1 Yohane 2:22 - Tonga Bible 1986

²² Njani mtesi yo? Ndi mweniyo wakana kuti Yesu ndiyo Kristu. Mweniyo ndi mkanakristu yo, mweniyo ngwakukana Dada ndi Mwana.

1 Yohane 2:22 Referans Kwoze

2 Yohane 1:7

Chifukwa ŵarandizgi ŵanandi ŵaburika mu charu, ŵeniwo ŵareka-kuzomera kuti Yesu Kristu wakuziya mu liŵavu. Mwenuyu ndi mrandizgi ndi mkana-Kristu yo.

1 Yohane 4:3

ndipo mzimu wose wakureka kumzomera Yesu, kuti ngwakutuliya kwaku Chiuta cha. Ndipo mweniyo ndi mzimu wa mkanakristu yo, mweniyo mwavwapo kuti watuza; ndipo sono we mu charu kali.

1 Yohane 2:18

Mwatwana, ndi ora lakumariya: ndipo nge ndimo munguvwiya kuti mkanakristu watuza, sono nako ŵalipo ŵamkanakristu ŵanandi; ndimo tiziŵiya kuti ndi ora lakumariya.

Yuda 1:4

Chifukwa ŵakwaŵiyamo kwaudeke ŵanthu ŵanyake wo kali ŵangutemeke limu ku chisusa chenichi, ŵambura uwopa Chiuta, ŵakusanduska wazi waku Chiuta widu ku uyaya, ndi ŵakumkana mweneko yija ndi Mbuyafwe Yesu Kristu.

1 Yohane 4:20

Asani munthu watiti, “Nditumwanja Chiuta,” ndipo watinkha mbali wake, ndi mtesi: chifukwa mweniyo wareka kwanja mbali wake, mweniyo watumuwona, kuti waziŵa cha kumwanja Chiuta mweniyo valive kuwona.

1 Yohane 2:23

Yose wakumkana Mwana, walive so Dada: yo ngwakuzomera Mwana, we nayo Dada so.

1 Yohane 1:6

Asani tinena kuti te ndi wanase ndi iyo, ndipo titenda mu mdima wo, titeta, ndipo kuti tiuchita uneneska cha;

1 Yohane 2:4

Yo watiti, “Ndimziŵa,” ndipo marangu ghake wareka kughasunga, ndi mtesi, ndipo mwaku iyo uneneska mulive:

Yohane 8:44

Imwe mwe ŵa uskemwe diabolo yo, ndipo maulakalaka gha uskemwe ndigho mukhumba kuchita. Iyo wenga mubayaŵanthu kutuwa ku mtendeku, ndipo kuti wendi kanthu ndi uneneska cha, pakuti mulive uneneska mwaku iyo. Po warongoro utesi, warongoro vya umoyo wake: pakuti ndi mtesi ndipo ndi uskeu wa ŵatesi.

Chivumbuzi 3:9

Awona, nkhaŵachitanga ŵamu mpingu waku Satana, wo ŵatijitamula kuti mbaYuda, ndipo kuti mbaviyo cha, mbatesi, awona, nkhaŵachitanga kuti ŵazenge ndi kulambiya paurongo pa marundi ghako, ndipo ŵakaziŵanga kuti ine ndakwanja iwe.

Mateyu 24:5

Chifukwa ŵanandi ŵaziyenge mu zina langu, ŵakuti, ‘Ine ndine Kristu yo’: ndipo ŵarandizgenge ŵanandi.

Mateyu 24:24

Chifukwa ŵayukenge ŵanthu ŵanyake wo ŵajiŵikengemo kuti ndiwo Kristu ndi ŵanyake kuti mbamchimi. Ndipo wapaskenge visimikizgu vikuru ndi minthondwe, kwachirandizga (asani kwenga kwamachitika chingana mbakusankhika nawo)

1 Yohane 5:1

Yose wakuvwana kuti Yesu ndiyo Kristu, wapapika kwaku Chiuta: ndipo yose wakumwanja wakupapa yo, watanja yo so ngwakupapika kwaku iyo.