1 Yohane 2:13 - Tonga Bible 1986

¹³ Ndikulembiyani mwaŵada chifukwa mumziŵa mweniyo ngwakutuliya ku mtendeku. Ndikulembiyani, mwamadoda, chifukwa mwampunda mheni yo. Ndikulembiyani, mwaŵampupuka, chifukwa mumziŵa Dada.

1 Yohane 2:13 Referans Kwoze

Yohane 14:7

Asani munguziŵa ine, mphanyi Ada nawo mwaŵiziŵa: kutuwa ku sono muŵaziŵa, ndipo mwaŵawona.”

1 Yohane 2:14

Ndikulembiyani, mwaŵana chifukwa mumziŵe mweniyo nga ku mtendeku. Ndikulembiyani, mwamajaha, chifukwa mwe ŵanthazi, ndipo mazu ghaku Chiuta ghaja mwaku imwe, ndipo mwampunda muheni yo.

1 Yohane 4:4

Mwe ŵakwaku Chiuta imwe, mwatwana twangu, ndipo mwaŵapunda; pakuti mweniyo we mwinu ndi mkuruku kwakuruska yo we mu charu.

1 Yohane 1:1

Cho chengako kutuliya ku mtendeku, cho tavwa, cho tawona ndi maso ghidu, cho tinguthoŵa, ndi manja ghidu ghangukwaska, chapa Mazu gha Umoyo,

Luka 10:22

Vyose vyaperekeka ndi Ada kwaku ine: ndipo palive yumoza waziŵa yo ndi Mwana, kweni Dada pe; ndipo yo ndi Dada, kweni Mwana pe, ndi yose kwaku mweniyo Mwana wangakhumba kumvumbuliya.”

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

1 Yohane 5:18

Tiziŵa kuti yose yo ngwakupapika kwaku Chiuta kuti warutiliya mu kulakwa cha, chifukwa Mwana yo waku Chiuta watimsunga ndipo mheni yo kuti wamkwaska cha.

1 Yohane 3:12

Ulaka ndi Kaine cha, yo wenga wakutuliya ku mheni yo, ndipo wangubaya mhurwa wake. Ndipo wangumbayiya chifukwa chine? Chifukwa nchitu zake zenga ziheni, ndi za mhurwa wake zirunji.

Mateyu 11:27

Vyose vyaperekeka kwaku ine ndi Ada: ndipo palive yumoza yo waziŵa Mwana kweni Ada pe, ndipo palive yumoza yo waziŵa Dada kweni Mwana pe, ndi so mweniyo yose Mwana wakhumba kumvumbuliya.

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

1 Yohane 2:12

Ndikulembiyani, mwatwana twangu, chifukwa vilakwa vinu vyarekeke imwe pa chifwa cha zina lake.

1 Yohane 2:1

Mwatwana twangu, ndikulembiyani vyenivi kuti mungalakwa cha. Ndipo asani munthu wangalakwa, nkhoswi te nayo ku Dada, Yesu Kristu murunji yo:

Tito 2:6

majaha nagho kwakulingana chiskanga kuŵa ŵavinjeru:

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

Yohane 16:3

Ndipo vyenivi ŵachitenge chifukwa kuti ŵaziŵa Dada cha, chingana ndi ine.

Yohane 14:9

Yesu wamnene, “Nyengo yitali yaviyo ndaŵa pamoza namwe, ndipo kumbi ulive kundiziŵa, Filipu? Yo wawona ine, wawona Ada. Ukamba uli iwe, ‘Tirongoni Dada’?

Yohane 8:19

Viyo ŵamuneniyanga, “Ŵe pani Ausu?” Yesu wangwamuka, “Kuti muziŵa cha chingana ndi ine, chingana mba Ada: asani munguziŵa ine, mphanyi mutiŵaziŵa Ada nawo.”

Mateyu 13:38

ndipo munda wo ncharu; mbeu yamampha, mbana ŵa ufumu; ndi maduru mbana ŵa mheni yo,

Mateyu 13:19

Wachivwa munthu mazu gho gha ufumu, ndipo kuti wawamo cha, watuza mheni yo, ndipo wapoka cho chamijika mu mtima wake. Iya ndiyo yingumijika mumphepete mu nthowa.

Nthanthi 20:29

Unkhankhu wa ŵanyamata ndi nthazi yawo, kweni kutowa kwa ŵanthu ŵakukota ndi nyivu zawo.

Sumu 91:14

Chiuta watiti, “Nditaskenge wo ŵatindanja, ndi kuŵavikiriya wo ŵatindiziŵa.

Sumu 90:2

Ghenga ghandawe mapiri, mwenga mundawumbe charu chapasi, kutuwa ku muyaya mpaka ku muyaya ndimwe Chiuta.

1 Timote 5:1

Ungachenyanga cha mura, kweni mchiskenge nge ndi usu; ŵamanako nawo nge mbabali,

Yohane 17:21

kuti wose ŵaŵe ŵamoza uli ndimo imwe, Ada, muliri mwaku ine, ndi ine mwaku imwe, kuti nawo so ŵaŵe mwaku ifwe; alinga kuti charu chivwane kuti imwe mungundituma.

Zekariya 9:17

Ehe, ngukuru umampha wake, ndi kutowa kwake nkhwakuruska limu! Vyakurgha vikondweskenge ŵanyamata ndi vinyo mufya ŵamwali.

Yoele 2:28

“Ndipo kuŵenge kuti pavuli, ndipunguliyenge mzimu wangu pa ŵanthu wose; ndipo ŵana ŵinu ŵanthurumi ndi ŵana ŵinu ŵanthukazi ŵachimenge, ndipo ŵaraŵara ŵalotenge maloto, ŵanyamata ŵawonenge chiwona.

Sumu 148:12

ŵanyamata ndi ŵamwali, makhongwe pamoza ndi ŵana nawo!

Mateyu 5:37

Kweni mazu ghinu pakurongoro ghaŵe, ‘Inya,’ pamwenga, ‘Awa’; ndipo ghakutaruliya kwaku yagha ngakutuwa ku mheni yo.

Yohane 16:33

Ndakukambiyani vyenivi, alinga kuti mwaku ine muŵe ndi chimangu, mu charu mwe ndi suzgu: kweni khwimani mtima; ine ndachipunda charu.”

Chivumbuzi 2:7

Mweniyo we ndi gutu, wavwenge cho Mzimu ukamba ku mipingu. Kwaku yo wapunda, nkhapaskanga kurghapo vyapa muti wa umoyo, wo wemu Paradiso waku Chiuta.’

Chivumbuzi 12:11

Kweni iwo ŵamupundiya mu ndopa za Mwana-mberere yo, ndi mu mazu gha ukaboni wawo; pakuti ŵengavi kughanja maumoyo ghawo mpaka ku nyifwa.