1 Yohane 4:14 - Tonga Bible 1986

¹⁴ Ndipo tawona ifwe, ndipo tisimikizga kuti Dada watuma Mwana wake kuŵa Mtaski wa charu.

1 Yohane 4:14 Referans Kwoze

1 Yohane 4:10

Mwaku chenichi mwe chanju, mwakuti ifwe tingumwanja Chiuta cha, kweni mwakuti iyo wangwanja ifwe, ndi wangutitumiya Mwana wake kuŵa mphepeska yapa vilakwa vidu.

Yohane 4:42

Ndipo ku munthukazi yo ŵatinge, “Sono tivwana pa chifukwa cha makani ghako pe cha: kweni pakuti taŵeni tijavwiya, ndipo taziŵa kuti kwakuneneska mwenuyu ndi Mtaski wa charu.”

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Yohane 1:29

Ndi mlenji wawona Yesu wachiza kwaku iyo, ndipo watiti, “Awonani, Mwana-mbere waku Chiuta, yo watuzgapo ulakwi wa charu!

1 Yohane 5:9

Asani tironde chisimisimi cha ŵanthu, chisimisimi chaku Chiuta nchikuruku: pakuti chisimisimi chaku Chiuta nchenichi, chakuti wasimikizga vyapa Mwana wake.

1 Petro 5:12

Ndi Silvano, mbali wamagomekezgeka, mo ndimpimiya, ndalemba kwinu ghawida, kuchiska ndi kusimikizga kuti wenuwu mbwezi wenecho waku Chiuta: mwaku wo miyani nganganga.

Yohane 12:47

Ndipo asani yumoza wangavwa mazu ghangu, ndi wareka kughasunga, ine kuti nditumweruzga cha; chifukwa kuti ndinguziya kuti nderuzge charu cha, kweni kuti ndichitaske charu.

Yohane 5:39

Mupenja mu malembo, pakuti mutiti mwaku ghenigho mwe nawo umoyo wamuyaya: ndipo ghenagha ndigho ghasimikizgiya ine;

Yohane 3:34

Chifukwa mweniyo Chiuta wamtuma, warongoro mazu ghaku Chiuta: chifukwa kuti wapaska Mzimu kwamweso cha.

Machitidu gha Ŵakutumika 18:5

Kweni penipo Sila ndi Timote ŵangusikako ku Makedonia, Paulo wafinyirizgikanga ndi mazu, wakusimikizgiya ku ŵaYuda kuti Yesu ndi Kristu.

Yohane 10:36

Nge mkhwaku ine, Ada akundisankha ndi kundituma mu charu. Na mukamba uli imwe kuti, ‘Ndituka Chiuta’ pakuti ndinguti, ‘Ndine Mwana waku Chiuta’?

Yohane 3:32

Wapanikizga chenicho wawona ndi wavwa, kweni chipanikizga chake kuti waronde yumoza cha.

Yohane 3:11

Nadi, ndikuneneske, tirongoro cho tiziŵa, ndipo chenicho tawona tisimikizga; kweni chisimisimi chidu kuti muronde cha.