1 ŴaKaronga 8:6 - Tonga Bible 1986

⁶ sono ŵazukuru ŵanguza ndi bokosi la phanganu la Ambuya ku malo ghake, mu malo ghakupaturika gha mukati ukongwa gha nyumba yo, mu malo ghatuŵa kwakuruska, kusi ku mapapa gha makerubi.

1 ŴaKaronga 8:6 Referans Kwoze

1 ŴaKaronga 6:27

Wanguŵika makerubi mu malo gha mukati ukongwa gha nyumba, ndipo mapapa gha makerubi ghangutambaruka, mwakuti phapha la kerubi yumoza lingukwaska chimati ichi, phapha la kerubi munyake lingukwaska chimati chiya, ndipo mapapa ghawo ghanyake ghangukwaskana pakati pa nyumba.

1 ŴaKaronga 6:19

Malo ghatuŵa ghamukati ukongwa wangugharongoso mukati ukongwa mwa nyumba iyi, mwakuti mwenimuwa ndimo ŵaŵike bokosi la phanganu la Ambuya.

2 Samuele 6:17

Ndipo ŵanguserezga Bokosi la Ambuya mukati, ndi kuliŵika pa malo ghake, mu hema lo Davidi wangulizenga; Davidi wangupereka mipasku ya kocha ndi mipasku ya chimangu paurongo pa Ambuya.

Ezekiele 10:5

Kugunda kwa mapapa gha makerubi kunguvwika mpaka ku luluwa la kubwaro, ulaka ndi mazu ghaku Chiuta Wanthazizose pa warongoro.

Yesaya 37:16

“Ambuya mwe, ŵa maŵanja, Chiuta waku Yisraele; imwe mwakuja pa chitengo cha ukaronga pa chanya pa ŵaKerubi, ndimwe Chiuta, imwe pe mwija, ŵa maufumu ghose gha charu chapasi.

Sumu 99:1

Ambuya ausa, ghatentheme makhamu! Aja ndeku pa maKerubi; charu chapasi chisukunike!

Sumu 80:1

Mwa mliska waku Yisraele, tegherezgani. Tivweni, murongozgi mu mskambu winu. Mwa ŵakuja pa chitengo chinu pa ŵaKerubi,

2 Mikoka 5:7

Viyo ŵazukuru wanguserezga bokosi la phanganu mu malo ghakupaturika gha mukati mu nyumba mu malo ghatuŵa ukongwa, kusi ku mapapa gha makerubi.

1 ŴaKaronga 8:4

Ndipo ŵanguza nalo bokosi la Ambuya, hema lakuwunganamo, ndi viyaŵi vyose vyakupaturika vyo vyenga mu hema; ŵazukuru ndi ŵaLevi ŵanguza navyo.

2 Samuele 6:2

Wangusoka ndi wose ŵakuŵa pamoza nayo kutuwa ku Bale-yuda, kwachito kuwa Bokosi la Ambuya lo lidanika zina la Ambuya ŵa maŵanja ŵakuja pa maKerubi.

1 Samuele 4:4

Viyo ŵanthu ŵangutumike ku Shilo, ndipo ŵanguza nalo bokosi la phanganu la Ambuya ŵa maŵanja, ŵeniwo akujarikika pa makerubi; ŵana ŵaŵi ŵaku Eli, Hofini ndi Finehasi, ŵenga kwenikuwa ndi bokosi la phanganu laku Chiuta.

Chituwa 37:9

Ŵakerubi ŵangutambaruliya mapapa ghawo kuchanya, kuvimba pachanya pa chitengo cha lisungu ndi mapapa ghawo, ndi kulereskana visku vyawo; ŵakerubi ŵangulereska kurazga ku chitengo.

1 ŴaKaronga 6:16

Wanguzenga mikono machumi ghaŵi (20) kuvuli kwa nyumba ndi mathabwa gha milanji kutuwa pasi kufika ku mapasu, ndipo wanguzenga ichi mukati nge ndi malo ghatuŵa, gha mukati ukongwa, nge ndi malo ghatuŵa kwakuruska.

1 ŴaKaronga 8:3

Ŵara wose ŵaku Yisraele ŵanguza, ndipo ŵazukuru ŵangunyamuwa bokosi.

1 ŴaKaronga 8:7

Pakuti makerubi ghangutambaruliya mapapa ghawo pa bokosi la phanganu, viyo kuti makerubi ghangubenekere pachanya pa bokosi ndi minthambi yake.

1 Mikoka 22:19

Sono khozgani mitima ndi umoyo winu kupenja Ambuya Chiuta winu. Sokani ndi muzenge nyumba ya kupaturika ya Ambuya Chiuta, mwakuti bokosi la phanganu la Ambuya ndi viyaŵi vyakupaturika vyaku Chiuta vitoleke mu nyumba yakuzengeke zina la Ambuya.”

Ezekiele 41:4

Ndipo wangupima utali wa chipinda, mikono machumi ghaŵi (20) usani wake machumi ghaŵi (20), panthazi pa kasopi. Sono wangunena nane, Yagha ndi malo ghatuŵa ukongwa kwakuruska.

Sumu 80:2

vumbuwani chanju chinu ku mafuku ghaku Efraimu, Benjamini, ndi Manase! Tirongoni nthazi zinu; zaninga mutitaske!