1 Yohane 2:19 - Tonga Bible 1986

¹⁹ Ŵangutuwamo mwidu, kweni kuti ŵenga ŵamwaku ifwe cha; chifukwa asani ŵenga ŵamwaku ifwe, mphanyi ŵangujaririya pamoza nafwe; kweni ŵangutuwamo mwakuti kuziŵikwe kuti wose mba mwaku ifwe cha.

1 Yohane 2:19 Referans Kwoze

Machitidu gha Ŵakutumika 20:30

ndipo mwaku imwe mwaŵeni mwazamvuruvunduka ŵanthu, ŵakukamba vyakupuruska, kuguziya ŵasambizi pavuli pawo.

1 ŴaKorinte 11:19

Chifukwa nadi mungwenere kuŵa magaukanu mukati mwinu, alinga kuti ŵawoneke wo mbakurumbika.

Yuda 1:19

Yaŵa mbakugauskana, ŵa mtima wakawi, ŵambura Mzimu.

Luka 8:13

Ndipo zo zapa jarawe ndi wo penipo ŵavwa ŵaronde mazu ndi chimwemwe; ndipo ŵeniwo ŵalive nkhorozo, wo kwa kanyengo ŵavwana, ndi mu nyengo ya kesedu ŵadezukako.

Mateyu 24:24

Chifukwa ŵayukenge ŵanthu ŵanyake wo ŵajiŵikengemo kuti ndiwo Kristu ndi ŵanyake kuti mbamchimi. Ndipo wapaskenge visimikizgu vikuru ndi minthondwe, kwachirandizga (asani kwenga kwamachitika chingana mbakusankhika nawo)

Machitidu gha Ŵakutumika 15:24

Pakuti tavwa kuti ŵanyake ŵamwidu ŵakuyuzgani ndi mazu, ghakung'anamuwa mizimu yinu ŵambura kulangulika ndi ifwe;

Marko 13:22

Chifukwa ŵakayukanga ŵanthu ŵanyake wo ŵajiŵikengemo kuti ndiwo Kristu, ndi ŵanyake kuti mbamchimi, ndipo ŵapaskenge visimikizgu ndi minthondwi kwachirandizga ŵakusankhika nawo (asani nchamachitika).

Marangu 13:13

kuti ŵanthurumi ŵaŵaka ŵanyake ŵatuwa mukati mwinu ndi kulandizga ŵanthu ŵamu msumba kuti, ‘Tiyeni tikateŵete ŵachiuta ŵanyake,’ wo mulivi kuŵaziŵa,

Jobu 17:9

Ndipuuli murunji walemetere ku nthowa yake, ndipo yo wendi manja ghakuphotoka wakuwakuwa ndi nthazi.

2 Timote 2:19

kweni chiŵanja cho chakurama chaku Chiuta chituma gwa, pakuŵa ndi chiŵali chenichi, “Waŵaziŵa Mbuya ŵeniwo mbake”: ndi “Wagaukeko ku uwura-urunji yose wakutamula zina lo la Ambuya.”

ŴaHebere 10:39

Kweni ifwe kuti te ŵakuwele vuli cha ku wanangiku, kweni ŵa chivwanu ku utaski wa mzimu.

2 Timote 2:10

Chifukwa chenichi ndikunthiyapo vyose pa chifwa cha ŵakusankhika, alinga kuti iwo nawo ŵafikapo pa utaski wa mwaku Kristu Yesu ndi unkhankhu muyaya.

ŴaRoma 9:6

Kweni kuti kwe nge nkhuti mazu ghaku Chiuta ghatondeka cha. Chifukwa kuti wose mbaYisraele cha, ŵeniwo mbaku Yisraele,

Yohane 4:14

kweni mweniyo yose wangwamwapo maji gho ndimpaskenge ine, kuti nyota yikamkonga so cha muyaya: maji gho Ine ndimpaskenge ghaŵenge mwake chisima cha maji ghakubwibwitukiya ku umoyo wamuyaya.”

Sumu 37:28

Chifukwa Ambuya atanja cheruzgu, kuti akasiyanga ŵatuŵa ŵawo cha. Ŵakurunjika ŵakasungirizgikanga muyaya, kweni ŵana ŵa ŵaheni ŵakadumulikanga.

Yuda 1:1

Kalata wakutuwa kwaku Yuda mteŵeti waku Yesu Kristu, ndi mhurwa waku Yakobe, ku ŵakudanika wo ŵakwanjiwa mwaku Chiuta Dada, ndi ŵakusungikiya mwaku Yesu Kristu:

2 Timote 3:9

Kweni kuti ŵakarutiriyanga cha; chifukwa uzereza wawo uwonekenge kwaku wose, uli ndimo unguwoneke wo waku ŵa.

Yohane 15:2

Mphanda yose mwaku ine yambura kupasa, atiyipantha: ndipo yose yakupasa atiyitenguliya, mwakuti yipase vinandi.

Sumu 41:9

Nanga ndi mwanasi wangu wapa mtima mwaku mweniyo ndingugomekezga, yo wangurgha kurgha kwangu, nayu so wandisoske chitende chake.

2 Yohane 1:7

Chifukwa ŵarandizgi ŵanandi ŵaburika mu charu, ŵeniwo ŵareka-kuzomera kuti Yesu Kristu wakuziya mu liŵavu. Mwenuyu ndi mrandizgi ndi mkana-Kristu yo.