1 Yohane 2:27 - Tonga Bible 1986

²⁷ Ndipo imwe, chitukutizga cho munguronde kwaku iyo, chijaririye mwinu, ndipo kuti mukavuka cha kuti munthu wakusambizgeni; kweni uli ndimo chitukutuzga chake chikusambizgiyani ndi vinthu vyose ndipo nchakuneneska, ndi kuti nchitesi cha, jaririyani mwaku iyo, uli ndimo chakusambizgiyani.

1 Yohane 2:27 Referans Kwoze

Yohane 14:26

Kweni Nkhoswi yo, Mzimu Wakupaturika, mweniyo Dada watumenge mu zina langu, iyo wazamkukusambizgani vinthu vyose, ndipo wazamkukukumbuskani vyose vyo ndakuneniyani.

1 ŴaKorinte 2:13

Vyenivyo so tirongoro, mu mazu ghakusambizgika ndi zeru ya unthu cha, kweni mwaku gho ghasambizgika ndi Mzimu; pakung'anamuwa uneneska wa vya Mzimu kwaku wo ŵakuronde mzimu.

Yohane 16:13

Kweni penipo waza iyo, Mzimu wa uneneska, wazamkukurongozgani mu uneneska wose; chifukwa kuti wazamrongoro vyapa mtima wake cha; kweni vyose vyo watuvwa, wazamkamba: ndipo wazamkukuvumbuliyani vinthu vyo vituza.

1 ŴaTesalonika 2:13

Chifukwa chenichi nafwe so timwonga Chiuta kwambura kulekezga, kuti pakuronde kwaku ifwe mazu gha uthenga waku Chiuta, mungugharonde nge ndi mazu gha ŵanthu cha, kweni, mo ghaliri, nge ndi mazu ghaku Chiuta, ghenigho nagho ghatakataka mwaku imwe mwaŵakuvwana.

2 Yohane 1:2

chifukwa cha uneneska wo ujariya mwidu, ndipo ukaŵanga nafwe muyaya.

1 Yohane 3:24

Ndipo yo ngwakusunga marangu ghake, waja mwaku iyo, ndi iyo mwake. Ndipo mwaku chenichi tiziŵiya kuti waja mwidu, mu Mzimu mweniyo wangutipaska.

1 Yohane 2:28

Ndipo sono, mwatwana twangu, jaririyani mwaku iyo, alinga kuti, wachiwoneka, tiŵe ndi chigomezgu ndi kulengeka lilengu cha paurongo pake, pa uzi wake.

1 Petro 1:23

pakupapika so, ku mbeu yamawoleka cha, kweni ku yiziramawoleka, mu mazu ghaku Chiuta, ghamoyo ndi ghakujaririya.

ŴaKolose 2:6

Viyo uli ndimo mungurondere Kristu Yesu Ambuya, ndimo mujariyenge mwaku iyo,

Yohane 14:17

Mzimu yo wa uneneska; mweniyo charu kuti chiziŵa kumuronde cha, chifukwa kuti chitumuwona cha, chingana nkhumuziŵa: imwe mutumuziŵa; pakuti waja namwe, ndipo waŵenge mwaku imwe.

ŴaEfeso 4:21

asani mwamuvwa, ndipo mwaku iyo mwasambizgika, mo uliri uneneska mwaku Yesu;

Yohane 4:14

kweni mweniyo yose wangwamwapo maji gho ndimpaskenge ine, kuti nyota yikamkonga so cha muyaya: maji gho Ine ndimpaskenge ghaŵenge mwake chisima cha maji ghakubwibwitukiya ku umoyo wamuyaya.”

1 Timote 2:7

waku cho ndingumikikiya ine mumemeza ndi wakutumika, (ndineneska, kuti nditetacha), msambizgi wa ŵaMitundu mu chivwanu ndi uneneska.

Nthanthi 28:5

Ŵanthu ŵaheni kuti ŵawamo cheruzgu chirunji cha, kweni ŵeniwo ŵapenja Ambuya ŵawamo kwakufikapo.

Mateyu 13:11

Ndipo iyo wakwamuka wanguti kwaku wo, “Kwaku imwe kwapaskika kuziŵa mangari gha ufumu wakuchanya, kweni kwaku ŵa kuti kwapasikika cha.

Yohane 6:45

Kwalembeka mu ŵamchimi, ‘Ndipo ŵaŵenge wose ŵakusambizgika ndi Chiuta.’ Yose yo wavwa ndi wasambira ku Dada, watuza kwaku ine.

Yohane 14:16

Ndipo ine ndikarombanga ku Dada, ndipo wamkukupaskani Nkhoswe yinyake, kuti yiŵe pamoza namwe muyaya.

1 ŴaKorinte 2:12

Kweni kuti taronde ifwe, mzimu wa charu cha, kweni Mzimu wakutuliya kwaku Chiuta, mwakuti tiziŵe vyo vyapaskika kwawanangwa ndi Chiuta kwaku ifwe.

2 ŴaKorinte 1:21

Ndipo ndi Chiuta yo watikhozge pamoza namwe mwaku Kristu, watipaska kutipatuwa;

1 ŴaTesalonika 4:9

Kweni kuti mukavuka cha kuti yumoza walembe kwaku imwe ghapa kwanja-ŵabali: chifukwa mwaŵeni mwasambizgika ndi Chiuta kwanjana;

ŴaLevi 7:35

Ili ndi phande laku Aroni ndi la ŵana ŵake kutuliya ku vyakupereka pa moto ku Ambuya, vyakupaturikiya kwaku wo mu zuŵa lenilo iwo ŵanguperekeka kukutata nge mbazukuru ku Ambuya.

Maŵerengedu 7:43

wangupereka mpasku wake chiŵiya cha siliva chimoza cha uzitu wa mashekelo machumi pe chumi pachanya machumi ghatatu (130), mbali ya siliva ya uzitu wa mashekelo machumi ghankhonde ndi ghaŵi (70), ghakuyana ndi shekelo la nyumba yakupaturika, vyose viŵi vyakuzaza ufwa wamampha wakusazgika mafuta kuŵa mpasku wa ufwa;