1 ŴaKaronga 9:21 - Tonga Bible 1986

²¹ Ŵana ŵawo wo ŵangusiyika pavuli pawo mu charu, ŵeniwo ŵaYisraele ŵangutondeka kuŵamariya limu; yaŵa Solomoni wanguŵachita msonkho wa ŵaŵanda, viyo ndimu ŵaliri mpaka zuŵa lino.

1 ŴaKaronga 9:21 Referans Kwoze

Ŵeruzgi 1:21

Kweni ŵanthu ŵaku Benjamini kuti ŵanguŵadikiskamo cha ŵaYebusi wo ŵajanga mu Yerusalemu; viyo ŵaYebusi ŵanguja pamoza ndi ŵanthu ŵaku Benjamini mu Yerusalemu mpaka zuŵa lino.

Yoswa 17:12

Kweni ŵana ŵaku Manase ŵangutondeka kusere mu misumba yo; ŵaKanani ŵangujaririya mu charu chiya.

Yoswa 15:63

Kweni ŵaYebusi, ŵakuja mu Yerusalemu, ŵanthu ŵaku Yuda kuti ŵangukhumba kuŵadikiska cha; viyo ŵaYebusi ŵanguja pamoza ndi ŵaYuda mu Yerusalemu kufika ku zuŵa lino.

Nehemiya 11:3

Yaŵa ndiwo ŵaraŵara ŵa vigaŵa ŵeniwo ŵajanga mu Yerusalemu; kweni mu mizi yaku Yuda munthu we yose wajanga pa malo mweneko, mu mizi yawo: Yisraele, ŵazukuru, ŵaLevi, ŵateŵeti ŵa kasopi, ndi ŵamphapu ya ŵateŵeti ŵaku Solomoni.

Nehemiya 7:57

Ŵana ŵa ŵateŵeti ŵaku Solomoni: ŵana ŵaku Sotai, ŵana ŵaku Sofereti, ŵana ŵaku Perida,

1 ŴaKaronga 9:15

Ndipo uku ndiku kukokhoska kwa ŵanthitu ŵakuchichizgika wo karonga Solomoni wangulembela kuzenga nyumba ya Ambuya ndi nyumba ya mwenecho ndi Milo ndi linga la Yerusalemu ndi Hazoro ndi Megido ndi Gezeri.

1 ŴaKaronga 5:13

Karonga Solomoni wangukumba wakumovya kutuwa mu Yisraele yose; ndipo unandi wa ŵanthurumi ŵakumovya ŵenga vikwi machumi ghatatu (30,000).

Ŵeruzgi 2:20

Viyo ukari wa Ambuya ungukole paku Yisraele; ndipo anguti, “Chifukwa chakuti ŵanthu yaŵa ŵaswa phanganu langu lo ndingulanguliya auskeu, ndipo ŵalivi kuvwiya mazu ghangu.

Marangu 20:11

Ndipo asani kwamuka kwake kwaku imwe nkhwa chimangu ndipo utikujuliyani, sono ŵanthu wose ŵeniwo ŵasanirikengemo mwaku wo ŵakachitanga nchitu yakuchichizgika ndipo ŵakamteŵetiyaninga.

Yoswa 17:13

ŴaYisraele ŵanguti ŵakuwa mu nthazi, ŵanguŵaŵika ŵaKanani ku nchitu zakuchichizgika, ndipo kuti ŵanguŵadikiskamo wose cha.

Ŵeruzgi 3:1

Iyi ndi mitundu yo Ambuya angureke Yisraele kuti wayeseke nayo, wose ŵaYisraele wo ŵengavi kuziŵapo kurwa nkhondo mu Kanani;

1 ŴaKaronga 9:20

Ŵanthu wose wo ŵangujapo ŵaAmori, ŵaHiti, ŵaPerizi, ŵaHivi, ndi ŵaYebusi, wo kuti ŵenga ŵaYisraele cha.

1 Mikoka 22:2

Davidi wangulangula kuti wawungange pamoza ŵalendo wo ŵenga mu charu cha Yisraele, ndipo wanguŵika ŵakusema mya yakuzenge nyumba yaku Chiuta.

2 Mikoka 8:8

ŵana ŵawo wo ŵangusiyika mu charu, ŵeniwo ŵaYisraele ŵengavi kuŵamara, Solomoni wanguŵachichizga wose yaŵa kumusonkhe msonkhu mpaka kunu kule.

Nthanthi 12:24

Janja la wakutakataka likausanga, penipo mukata wakaŵikikanga ku nchitu yakuchizgika.

Yoswa 16:10

Ndipuuli kuti ŵanguŵadikiskamo ŵaKanani ŵakuja mu Gezere cha; viyo ŵaKanani ŵakuja mukati mu ŵaEfraimu mpaka ku zuŵa line, kweni ŵaŵa ŵaŵanda ŵakuchita nchitu yakuchichizgika.

Ŵeruzgi 1:36

Mphaka ya Amori yingwamba pasendemula Akrabimu, kutuwa pa Sela ndi kukwera.