1 Yohane 3:21 - Tonga Bible 1986

²¹ Mwaŵakwanjiwa, asani mtima ulive kutisuska, te nacho chigomezgu kuchiri kwaku Chiuta;

1 Yohane 3:21 Referans Kwoze

1 Yohane 2:28

Ndipo sono, mwatwana twangu, jaririyani mwaku iyo, alinga kuti, wachiwoneka, tiŵe ndi chigomezgu ndi kulengeka lilengu cha paurongo pake, pa uzi wake.

ŴaHebere 4:16

Viyo tiŵandike ndi chiganga ku chitengu cho cha wezi kuti tironde lisungu, ndi tisaniye wezi wakutovye mu nyengo yakwenere.

2 ŴaKorinte 1:12

Chifukwa chitumbwa chidu nchenichi, chisimisimi icho cha njuŵi zidu, kuti mu charu ukongwako mwaku imwe tajijariya mu ukhovu ndi uneneska waku Chiuta, mu zeru ya ŵanthu cha, kweni mu wezi waku Chiuta.

1 Yohane 5:14

Ndipo chenichi nchigomezgu chenicho te nacho kuchiri kwaku iyo kuti, asani tipempha kanthu kwakuyana ndi khumbu lake, watuvwa ifwe:

Sumu 101:2

Ndikajisunganga mu nthowa yambura kalema. A, kumbi muzenge zuŵanji kwaku ine? Ndendenge ndi mtima wakutowa mu nyumba yangu;

1 Yohane 4:17

Mwaku chenichi chanju cho chifiskikiya kuchiri kwaku ifwe, kuti tiŵe ndi chigomezgu mu zuŵa lo la cheruzgu; pakuti ndimo waliri yuwa, ndimo tiliri ifwe mu charu chenichino.

ŴaHebere 10:22

tiŵandikiye ndi mtima weneko mu uzali wa chivwanu, ŵakumijirika kuchiri ku mitima yidu kutuwa ku njuŵi yiheni, ndi ŵakusambiskika kuchiri ku liŵavu lidu ndi maji ghakutowa,

Jobu 22:26

Viyo iku ukakondwanga mu Wanthazizose, ndi ukayinuskanga chisku chako kwaku Chiuta.

1 ŴaKorinte 4:4

Pakuti ndirive kukaziŵa kanthu kapaku ndamweni cha; ndikweni nako kuti ndirunjiskikiya mwaku chenichi cha: yo ngwakunderuzga ndi Mbuya.

Jobu 27:6

Ndakoreska nganganga chigomezgu changu, ndipo kuti ndichitayenge cha, chifukwa chaku vyo vyachitika mu mazuŵa ghangu.

1 Timote 2:8

Viyo ndiŵakhumba ŵanthurumi kuromba mu malo ghose, pakusoska manja ghakhovu kwambura chikwiya ndi suskanu.

ŴaRoma 14:22

Chivwanu cho we nacho iwe, uŵiye nacho kwaku wamweni pa maso paku Chiuta. Ngwamwaŵi mweniyo walive kujeruzga yija mwaku chenicho wazomerezga.

ŴaEfeso 3:12

mwaku mweniyo te ndi chiganga ndi chiŵandiku mu chigomekezgu chamuchivwanu mwaku iyo.

1 Yohane 2:7

Mwaŵakwanjiwa, kuti ndikulembiyani dangu lifya cha, kweni dangu lakale, lenilo mwaŵa nalo kutuwa ku mtendeku. Dangu lo lakale ndi mazu ghenigho mwavwa.

1 Yohane 3:2

Mwaŵakwanjiwa, sono te ŵana ŵaku Chiuta, ndipo chindarongoleke ndasono mo tiŵiyenge. Kweni tiziŵa kuti, penipo wakawonekanga, tikaŵanga ŵakukozgana nayo; pakuti tikamuonanga mo waliri.

1 Yohane 3:20

mwaku chose chenicho mtima widu ungatisuska; pakuti Chiuta ndi mkuruku ku mtima widu, ndipo waziŵa vyose.