1 Yohane 3:10 - Tonga Bible 1986

¹⁰ Mwaku chenichi ŵarongoleka ŵana wo ŵaku Chiuta ndi ŵana wo ŵaku diabolo: munthu yose wakuura kuchita urunji, kuti ngwa kwaku Chiuta cha, chingana ndi yo walive kumwanja mbali wake.

1 Yohane 3:10 Referans Kwoze

1 Yohane 4:8

Yo wareka kwanja walive kumziŵa Chiuta; pakuti Chiuta nchanju.

3 Yohane 1:11

Wakwanjiwa we, ungezganga cha cho nchiheni, kwani cho nchamampha. Yo ngwakuchita umampha ngwa kwaku Chiuta: yo ngwakuchita uheni walive kumuona Chiuta.

1 Yohane 4:21

Ndipo dangu lenili tenalo kutuliya kwaku iyo, lakuti mweniyo ngwakumwanja Chiuta, wanjenge so mbali wake.

Yohane 8:44

Imwe mwe ŵa uskemwe diabolo yo, ndipo maulakalaka gha uskemwe ndigho mukhumba kuchita. Iyo wenga mubayaŵanthu kutuwa ku mtendeku, ndipo kuti wendi kanthu ndi uneneska cha, pakuti mulive uneneska mwaku iyo. Po warongoro utesi, warongoro vya umoyo wake: pakuti ndi mtesi ndipo ndi uskeu wa ŵatesi.

Mateyu 13:38

ndipo munda wo ncharu; mbeu yamampha, mbana ŵa ufumu; ndi maduru mbana ŵa mheni yo,

Yohane 8:47

Wakwaku Chiuta watuvwa makambidu ghaku Chiuta: chifukwa chenichi imwe kuti mutughavwa cha, chifukwa kuti mwe ŵakwaku Chiuta cha.”

Luka 6:35

Kweni muŵanje ŵamawongu ŵinu, ndipo ŵachitiyeni umampha ndi ŵalambiskeni kwambura kugomekezgako kanthu; ndipo mphoto yinu yiŵenge yikuru, ndipo mukaŵanga ŵana ŵa wamdengwendi: pakuti iyo ngwamampha ku ŵambura-kuwonga ndi ŵaheni.

1 Yohane 4:6

Ifwe te ŵakwaku Chiuta: mweniyo wamziŵa Chiuta, watuvwa ifwe, mweniyo kuti ngwakwaku Chiuta cha kuti watuvwa ifwe cha. Mwaku chenichi tiziŵiya mzimu wa uneneska, ndi mzimu wa urandizgi.

ŴaEfeso 5:1

Viyo muŵe ŵakumwezga Chiuta, uli mbana ŵakwanjiwa;

1 Yohane 5:2

Mwaku chenichi tiziŵa kuti titanja ŵana ŵaku Chiuta, po titumwanja Chiuta, ndi kuchita marangu ghake.

1 Yohane 2:29

Po muziŵiya kuti ndi murunji, ziŵani kuti yose yo ngwakuchita urunji wapapika kwaku iyo.

Machitidu gha Ŵakutumika 13:10

Ndipo wanguti, “Awa, wakuzazika fuvyo lose ndi uchenjezi wose, wamwana wa diabolo, wamawongo we wa urunji wose, asi urekenge, kunyongonthowa zakunyoroka za Mbuya?

1 Yohane 5:19

Tiziŵa kuti te ŵakwaku Chiuta, ndipo charu chose chira mu nthazi ya mbeni yo.

2 Samuele 13:22

Penipo Absalomu kuti wangurongoro kanthu kamampha pamwenga kaheni cha ndi Amunone; pakuti Absalomu wangumutinkha Amunone, chifukwa wanguchichizga mzichi wake Tamara.

Yohane 1:12

Kweni wose wo ŵangumronde ŵakuvwaniya mu zina lake wanguŵapaska mtufu wakwachiŵiya ŵana ŵaku Chiuta;

Yohane 11:52

Inya pa chifwa cha mtundu wo pe cha, kweni alinga kuti ŵana ŵaku Chiuta ŵakumwaranika waŵaungang'e mu liŵavu limoza.

ŴaRoma 13:8

Mungateuwako kanthu ku yumoza cha, kweni kwanjana pe ndiko: chifukwa wakwanja munyake wafiska dangu.

ŴaKolose 3:14

Ndipo pachanya paku vyose ivi vwarani chanju, chenicho chimanga pamoza vyose mu wanasi wakufikapo.

1 Timote 1:5

Kweni kamaridu ka chilangulu chonchanju chakutuwa ku mtima ukhovu ndi njuŵi yamampha ndi chivwanu chambura fuzi:

1 Yohane 3:1

Alereni, chanju cho watipaska Dada, mwakuti titamulike ŵana ŵaku Chiuta: ndimo tiriri. Chifukwa chenichi chirive kutiziŵa, pakuti chengavi kumziŵa iyo.

1 Yohane 3:2

Mwaŵakwanjiwa, sono te ŵana ŵaku Chiuta, ndipo chindarongoleke ndasono mo tiŵiyenge. Kweni tiziŵa kuti, penipo wakawonekanga, tikaŵanga ŵakukozgana nayo; pakuti tikamuonanga mo waliri.