17 Kweni yose yo we nacho chuma cha charu, ndipo wawona mbali wake kuti wakavuka, ndi wamjariya lisungu lake, chanju cho chaku Chiuta chija uli mwaku iyo?
Ndipo kuchita umampha ndi kusangana kwawezi mungaruwanga cha: pakuti ndi visopu vyaviyo Chiuta wakondwereskeka ukongwa.
Asani munthu watiti, “Nditumwanja Chiuta,” ndipo watinkha mbali wake, ndi mtesi: chifukwa mweniyo wareka kwanja mbali wake, mweniyo watumuwona, kuti waziŵa cha kumwanja Chiuta mweniyo valive kuwona.
Ndipo wakwamuka waŵaneniyanga, “Yo we ndi minjirira yiŵi wapaskeko kwaku yo walivi; ndi yo we ndi vyaukurgha, wachite kwakulingana.”
Mweniyo ngwa chifundu ku mukavu wakongoleska Ambuya, ndipo akamulipanga pa nchitu yake.
Asani mbali pamwenga mzichi ngwankhuli, ndi wasauka chakurgha cha zuŵa ndi zuŵa,
Asani munthu watuzgako gutu lake kukuvwa dangu chingana ndi rombu lake ndi kazuzi.
Chifukwa muziŵa wezi wo wa Ambuyafwe Yesu Kristu, kuti, pakuŵa msambasi, pa chifukwa chinu wangukavuka, alinga kuti imwe ndi ukavu wake musambaskike.
Yose wakuvwana kuti Yesu ndiyo Kristu, wapapika kwaku Chiuta: ndipo yose wakumwanja wakupapa yo, watanja yo so ngwakupapika kwaku iyo.
Munthu murunji waphwere umoyo wa chiŵetu chake, kweni lisungu la wamphulupulu ndi nkhaza.
Mweniyo wasauska munthu wakusauka watuka Mulengi wake, kweni mweniyo ngwawezi ku wakusauka watimutumbika.
Mweniyo wajara gutu lake ku kuliya kwa mukavu nayo wakaliyanga kuwulengevi kumuvwa.
ndipo yumoza wamwaku imwe wanenenge kwaku wo, “Mukenge mu chimangu, mufundiskike ndi mugutiskike”; kweni mureka kuŵapaskavyo vikhumbikwa ku liŵavu, chitovya chine?