanduska wamawongu waku Chiuta.

Yohane 14:30

Kuti ndirongoronge namwe vinandi so cha, chifukwa yituza fumu ya charu chino. Ndipo kuti ye ndi nthazi paku ine cha;

1 Yohane 5:10

Mweniyo wavwaniya mu Mwana waku Chiuta we nacho chisimisimi mwaku yija: mweniyo wareka kuvwaniya mwaku Chiuta wamchita mtesi; pakuti wareka kuvwaniya mu chisimisimi chenicho Chiuta wamsimikizgiya Mwana wake.

1 Yohane 3:24

Ndipo yo ngwakusunga marangu ghake, waja mwaku iyo, ndi iyo mwake. Ndipo mwaku chenichi tiziŵiya kuti waja mwidu, mu Mzimu mweniyo wangutipaska.

Chivumbuzi 20:3

wangumpong'a mu chizenje cho, ndi wanguchijara ndi kuchizighiriya pachanya pake, mwakuti wareke kurandizga so mitundu, mpaka vyamara virimika chikwi: pavuli pake watenere kuti wafwatulike nyengo yimanavi.

1 Yohane 5:18

Tiziŵa kuti yose yo ngwakupapika kwaku Chiuta kuti warutiliya mu kulakwa cha, chifukwa Mwana yo waku Chiuta watimsunga ndipo mheni yo kuti wamkwaska cha.

2 ŴaKorinte 5:1

Chifukwa tiziŵa kuti asani nyumba yapa charu ya hema lidu yabwanganduka, uzengi wakutuliya kwaku Chiuta te nawo, nyumba yakuchitika ndi manja cha, yamuyaya, mu machanya.

ŴaRoma 8:16

Mzimu iyo wasimikizgana ndi mzimu widu, kuti te ŵana ŵaku Chiuta:

1 Yohane 3:14

Tiziŵa ifwe kuti tatuwako ku nyifwa kuyiyamo mu umoyo, pakuti titanja ŵabali wo. Yo wareka kwanja, wajaririya mu nyifwa.

Tito 3:3

Chifukwa kali nafwe so taŵanga ŵakupusa ŵamtafu ŵakurandizgika ŵakuteŵeta maulakalaka ndi malikondwa ghamtundumtundu, ŵakujariya mu nkhaza ndi bina, ŵakutinkhika, ŵakutinkhana,

2 Timote 1:12

Chifukwa chaku chenicho ndikomwe so vyenivi: kweni kuti ndikanyara cha; chifukwa ndimziŵa mweniyo ndigomezga, ndipo ndiziŵa kuti ngwanthazi kusungirizgiya zuŵa liya chakupazgika changu.

2 ŴaKorinte 1:12

Chifukwa chitumbwa chidu nchenichi, chisimisimi icho cha njuŵi zidu, kuti mu charu ukongwako mwaku imwe tajijariya mu ukhovu ndi uneneska waku Chiuta, mu zeru ya ŵanthu cha, kweni mu wezi waku Chiuta.

Luka 4:6

Ndipo diabolo yo wanguti kwaku iyo, “Kwaku iwe ndipaskenge mtufu uwu wose, ndi unkhankhu waku vyo: pakuti kwaku ine waninkhika; ndi kwaku mweniyo ndikhumba ndiupaska.

Yohane 17:15

Kuti ndiromba cha kuti muŵatuzge mu charu, kweni kuti muŵasunge ku mheni yo.

1 Yohane 5:15

ndipo asani tiziŵa kuti watuvwa ifwe, chenicho chose tingapempha, tiziŵa kuti tenagho mapempho ghenigho tapempha kwaku iyo.