1 Yohane 2:20 - Tonga Bible 1986

²⁰ Ndipo imwe mwe ndi chitukutizga chakutuliya ku Wakupaturika yo, ndipo muziŵa vyose.

1 Yohane 2:20 Referans Kwoze

Yohane 14:26

Kweni Nkhoswi yo, Mzimu Wakupaturika, mweniyo Dada watumenge mu zina langu, iyo wazamkukusambizgani vinthu vyose, ndipo wazamkukukumbuskani vyose vyo ndakuneniyani.

1 Yohane 2:27

Ndipo imwe, chitukutizga cho munguronde kwaku iyo, chijaririye mwinu, ndipo kuti mukavuka cha kuti munthu wakusambizgeni; kweni uli ndimo chitukutuzga chake chikusambizgiyani ndi vinthu vyose ndipo nchakuneneska, ndi kuti nchitesi cha, jaririyani mwaku iyo, uli ndimo chakusambizgiyani.

Yesaya 61:1

Mzimu wa Ambuya Chiuta wa paku ine, chifukwa Ambuya andipaka ine kutole makani ghamampha mu ŵakuyuzgika; andituma kwachimanga ŵakusweka mtima, kumemeza chifwatuwa ku ŵamagoŵa, ndi kujurika kwa nyumba ya magoŵa kwaku wo ŵakumangika;

Nthanthi 28:5

Ŵanthu ŵaheni kuti ŵawamo cheruzgu chirunji cha, kweni ŵeniwo ŵapenja Ambuya ŵawamo kwakufikapo.

Sumu 23:5

Murongoso gome paurongo pangu, mu maso gha ŵarwani ŵangu; mutu wangu mwawupaka ndi mafuta, chandi chanu chifuza.

Machitidu gha Ŵakutumika 10:38

mo Chiuta wangupatuliya Yesu waku Nazarete ndi Mzimu Wakupaturika ndipo ndi nthazi: mweniyo wangwendayenda wakutata vyamampha, ndi wakuchizga wose ŵakuyuzgika ndi diabolo; pakuti Chiuta wenga nayo.

Yohane 16:13

Kweni penipo waza iyo, Mzimu wa uneneska, wazamkukurongozgani mu uneneska wose; chifukwa kuti wazamrongoro vyapa mtima wake cha; kweni vyose vyo watuvwa, wazamkamba: ndipo wazamkukuvumbuliyani vinthu vyo vituza.

ŴaHebere 1:9

Mwanja urunji, ndipo mwatinkha uchikana marangu; chifukwa chenichi Chiuta, Chiuta winu, wamtukutizgiyani ndi mafuta gha chimwemwe kwakuzungura ŵanase ŵinu.”

1 Yohane 4:13

Mwaku chenichi tiziŵa kuti tijamwaku iyo, ndi iyo mwaku ifwe, chifukwa watipaska vya Mzimu wake.

Sumu 45:7

mutanja urunji mutinkha uheni. Chifukwa cho Chiuta, Chiuta winu wakutondoni, ndipo wapunguliya paku imwe likondwa likuru kwakuruska ŵanyinu wose.

Machitidu gha Ŵakutumika 3:14

Kweni wakupaturika ndi murunji yo imwe mungumkana, ndipo mungupempha kuti munthu wambanda wapaskike waka kwaku imwe,

Luka 4:18

“Mzimu wa Mbuya we paku ine, pakuti wangunditukutizgiya kutauliya ŵakavu ghakunozga. Wandituma kumemeze chifwatuwa ku ŵamikoli ndi kuŵachiburumutiya chiwona so, kuŵadomo ŵakuphwanyika,

Marko 1:24

ndipo wangukambura, kuti, “Te ndi chine ndi iwe, Yesu waku Nazarete? Kumbi waziya kuzachitinanga? Nditukuziŵa mo uliri, Wakupaturika we, waku Chiuta.”

Sumu 92:10

Imwe mwandichitiska kuŵa wanthazi nge ndi njati; ndipo mwanditumbika ndi malikondwa.

Sumu 71:22

Ine nane ndikarumbanga imwe ndi bangwi, ndithokozenge kugomezgeka kwinu, mwa Chiuta wangu; ndimbiyenge marumbu kwaku imwe ndi kaligu, A Chiuta Mtuŵa Yumoza waku Yisraele.

Chivumbuzi 4:8

Ndipo vyamoyo vyo vinayi vyose, chimoza ndi chimoza vyenga ndi mapapiku ghankhonde ndi limoza vyenga vyakuzazika ndi maso kwakuzunguliya ndi mukati viyo, ndipo msana ndi usiku kuti vipumuliya cha pakumba, “Mtuŵa, mtuŵa, mtuŵa, ndi Mbuya Chiuta, Wanthazizose, mweniyo wengako, walipo, ndipo watuza.”

Chivumbuzi 3:7

“Ku mungelo wa mpingu wamu Filadelfia lembapo: ‘Vyenivi watiti Wakupaturika, Mneneska yo, mweniyo we ndi mjuriru waku Davidi, yo wajura, ndipo kuti yumoza wangajara cha, yo wajara, ndipo kuti yumoza wangajura cha.

ŴaHebere 8:11

ndipo kuti ŵarunguchizganenge chamunthu yose ndi mwanase wake, ndi munthu yose ku mbali wake, kuti, ‘Ziŵanga Ambuya.’ Pakuti wose ŵakandiziŵanga ine, kutuwa ku mumana mpaka ku mura waku wo.

1 ŴaKorinte 2:15

Kweni yo wendi mzimu wateruzga vinthu vyose, iyo mweneko kuti wateruzgika ndi munthu yumoza cha.

Luka 4:34

“Owe! Te ndi chine ndi iwe, Yesu waku Nazarete? Kumbi waziya kwachinanga ifwe? Ndikuziŵa mo uliri, Wakupaturika we waku Chiuta.”

Yesaya 43:3

Pakuti ndine Ambuya Chiuta winu, Mtuŵa Yumoza waku Yisraele, Mtaski winu. Ndipereka Egipiti nge ndi thumba linu, Etiopia ndi Seba mukugulizgana ndi imwe.

Sumu 16:10

Chifukwa imwe mulivi kundipereka ku muunda, pamwenga kuzomerezga mtuŵa winu kuti wawone zenje.

Yeremiya 31:34

Ndipo munthu kuti warunguchizgenge so mwanasi wake nanga ndi mwana munyake cha kuti, ‘Ziŵa Ambuya,’ pakuti wose ŵakandiziŵanga, kutuwa ku mumana mpaka ku mura, atiti Ambuya; pakuti ndikagowokiyanga mautimbanizi ghawo, ndipo uheni wawo kuti ndikawukumbukanga so cha.”

Mateyu 13:11

Ndipo iyo wakwamuka wanguti kwaku wo, “Kwaku imwe kwapaskika kuziŵa mangari gha ufumu wakuchanya, kweni kwaku ŵa kuti kwapasikika cha.

Yuda 1:5

Kweni ndikhumba kumkumbuskani, mwaŵakuziŵiya limu vyose, kuti Ambuya, ŵati ŵataska khamu ku Egipiti, pavuli po anguŵananga ŵambura kuvwana.

ŴaLevi 7:35

Ili ndi phande laku Aroni ndi la ŵana ŵake kutuliya ku vyakupereka pa moto ku Ambuya, vyakupaturikiya kwaku wo mu zuŵa lenilo iwo ŵanguperekeka kukutata nge mbazukuru ku Ambuya.