1 Yohane 2:5 - Tonga Bible 1986

⁵ kweni mweniyo yose wasunga mazu ghake, nadidi mwaku iyo chanju chaku Chiuta chifiskika. Mwaku chenichi tiziŵiska kuti te mwaku iyo;

1 Yohane 2:5 Referans Kwoze

Yohane 14:23

Yesu wangwamuka, wangumnene, “Asani yumoza watindanja, wasungenge mazu ghangu, ndipo Ada ŵamwanjenge, tizenge kwaku iyo, ndipo tijichitiyenge uja pamoza nayo.

Yohane 14:21

Wakuŵa nagho marangu ghangu, ndi wakughasunga, mweniyo ndiyo watindanja ndipo wakwanja ine wanjiwenge ndi Ada, ndipo ine ndimwanjenge, ndi nkhajivumbuwanga kwaku iyo.”

Luka 11:28

Kweni iyo wanguti, “Viŵiviŵi kwari mbamwaŵi wo mbakuvwa mazu ghaku Chiuta ndi mbakughachita.”

1 Yohane 3:24

Ndipo yo ngwakusunga marangu ghake, waja mwaku iyo, ndi iyo mwake. Ndipo mwaku chenichi tiziŵiya kuti waja mwidu, mu Mzimu mweniyo wangutipaska.

Sumu 119:2

Ŵakutumbikika mbeniwo ŵasunga visimisimi vyawo, wo ŵati ŵapenja ndi mtima wawo wose.

Chivumbuzi 14:12

Panu pe unkhunthiya wa ŵakupaturika, wo ŵasungirizga marangu ghaku Chiuta ndi chivwanu chaku Yesu.

1 Yohane 5:2

Mwaku chenichi tiziŵa kuti titanja ŵana ŵaku Chiuta, po titumwanja Chiuta, ndi kuchita marangu ghake.

Yohane 15:5

Ine ndine mphereska yo, imwe mwe mphanda zo; wakujaririya mwaku ine, ndi ine mwaku iyo, mweniyo ndiyo wapasa vinandi: chifukwa kwambura ine kuti muziŵa kuchita kanthu cha.

Ezekiele 36:27

Ndiŵikenge mzimu wangu mukati mwinu, ndi kumwendeskani mu virunguchizgu vyangu ndi kuti muphwerenge kusunga malangulu ghangu.

1 Yohane 4:18

Mulive wofi mu chanju: kweni chanju chakufiskika cho chidika wofi, pakuti wofi we ndi chilanga; ndipo yo ngwakopa walive kufiskika mu chanju.

Sumu 119:146

Ndidana kwaku imwe; nditaskeni, ndipo ndirondonge visimisimi vinu!

2 ŴaKorinte 5:17

Ndiviyo asani yumoza we mwaku Kristu, nchakulengeka chifya: vyakale vyarutapo; awonani, vyaza vifya.

Chivumbuzi 12:17

Ndipo nchalinda wangukaripa pa munthukazi, ndipo wanguruta kurwana ndi ŵakujapo ŵa mbeu yake, ŵeniwo nawo ŵasungirizga marangu ghaku Chiuta, ndipo ŵe ndi chisimisimi chaku Yesu. Ndipo wanguma pa mchenga wapa nyanja.

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

1 ŴaKorinte 1:30

Mweniyo ndi funda ya umoyo winu mwaku Kristu Yesu, mweniyo Chiuta wamuchita kuŵa vinjeru vidu, urunji widu, utozi widu ndi uwombozi widu;

ŴaRoma 8:1

Viyo sono palive chisusa kwaku ŵeniwo mbamwaku Kristu Yesu.

Yakobe 2:22

Uwona kuti chivwanu chake chingutataliya pamoza ndi milimu yake, ndipo mu milimu yake chivwanu chake chingufiskika,

2 ŴaKorinte 5:21

Yo ngwambura kuziŵa ulakwi wangumuchita wakusangana nafwe ulakwi, mwakuti ifwe pakubatikana nayo, tisangane nayo urunji waku Chiuta.

Yohane 6:56

Wakurgha nyama yangu ndi wakumwa ndopa zangu waja mwaku ine, ndi ine mwaku iyo.

Wakutaula 8:5

Mweniyo wavwiya langulu kuti wakumanenge ndi kakupweteka cha, ndipo mtima wa munthu wazeru ukaziŵanga nyengo ndi nthowa.

Sumu 106:3

Mbakutumbikika wo ŵavwiya cheruzgu chawo, wo ŵachita cho nchakurunjika nyengo yose!

Nthanthi 8:32

Ndipo sono, mwa ŵana ŵangu, tegherezgani kwangu: ŵakukondwa mbeniwo ŵasunga nthowa zangu.

Sumu 119:4

Imwe mwatipaska marangu ghinu kuti tighavwiye ndi chivwanu.

Nthanthi 28:7

Mweniyo wasunga dangu ndi mwana wazeru, kweni wakukwatikana ndi nkharghi walengeska wiske.

Sumu 105:45

mwakuti ŵanthu ŵawo ŵavwiye malangulu ghawo, ndi kusunga marangu ghawo. Rumbanga Ambuya!

1 Yohane 4:17

Mwaku chenichi chanju cho chifiskikiya kuchiri kwaku ifwe, kuti tiŵe ndi chigomezgu mu zuŵa lo la cheruzgu; pakuti ndimo waliri yuwa, ndimo tiliri ifwe mu charu chenichino.

2 Yohane 1:6

Ndipo chenichi nchanju cho kuti tende kwakuyana ndi marangu ghake. Lenili ndi dangu lo uli ndimo mwavwiya kutuwa ku mtendeku, kuti mwende mwaku lo.