1 ŴaKaronga 9:9 - Tonga Bible 1986

⁹ Sono ŵakatinge, ‘Nchifukwa chakuti ŵangujowo Ambuya Chiuta wawo yo wangutuzga auskeu mu charu cha Egipiti, ŵangusunga ŵachiuta ŵa mwenga ndi kuŵatataliya ndi kuŵasopa, chifukwa cho Ambuya atole uheni wose uwu paku iwo.’ ”

1 ŴaKaronga 9:9 Referans Kwoze

Yeremiya 2:19

Uheni winu ukudikiskeninga, ndipo kureka kusopa kukakuchenyaninga. Ziŵani, ndi wonani, kuti imwe pakureka Ambuya Chiuta winu mbuheni ndi kuŵaŵa kwaku imwe; kundopa ine mulivi mwaku imwe, atiti Ambuya Chiuta wa maŵanja.

Yeremiya 5:19

Ndipo penipo ŵanthu ŵinu ŵakambenge, ‘Chifukwa chine Ambuya Chiuta ŵachita vinthu vyose ivi paku ifwe?’ Muŵaneniyenge iwo, ‘Pakuti mwasiya ine ndipo mwatataliya ŵachiuta ŵachilendo mu charu chinu, viyo mukatataliyanga ŵalendo mu charu chenicho kuti nchinu cha.’ ”

2 Mikoka 7:22

Ndipo ŵakatinge, ‘Chifukwa ŵangujowo Ambuya Chiuta wa auskeu yo wanguŵatuzga mu charu cha Egipiti. Ŵanguŵika mitima yawo pa ŵachiuta ŵanyake, ŵanguŵasopa ndi kuŵateŵete, chifukwa ichi watole uheni wose uwu paku iwo.’ ”

Yeremiya 50:7

Wose wo ŵanguŵasaniya ŵanguŵaparuwa, ndipo ŵakupindikana ŵawo ŵanguti, ‘Ifwe tilivi kafukwa, pakuti iwo ŵakulakwiya Ambuya, uja wawo weneko, Ambuya, wo nchigomekezgu cha auskeu,’ kwamphuwanga ŵakakhorwanga, atiti Ambuya.

1 ŴaKaronga 18:18

Ndipo wangwamuka, “Ine ndirivi kusuzga Yisraele, kweni iwe ndiwe wachita ichi, ndi nyumba ya ausu, chifukwa mukujowo malangulu gha Ambuya, mukurondo ŵa Bala.

Yeremiya 22:8

“ ‘Ndipo mitundu yinandi yazamudumuwapo pa msumba uwu, ndipo munthu yose wazamunena ku munyake, “Chifukwa chine Ambuya achita nawo viyo msumba ukuru uwu?”

Yeremiya 44:23

Chifukwa mungocha vyachema, ndi mungulakwiya Ambuya ndi kuti munguvwiya cha mazu gha Ambuya pamwenga kwenda mu dangu lawo ndi mu malangulu ghawo ndi virunguchizgu vyawo, reka chiheni ichi chakuwiyani, uli ndimo kuliri msana wale.”

Marangu 29:23

mu charu chose fukunyira ndi muche ndi vyakupiriya vyakunangika, chambura kumijika ndi mume kanthu cha, uteka kuti uziŵa kubuka cha; chakuthereskeka uli ndi viya vya Sodomu ndi Gomora, Adama ndi Zeboyimi, vyenivyo Ambuya anguthereska mu ukari wawo ndi chikwiya.

2 ŴaKaronga 22:17

Chifukwa ŵandijowo ine ndikuwoche vya chema kuŵachiuta ŵanyake, mwakuti ŵandisosomole ine ku ukari ndi nchitu zose za manja ghawo, chifukwa cho ukari wangu ukakolenga pa malo yagha, ndipo kuti ukazimwikanga cha.

2 Mikoka 29:8

Viyo ukari wa Ambuya unguza paku Yuda ndi Yerusalemu, ndipo aŵachita kuŵa ŵanthu ŵakopa, ŵakuchurukachuruka, ndi ŵakuwoyeka, nge ndimo mutiŵawone ndi maso ghinu.

Chitenje 2:15

Wose ŵakwenda mu nthowa ŵatumba manja paku iwe; ŵajuma ndi kupukung'a mitu yawo, pa msumba wa Yerusalemu; “Kumbi uwu ndi msumba weniwo wadanikanga kutowa kwakufikapo, kukondwa kwa charu chose chapasi?”