1 ŴaKorinte 1:2 - Tonga Bible 1986

² ku mpingu waku Chiuta wamu Korinte, ku ŵakupaturika mwaku Kristu Yesu, wakudanikiya kuŵa wakupaturuka, pamoza ndi wose mu malo ghose wo ŵadana pa zina laku Yesu Kristu Mbuyafwe, tose pamoza Mbuya wawo ndi widu.

1 ŴaKorinte 1:2 Referans Kwoze

ŴaRoma 1:7

Viyo ndilemba kwaku wose ŵamu Roma, ŵakwanjiwa ŵaku Chiuta, wakudanika kuŵa ŵakupaturika. Wezi kwaku imwe, ndi chimangu, kutuliya kwaku Chiuta Auskefwe ndi Ambuya Yesu Kristu.

1 ŴaKorinte 1:30

Mweniyo ndi funda ya umoyo winu mwaku Kristu Yesu, mweniyo Chiuta wamuchita kuŵa vinjeru vidu, urunji widu, utozi widu ndi uwombozi widu;

Machitidu gha Ŵakutumika 26:18

kwachibanuwa maso ghawo, ndi kuŵanyongo ku mdima kuyiya ku ukweru, ndi kuŵanyongo ku mtufu waku Satana kulazgiya kwaku Chiuta, mwakuti iwo ŵaronde chigowoke cha mwaku ine.’

ŴaHebere 13:12

Viyo so Yesu nayo, alinga kuti wapaturiye khamu mu ndopa zaku yija, wangukomwa kubwaro ku ugoŵi.

1 ŴaTesalonika 4:7

Chifukwa Chiuta kuti wangutidaniya ku wiyu cha, kweni ku upaturika.

ŴaHebere 10:10

Mu khumbu lenilo to ŵakupaturikiya mu kaperekedu ka liŵavu lo laku Yesu Kristu kamoza limu.

2 ŴaKorinte 4:5

Chifukwa vyo titaula kuti vyaku taŵeni cha, kweni Kristu Yesu nge ndi Mbuya, ndi taŵeni ulaka mbateŵeti ŵinu pa chifwa chaku Yesu.

Machitidu gha Ŵakutumika 9:14

ndipo panu waronde ku ŵazukuru ŵara mtufu kwachimanga wose wo mbakudana pa zina linu.”

Chivumbuzi 19:16

Ndipo we nalo pa munjirira wake ndi pa chigha chake zina lakulembeka, Karonga wa ŵaKaronga, ndi Mbuya wa ŵaMbuya.

Yuda 1:1

Kalata wakutuwa kwaku Yuda mteŵeti waku Yesu Kristu, ndi mhurwa waku Yakobe, ku ŵakudanika wo ŵakwanjiwa mwaku Chiuta Dada, ndi ŵakusungikiya mwaku Yesu Kristu:

ŴaHebere 2:11

Chifukwa yo wapatuwa ndiso ŵeniwo mbakupaturika wose mba ku yumoza. Chifukwa chenichi kuti walenga soni cha kuŵatamula ŵabali,

2 Timote 1:9

mweniyo wangutitaska ndi kutidana ndi mdanu wakupaturika, kwakuyana ndi nchitu zidu cha, kweni uli ndi chiteme chaku yija ndi wezi, wo ungupaskika kwaku ifwe mwaku Kristu Yesu penipo zindambe nyengo zamuyaya,

1 Timote 3:15

kweni asani ndiziulika, alinga kuti ungaziŵa mo kutenere kujariya mu nyumba yaku Chiuta, yeniyo ndi eklesiya laku Chiuta Wamoyo, mzati ndi chijarikiru cha uneneska.

2 ŴaTesalonika 1:1

Kalata wakutuwa kwaku Paulo, ndi Silvano, ndi Timote, ku mpingu wa ŵaTesalonika mwaku Chiuta Auskefwe ndi Ambuya Yesu Kristu.

1 ŴaTesalonika 1:1

Kalata wakutuwa kwaku Paulo, ndi Silvano, ndi Timote, ku mpingu wa ŵaTesalonika mwaku Chiuta Dada ndi Ambuya Yesu Kristu: Wezi kwaku imwe, ndi chimangu.

ŴaEfeso 5:26

alinga kuti walipatuliske, wati walitozge mu chibatizo ndi mazu,

2 ŴaKorinte 1:1

Kalata wakutuwa kwaku Paulo, wakutumika waku Kristu Yesu mu khumbu laku Chiuta, ndi Timote mbali widu, ku mpingu waku Chiuta wamu Korinte, pamoza ndi ŵakupaturika wose ŵamu Akhaia yose.

1 ŴaKorinte 8:6

kweni kwaku ifwe walipo Chiuta yumoza pe, Ada, kutuliya kwaku mweniyo kwe vyose ndi mwaku mweniyo tose tijariya Mbuya yumoza, Yesu Kristu mwaku mweniyo mwe vyose, ndi ifwe mwaku iyo.

ŴaRoma 10:12

Chifukwa mphambanu palive pakati pa muYuda ndi muGriki chifukwa yumoza iyo ndi Mbuya waku wose, msambasi kwaku wose ŵakudaniya paku iyo:

ŴaRoma 3:22

urunji nawo wakuchiuta wamu chivwanu mwaku Yesu Kristu, wa kwaku wose ŵakuvwana; pakuti mpambanu palive;

Machitidu gha Ŵakutumika 22:16

Ndipo sono usweriyanji? Soka, ubatizike, ndi usambe vilakwa vyako, wakudaniya pa zina lake.’

Machitidu gha Ŵakutumika 18:1

Pavuli paku vyo, Paulo, pakutuwako ku Athene, wanguza ku Korinte.

Machitidu gha Ŵakutumika 15:9

ndipo kuti wangupambaniska kanthu cha pakati paku ifwe ndi iwo, mu kutozga mitima yawo ndichivwanu.

Machitidu gha Ŵakutumika 10:36

Uziŵa mazu gho wangutumiya ŵana ŵaku Yisraele ghakugozge chimangu mwaku Yesu Kristu (ndiyo Mbuya waku wose),

Machitidu gha Ŵakutumika 9:21

Ndipo wose ŵakumuvwa ŵazizwanga, ndipo ŵatinge, “Asi ndi mweniyo mu Yerusalemu wangwananga ŵakudaniya pa zina lenili? Ndipo kuno waziya chenichi alinga kuti waŵagumizgiye ŵakumangika ku ŵazukuru ŵara wo?”

Sumu 45:11

ndipo karonga wakhumbenge kutowa kwako. Umulambiye, pakuti iyo ndiyo mbuyako;

Chiyambo 12:8

Kutuwa pa wangundere ku phiri ku vuma kwa Betele, ndi wangujintha hema lake; Betele ku zambwe ndi Ai ku vuma ndipo pa wanguzenga jochero ku Ambuya ndipo wanguromba ku Ambuya.

Chiyambo 4:26

Kwaku Sete so kungupapika mwana munthurumi, ndipo wangudana zina lake Enoke. Pa nyengo yiya ŵanthu ŵangwamba kudana pa zina la Ambuya.

2 Timote 2:22

Kweni thaŵanga maulakalaka ghauhurwa, ndipo ndondoloska urunji, chivwanu, chanju, chimangu, pamoza ndi ŵeniwo ŵadaniya pa Mbuya ndi mtima ukovu.

ŴaGalatia 1:2

Ŵabali wose wo ŵe kunu ŵasangana nane pakumutauzgani imwe mwa ŵamipingu ŵamu Galatia.

Machitidu gha Ŵakutumika 9:13

Kweni Hananiya wangwamuka, “Ambuya, ndavwa ku ŵanandi vyapa munthu mwenuyu, vyose viheni vyo wachitiya ŵakupaturika ŵinu mu Yerusalemu;

ŴaRoma 8:28

Ndipo tiziŵa kuti vinthu vyose vichitiya pamoza ku umampha kwaku wo mbakumwanja Chiuta, kwaku ŵeniwo mbakudanikiya uli ndi chitema chake.

1 ŴaKorinte 10:32

Mungaguŵiska ŵaYuda, chingana mbaGriki, chingana ndi mpingu waku Chiuta cha:

1 ŴaKorinte 12:27

Kweni imwe mwe liŵavu laku Kristu, chiŵaru che chose mu chigaŵa.

1 Timote 2:8

Viyo ndiŵakhumba ŵanthurumi kuromba mu malo ghose, pakusoska manja ghakhovu kwambura chikwiya ndi suskanu.

2 Timote 2:19

kweni chiŵanja cho chakurama chaku Chiuta chituma gwa, pakuŵa ndi chiŵali chenichi, “Waŵaziŵa Mbuya ŵeniwo mbake”: ndi “Wagaukeko ku uwura-urunji yose wakutamula zina lo la Ambuya.”