1 Yohane 3:23 - Tonga Bible 1986

²³ Ndipo lenili ndi dangu lake, kuti tivwaniyenge mu zina la Mwana wake Yesu Kristu, ndi kuti tanjane, uli ndimo wangutilanguliya.

1 Yohane 3:23 Referans Kwoze

Yohane 13:34

dangu lifya ndikupaskani, kuti mwanjane; nge ndimo ine ndakwanjiyani, imwe so mwanjane.

1 Petro 1:22

Mwati mwatozge mauzima ghinu mu muvwiyo wa uneneska ku kwanjaŵabali kwambura fuvyu, mwanjane kwamtima ndi kwakufwiririyapo:

Yohane 15:12

“Lenili ndi languli langu, lakuti, mwanjane, nge ndimo ine ndakwanjiyani.

Yohane 6:29

Wangwamuka Yesu wanguŵanene, “Mlimu waku Chiuta ngwenuwu, wakuti muvwaniya mwaku mweniyo iyo wamtuma.”

1 Petro 4:8

Pachanya paku vyose muŵe ndi chanju chakufikapo mwaku mwaŵeni, pakuti chanju chivimba muru wa vilakwa.

1 Yohane 3:11

Pakuti wenuwu mbuthenga wo, weniwo mwavwa kutuwa ku mtendeku, kuti tanjane:

1 Yohane 4:21

Ndipo dangu lenili tenalo kutuliya kwaku iyo, lakuti mweniyo ngwakumwanja Chiuta, wanjenge so mbali wake.

1 ŴaTesalonika 4:9

Kweni kuti mukavuka cha kuti yumoza walembe kwaku imwe ghapa kwanja-ŵabali: chifukwa mwaŵeni mwasambizgika ndi Chiuta kwanjana;

ŴaEfeso 5:2

ndipo yendani mu chanju, nge ndimo Kristu nayo wangumwanjiyani, ndi wangujipereka chifukwa chinu mpasku wachema chamampha ndi sembe kwaku Chiuta.

Marko 9:7

Ndipo mtambo unguŵavimba: ndipo lingutuwa mu mtambo liyowozi, “Mwenuyu ndi Mwana wangu wakwanjiwa: muvweni iyo.”

Mateyu 22:39

Ndipo lachiŵi, lakukozgana nalo, ndenili, Ukamwanjanga munyako nge ndiwe wamweni.

Machitidu gha Ŵakutumika 16:31

Ndipo iwo ŵanguti, “Vwanani mu Ambuya Yesu Kristu, ndipo utaskikenge, iwe ndi nyumba yako.”

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

Yohane 14:1

“Ungakweŵekanga mtima winu cha: vwanani mwaku Chiuta, vwanani mwaku ine so.

Sumu 2:12

Fyofyonthani marundi ghawo, vinu angakaripa, ndi mungamariya mu nthowa; pakuti ukari wawo ukole ruŵi. Mbakutumbikika wose wo ŵadingang'a mwaku iwo.

1 Timote 1:15

Ndamagomekezgeka nenedu lo, ndipo ndakwenere kurondeka kose, lakuti Kristu Yesu wanguza mu charu kwachitaska ŵalakwi; waku ŵeniwo chiŵinda ndine;

Yohane 1:12

Kweni wose wo ŵangumronde ŵakuvwaniya mu zina lake wanguŵapaska mtufu wakwachiŵiya ŵana ŵaku Chiuta;

Yohane 2:23

Ndipo penipo wenga mu Yerusalemu pa phaska, ŵanandi ŵanguvwana mu zina lake, ŵachithoŵa visimikizgu vyo wachitanga.

Yohane 3:18

Wakuvwana mwaku iyo kuti wateruzgika cha, wakureka kuvwana weruzgika kali, chifukwa walive kuvwana mu zina la Mwana wakuwayija waku Chiuta.

1 Yohane 2:7

Mwaŵakwanjiwa, kuti ndikulembiyani dangu lifya cha, kweni dangu lakale, lenilo mwaŵa nalo kutuwa ku mtendeku. Dangu lo lakale ndi mazu ghenigho mwavwa.

1 Yohane 4:15

Mweniyo yose wazomerenge kuti Yesu ndi Mwana waku Chiuta, Chiuta waja mwaku iyo, ndi iyo mwaku Chiuta.

1 Yohane 5:13

Kwaku imwe mwaŵakuvwaniya mu zina la Mwana waku Chiuta ndalemba vyenivi, alinga kuti muziŵe kuti mwe nawo umoyo wamuyaya.