1 ŴaKaronga 9:25 - Tonga Bible 1986

²⁵ Katatu pa chirimika Solomoni wanguziŵiriya kupereka sembe za chimangu pa guŵa lo wanguzenge Ambuya, kocha vyachema paurongo pa Ambuya. Viyo wangumarizga nyumba.

1 ŴaKaronga 9:25 Referans Kwoze

2 Mikoka 8:16

Viyo ndimo nchitu yose yaku Solomoni yingunozgeke kwamba pa zuŵa lakuŵikiya chiŵanja cha nyumba ya Ambuya mpaka po yingumariya. Viyo nyumba ya Ambuya yingufiskika.

Marangu 16:16

“Katatu mu chirimika ŵanthurumi ŵinu wose ŵakawonekanga paurongo pa Ambuya Chiuta winu pa malo gho ŵakasankhanga; pa dghera la chiŵande chambura mtupu, pa dghera la ŵasabata, ndi pa dghera la misasa. Wangawonekanga paurongo pa Ambuya ndi manja ghaŵaka cha;

2 Mikoka 34:25

Chifukwa ŵandijowo ine, ndi kocha vya chema ku ŵachiuta ŵanyake kundisosomoleine ku kandundu ndi nchitu zose zo maja ghawo, pa chifukwa ichi kandundu kangu kapungulikiyenge pa malo yagha ndipo kuti kazimwikenge cha.

2 Mikoka 29:11

Mwaŵana ŵangu, rekani kuŵa ndi mphwayi, chifukwa Ambuya akusankhani kuma pa maso pawo kuŵateŵete ndi kuŵa ŵateŵeti ŵawo ŵakuŵawoche vyakununkhira.”

1 Mikoka 23:13

Ŵana ŵaku Amramu: Aroni ndi Mosese. Aroni wangupaturikiya kuti wapatuwe vinthu vyakupaturika ukongwa, mwakuti iyo ndi ŵana ŵake ŵawochenge vyakununkhira muyaya paurongo pa Ambuya, kumuteŵete iyo ndi kupereka vitumbiku mzina lake muyaya.

1 ŴaKaronga 6:38

Ndipo mu chirimika cha chumi ndi chimoza mu mwezi wa Bulu, wo ndi mwezi wa chinkhonde ndi chitatu, nyumba yingumara muvigaŵa vyake vyose, ndipo kwakulingana ndi karongosoledu kake kose. Wanguyizenga virimika vinkhonde ndi viŵi.

Chituwa 34:23

Katatu mu chirimika ŵanthurumi ŵinu wose ŵazamuwoneka paurongo pa Ambuya Chiuta, Chiuta Yo waku Yisraele.

Chituwa 30:7

Ndipo Aroni wakawochanga sembe ya fungu lamampha paku cho; mlenji ndi mlenji wachilongoso zinyali ndipo wakawochiyanga paurongo pa Ambuya mu migonezi,

Ŵeruzgi 11:40

kuti ŵana ŵanthukazi ŵaku Yisraele wanguruta chirimika ndi chirimika kwachitenje mwana munthukazi waku Jefta mu Gileada mazuŵa ghanayi pa chirimika.

1 ŴaKaronga 6:9

Viyo wanguzenga nyumba yiya ndi wanguyimalizga, ndipo wangukhoma mukati kusi ku mtenje wa nyumba mathabwa gha milanje.

1 ŴaKaronga 6:14

Viyo Solomoni wanguzenga nyumba, wangumara.