1 Yohane 2:24 - Tonga Bible 1986

²⁴ Imwe, chenicho mwavwa kutuwa ku mtendeku chijaririye mwinu. Asani chingajaririya mwinu chenicho mwavwa kutuwa ku mtendeku, namwe so mujaririyenge mu Mwana ndi mu Dada.

1 Yohane 2:24 Referans Kwoze

Yohane 14:23

Yesu wangwamuka, wangumnene, “Asani yumoza watindanja, wasungenge mazu ghangu, ndipo Ada ŵamwanjenge, tizenge kwaku iyo, ndipo tijichitiyenge uja pamoza nayo.

1 Yohane 4:13

Mwaku chenichi tiziŵa kuti tijamwaku iyo, ndi iyo mwaku ifwe, chifukwa watipaska vya Mzimu wake.

1 Yohane 4:16

Ndipo ifwe tiziŵa ndipo tavwana ndi chanju chenicho Chiuta wenacho kuchiri kwaku ifwe. Chiuta nchanju; ndipo mweniyo waja mu chanju, waja mwaku Chiuta, ndipo Chiuta waja mwaku iyo.

Chivumbuzi 3:3

Viyo kumbuka, cho ungusambizgika ndimo unguchivwiya; uchisunge; ndipo ng'anamuka. Asani ureka kucherezga, ndizenge nge ndi munkhungu, ndipo kuti ukaziŵanga cha ora lo ndiziyenge pako.

1 Yohane 2:7

Mwaŵakwanjiwa, kuti ndikulembiyani dangu lifya cha, kweni dangu lakale, lenilo mwaŵa nalo kutuwa ku mtendeku. Dangu lo lakale ndi mazu ghenigho mwavwa.

1 Yohane 1:3

chenicho tawona ndi tavwa timtauliyani imwe so, alinga kuti namwe muŵe ndi wanase pamoza nafwe; ndipo nadi wanase widu ngwa pamoza ndi Dada, ndi pamoza ndi Mwana wake Yesu Kristu.

Yohane 15:7

Asani mujaririya mwaku ine, ndi mazu ghangu ghajaririya mwaku imwe, chose cho mungakhumba pemphani, ndipo chikuŵiyeninge,

Chivumbuzi 3:11

Nthuza ruŵi: koreska cho we nacho, alinga kuti paŵevi yumoza wakupoka ndumbu yako.

ŴaKolose 3:16

Mazu ghaku Kristu ghaje mwinu kwakusambasa, pa kusambizgana ndi kuchinyirana mu zeru yose, ndi penipo mutumba mu buku la sumu ndi mu sumu ndi sumu zamzimu, kumuwonga Chiuta mu mitima yinu.

Sumu 119:11

Mazu ghinu ndasunga mu mtima wangu, alinga kuti ndireke kumunangiyani imwe.

1 Yohane 1:7

kweni asani titenda mu kungweruka ko, uli ndimo waliri iyo mu kungweruka, te nawo wanase yumoza ndimunyake, ndipo ndopa zo zaku Yesu, Mwana wake, zititozga ku ulakwi wose.

ŴaHebere 3:14

chifukwa taŵa ŵasangazi ŵaku Kristu, asani tikoreska chandiru cha chigomekezgu chidu nganganga mpaka umari;

ŴaFilipi 4:15

Imwe mwa ŵaFilipi mwaŵeni muziŵa umampha kuti penipo ndingutuwako ku Makedonia mu mazuŵa ghakwamba kwangu kumusambizgani evangeli, mwenga imwe pe mpingu wo ungundovya; mwenga imwe pe mungusangana nani vyanduwu vyangu ndi vyakupereŵe vyangu.

3 Yohane 1:3

Chifukwa ndingukondwa ukongwa, penipo ŵabali ŵanguza ndi kusimikizga uneneska wako, uli ndimo utende iwe mu uneneska.

2 Yohane 1:2

chifukwa cha uneneska wo ujariya mwidu, ndipo ukaŵanga nafwe muyaya.

ŴaHebere 2:1

Chifukwa chenichi kutenere kwakuruska kuphwere vyo vinguvwika, vinu tingadeukako.

Yohane 8:25

Iwo ŵamneniyanga, “Iwe ndiwe yani?” Yesu wanguŵanene, “Uli ndimo ndarongorole namwe kutuwa ku chiyambo.

Luka 1:2

uli ndimo ŵangutipatauliya ŵeniwo kutuliya ku mtendeku ŵenga ŵakaboni ŵakuwona ndi maso, ndi ŵateŵeti ŵa mazu,

Nthanthi 23:23

Gula uneneska, ndipo ungauguliskanga cha; gula zeru, kusambizga ndi kuwamo.

Luka 9:44

“Imwe mujiŵikiye mu makutu ghinu mazu yagha; chifukwa Mwana wa munthu wakhasa kuperekeka mu manja gha ŵanthu.”

Yohane 6:56

Wakurgha nyama yangu ndi wakumwa ndopa zangu waja mwaku ine, ndi ine mwaku iyo.

1 Yohane 3:24

Ndipo yo ngwakusunga marangu ghake, waja mwaku iyo, ndi iyo mwake. Ndipo mwaku chenichi tiziŵiya kuti waja mwidu, mu Mzimu mweniyo wangutipaska.

1 Yohane 4:15

Mweniyo yose wazomerenge kuti Yesu ndi Mwana waku Chiuta, Chiuta waja mwaku iyo, ndi iyo mwaku Chiuta.

2 Yohane 1:9

Yose yo wajumphapo ndi mgwambura kukaririya mu chisambizgu cho, chaku Kristu, walivi Chiuta: yo wajaririya muchisambizgu cho mweniyo we ndi Dada ndi Mwana viyo.