1 Yohane 2:11 - Tonga Bible 1986

¹¹ Kweni yo ngwakumtinkha mbali wake wemu mdima, ndipo mu mdima wo watenda, ndipo kuti waziŵa cha kweniko wata, pakuti mdima wo waburumutizga maso ghake.

1 Yohane 2:11 Referans Kwoze

Yohane 12:35

Wanguŵanene Yesu, “Nyengo yimanavi Kungweruka kweche mukati mwinu. Mwendenge mweche nako kungweruka, winu mdima ungamsaniyani; pakuti wakwenda mu mdima kuti waziŵa ko watiya cha.

Tito 3:3

Chifukwa kali nafwe so taŵanga ŵakupusa ŵamtafu ŵakurandizgika ŵakuteŵeta maulakalaka ndi malikondwa ghamtundumtundu, ŵakujariya mu nkhaza ndi bina, ŵakutinkhika, ŵakutinkhana,

Chivumbuzi 3:17

Chifukwa utiti, ndine msambasi, ndasakatiskika ndi uromba, kuti ndikavuka kanthu cha; ndipo ureka kuziŵa kuti we musokwa iwe, ndi wachisungu, msauchi, wachiburumutiya, ndi wankhuli.

1 Yohane 1:6

Asani tinena kuti te ndi wanase ndi iyo, ndipo titenda mu mdima wo, titeta, ndipo kuti tiuchita uneneska cha;

1 Yohane 2:9

Yo watiti we mu kungweruka, ndipo ngwakumtinkha mbali wake, weche mu mdima mpaka sono.

2 ŴaKorinte 4:4

Mwaku ŵeniwo Chiuta wa mgonezi uno waburumutizga vinjeru vya ŵambura chivwanu, viyo kuti ungaŵaŵaliya cha ukweru wo wa evangeli wa unkhankhu waku Kristu, yo nchikozgu chaku Chiuta.

Yohane 12:40

“Waburumutuzga maso ghawo, ndipo wanonopeska mtima wawo; vinu ŵangalereska ndi maso ghawo, ndi ŵangawamo ndi mtima wawo, ŵangang'anamukiya kwaku ine ndipo ine ndingaŵachizga.”

2 ŴaKorinte 3:14

Kweni miwongu yawo yingunonopeskeka, chifukwa mpaka ku zuŵa lino chidiku cho cheche kujaririya chambura kuvwinkhulika, penipo ŵeche kuŵerenga chipanganu chamwake; ndiku kuti chivwinkhu cho cheche kujaririya chambura kuvwinkhulika chifukwa ndi mwaku Kristu pe mo chivwinkhulikiya.

Nthanthi 4:19

Nthowa ya muheni ye uli ndi mdima wamunkhorwi; kuti ŵaziŵa cha chenicho ŵaguŵamo.

ŴaLevi 19:17

“Mungatinkhanga mwana munyinu mu mtima winu cha, kweni mukambiskanenge kwakujarikana umampha ndi muzengezgani winu, vinu mungatopo ulakwi chifukwa chake.

2 Samuele 13:22

Penipo Absalomu kuti wangurongoro kanthu kamampha pamwenga kaheni cha ndi Amunone; pakuti Absalomu wangumutinkha Amunone, chifukwa wanguchichizga mzichi wake Tamara.

Wakutaula 2:14

Maso gha munthu wa vinjeru ghe mu mutu wake, kweni wakupusa watenda mu mdima, ndipuuli ndingupanikizga kuti chinthu chimoza chituziya kwaku wo wose.

2 Petro 1:9

Ndikweni mweniyo wauravi vyenivi ngwachiburumutiya, wachizimizimi, pakuruwa kuphotoleka kwa vilakwa vyake vyakale.

1 Yohane 2:10

Yo ngwakwanja mbali wake, waja mu kungweruka, ndipo mwaku iyo mulive chiguŵisku.

1 Yohane 3:15

Munthu yose yo watinkha mbali wake ngwambanda: ndipo muziŵa wambanda kuti wendi umoyo wa muyaya mwaku iyo cha.

1 Yohane 4:20

Asani munthu watiti, “Nditumwanja Chiuta,” ndipo watinkha mbali wake, ndi mtesi: chifukwa mweniyo wareka kwanja mbali wake, mweniyo watumuwona, kuti waziŵa cha kumwanja Chiuta mweniyo valive kuwona.