1 ŴaKorinte 13:3 - Tonga Bible 1986

³ Ndipo asani ndingagaŵa vyangu vyose kovya ŵakavu, asani ndingapereka liŵavu langu kuti ndocheke, kweni chanju ndirive, kuti ndanduwengepo kanthu cha.

1 ŴaKorinte 13:3 Referans Kwoze

Yohane 15:13

Chanju chikuru kwakuruska cho munthu wangaziŵa kuŵa nacho pa ŵabwezi ŵake, nkhupereka umoyo wake ku chifwa chaku wo.

Mateyu 23:5

Kweni nchitu zawo zose ŵachitiya kuti ŵaŵoneke ku ŵanthu: chifukwa ŵasanuska mphonji zawo, ndipo ŵakuzga mikanu ya minjirira yawo,

ŴaGalatia 5:26

Tingaŵangaŵabereŵeza cha, ŵakusosomorana cha, ŵakuŵiniwana cha.

Luka 18:28

Ndipo Petro wanguti, “Awonani, ifwe tareka vyaku taŵeni, ndipo tarondo imwe.”

ŴaHebere 13:9

Mungalongozgeka ndi visambizgu vyamtundumtundu ndi vilendo: chifukwa nkhwamampha kuti mtima ukhozgeke ndi wezi; ndi vyakurgha cha, mwenimo ŵakutangwanikamo kuti ŵangawovyeka kanthu cha.

1 Timote 4:8

chifukwa kujilimbiska ko kwaliŵavu nkhwakwanduliya kumanavi; kweni uwopa Chiuta ngwakwanduliya vyose, pakuŵa nacho chipanganu cha umoyo wasono ndi chaku wo utakuzanga.

Yohane 12:43

chifukwa ŵangwanja kurumbika ndi ŵanthu kwakuruska kurumbika ndi Chiuta.

Luka 18:22

Ndipo wachivwa Yesu wanguti kwaku iyo, “Chimoza chechekupereŵe kwako: vyose vyenivyo we navyo saskanga, ndi paskanga ku ŵakavu, ndipo uŵenge ndi mbiku kuchanya: ndipo zanga, rondo ine.”

Machitidu gha Ŵakutumika 21:13

Sono wangwamuka Paulo, “Muchitanji, kuliya ndi kuswa mtima wangu? Chifukwa ine nde wakurongosoleke kwachimangika pe cha, kweni so kufwiya mu Yerusalemu pa chifwa cha zina la Ambuya Yesu.”

Yohane 13:37

Petro wamnene, “Ambuya, chifukwa chine ndingatondeka kukurondoni sono? Ndiŵikiyenge pasi umoyo wangu chifukwa chinu.”

Yohane 6:63

Mzimu ngwakupaska umoyo; liŵavu kuti litu vya kanthu cha; mazu gho ndarongoro namwe ndigho mzimu, ndipo ndigho umoyo.

Luka 19:8

Kweni Zakeyu wanguma, wanguti ku Mbuya, “Awonani Ambuya, chigaŵa cha viŵetu vyangu ndiŵapaska ŵakavu; ndipo asani ndamuphanga yumoza kanthu, ndimwerezgiyapo kanayi.”

Yeremiya 7:8

“Ehe, imwe mugomekezga mu mazu ghakupusika ghambura kovya.

ŴaFilipi 2:3

Kuchita kanthu kose kwandeu cha, pamwenga kwathamu laŵaka cha, kweni kwakujiyuyuwa mu mtima; mose mupime ŵanyinu kuŵa ŵakuruska imwe.

Yesaya 57:12

Ndikokhomenge gha urunji winu ndivyenivyo muchita, kweni kuti vimovyeninge cha.