1 ŴaKorinte 1:10 - Tonga Bible 1986

¹⁰ Kweni ndikuŵeyereni, mwa ŵabali, mu zina la Ambuyafwe Yesu Kristu, kuti mose mukambe chakuyanayana, ndi kuti mwinu muŵevi magaukanu; kweni kuti muŵe ŵakumangana pamoza mu chinjeru chakuyana ndi mu cheruzgu chakuyana.

1 ŴaKorinte 1:10 Referans Kwoze

1 ŴaKorinte 12:25

alinga kuti lingaŵamo cha gaukanu mu liŵavu lo; kweni kuti viŵaru vyake viphwererane kwakuyanayana.

ŴaRoma 12:16

Yanani mu mtima yumoza ndi munyake. Mungasuŵiriyanga vyathamu cha, kweni sunganani ndi ŵakuzimbwa. Mungaŵanga ŵakujirumba cha.

2 ŴaKorinte 13:11

Pakumariya, mwa ŵabali, paweme! Mukongoreke: musangaruskike; mupimiye chakuyana pe; mujaririyane mu chimangu; ndipo Chiuta wa chanju ndi chimangu waŵenge pamoza namwe.

Sumu 133:1

Ehe, nkhwama mphambwenu ndi kwakunozga kuti ŵabali ŵaje pamoza!

1 ŴaKorinte 11:18

Chifukwa, chakudanga nchakuti muchiungana nge mbampingu ndituvwa mwe magaukanu mukati mwinu, ndipo kurwandi ndivwana.

ŴaFilipi 1:27

Chenichi pe, mujijariye kwakwenere evangeli waku Kristu: alinga kuti, chingana nthuza kumuwonani, pamwenga chingana ndiŵe kunyake, ndivwenge vyapaku imwe, kuti mumiya mu mzimu umoza, ndi mtima umoza ŵakurwiya pamoza chivwanu chamu evangeli;

ŴaRoma 16:17

Ndipo ndikuŵeyereni, mwa ŵabali, kuŵathoŵa wo mbakuchita vigaukanu ndi viguŵisku, kwakumikirana ndi chisambizgu chenicho mungusambira: ndipo ŵapambukeni wo.

2 ŴaKorinte 5:20

Viyo te mathenga pa chifukwa chaku Kristu, nge Chiuta waŵeyererenga mwaku ifwe: tininizikiya imwe pa chifwa chaku Kristu, mwanjaniskikiye kwaku Chiuta.

1 ŴaKorinte 4:16

Viyo ndikuŵeyereni, muŵi ŵakwezga ine.

Machitidu gha Ŵakutumika 4:32

Ndipo wenga umoza mtima ndi mzimu wa urapasi waku wo ŵanguvwana, ndipo pengavi so yumoza yo wakambanga kuti kanthu kaku vyo wenga navyo, kenga kaku yija; kweni vyawo vyose vyenga vyamasanga.

Yeremiya 32:39

Ndiŵapaskenge mtima umoza ndi nthowa yimoza, mwakuti ŵandopenge ine muyaya, chifukwa cha umampha waku iwo ŵeneko ndi umampha wa ŵana ŵawo ŵa pavuli pawo.

Yohane 17:23

ine mwaku iwo, ndi imwe mwaku ine, alinga ŵaŵe ŵakufiskikiya mu umoza; kuti charu chiziŵe kuti imwe mungundituma, ndipo kuti mwaŵanja iwo, uli ndimo mwandanjiya ine.

1 ŴaTesalonika 5:13

kuŵarumba ukongwa mu chanju, chifukwa cha nchitu yawo. Muŵe ndi chimangu mwaku mwaŵeni.

ŴaRoma 12:1

Viyo ndikuŵeyereni, mwa ŵabali, chifukwa cha vyalisungu vyo vyaku Chiuta, kupereka maliŵavu ghinu sembe yamoyo yakupaturika, yamarondeka kwaku Chiuta, ndiyo uteŵeti winu wavinjeru.

Yohane 10:19

Chifukwa cha mazu yagha kunguŵapo so gaukanu mu ŵaYuda.

1 Petro 2:11

Mwaŵakwanjiwa, ndikuŵeyereni nge mbayinga ndi ŵalendo kufunga pa maulakalaka ghanyama, ghenigho ghaturwa pa uzima wo.

2 Timote 4:1

Ndisimikizgiya pa maso ghaku Chiuta, ndi ghaku Kristu Yesu, yo wakeruzganga ŵamoyo ndi ŵakufwa, ndipo ndi chiwoneka chake ndi ufumu wake;

ŴaFilipi 3:16

Kweni tiyeni cho taronde tichikoreze mu uneneska.

2 ŴaKorinte 10:1

Kweni mu ukhovu ndi mu umampha waku Kristu ndikuŵeyereni ine, nda Paulo, ndawakujiyuyuwa pa maso pinu, kweni pakuŵa kunyake nda wakujitunthwa paku imwe;

Yohane 7:43

Viyo mu mzinda wo munguŵa gawukanu pachifukwa chake.

Marko 2:21

Palive yumoza wagambika pa raya lakale chigamba cha saru yifya: iku chigamba cho chifya chirundumukenge ku lakale, ndipo kuparuka ko kuŵenge kuheniku.

Mateyu 9:16

Ndipo palive yumoza wagambika chigamba cha saru yifya pa raya lakuguga; chifukwa chigamba cho chidodomokenge paraya lo, ndipo kuparuka kwake kukaŵanga kuheniko.

1 Timote 5:21

Ndikuchenjezga pa maso ghaku Chiuta, ndi ghaku Kristu Yesu, ndi gha ŵangelo ŵakusankhika, kuti usunge vyenivi kwambura chisankha, wakuchitiya kanthu pa chanasi cha.

2 ŴaTesalonika 2:1

Kweni tikuŵeyereni, mwa ŵabali, nge nkhu uzi wa Ambuyafwe Yesu Kristu, ndi kongana kwidu pamoza nayo,

ŴaGalatia 4:12

Ndikuŵeyereni, mwa ŵabali, muŵe ulaka ndine, pakuti nane so ndinguŵa uli ndimwe. Kuti mungunangiya ine kanthu cha:

2 ŴaKorinte 6:1

Ndipo taŵakutakatakiya pamoza nayo, tikuŵeyereni karonde wezi waku Chiuta kwaumbughuya cha.

ŴaRoma 15:30

Kweni ndikuŵeyereni, mwa ŵabali, pa chifukwa cha Ambuyafwe Yesu Kristu, ndi pa chifukwa cha chanju cha Mzimu iyo, kuti mulimbiye pamoza nane mu marombo kwaku Chiuta ghapa chifukwa changu;

Yohane 9:16

Viyo ŵanyake ŵamu ŵaFarisi wo ŵanenanga, “Munthu mweniyo kuti ngwakwaku Chiuta cha, pakuti wareka kusunga sabata.” Kweni ŵanyake ŵanguti, “Waziŵa uli munthu mulakwi kuchita visimikizgu vyaviyo?” Ndipo kwenga gaukanu mwaku wo.

ŴaRoma 1:13

Kweni kuti ndikhumba cha mureke kuziŵa, mwa ŵabali, kuti panandi ndingukhumba kuzako kwinu (ndipo mpaka sono ndamikika), alinga kuti ndiŵe nacho chipasi mwaku imwe namwe, uli ndi mu ŵaMitundu ŵanyake.

1 ŴaKorinte 1:11

Chifukwa ndi wo ŵaku Kloe kwandivumbulikiya vya paku imwe, mwa ŵabali, kuti suskanu ziripo mukati mwinu.

1 ŴaKorinte 3:3

chifukwa mweche ŵaliŵavu. Pakuti po pe bina ndi ndeu mukati mwinu, asi mwe ŵaliŵavu, ndi mutenda ulaka mbanthu bweka?

2 ŴaKorinte 13:9

Chifukwa tikondwa, penipo titomboroka ifwe, ndipomwe ŵanthazi imwe: chenichi nacho tirombe, kukongora kwinu,

1 Petro 5:10

Ndipo Chiuta wa wezi wose, mweniyo wangumdaniyani ku unkhankhu wake wamuyaya mwaku Kristu Yesu, mwati mwakomwapo kamanavi, mwenecho wafiskenge, wakhozgenge, wakhomeskenge imwe.

Yoswa 22:15

Ŵanguza ku ŵina Rubene, ŵina Gadi ndi nusu wa fuku laku Manase, mu charu cha Gileada, ŵangunena nawo,

Marko 3:24

Asani ufumu ungagaukana mwaku wija, kuti ngwanthazi ku ufumu wo cha.