1 ŴaKaronga 8:51 - Tonga Bible 1986

⁵¹ (chifukwa ndi khamu linu mbanthu ŵinu wo munguŵatuzga mu charu cha Egipiti, mukati mu ng'anjo ya chisulo).

1 ŴaKaronga 8:51 Referans Kwoze

Yeremiya 11:4

lenilo ndingulanguliya auskemwe pa nyengo yo ndinguŵatuzgiya mu charu cha Egipiti, kutuwa mu ng'anjo ya chisulo, ndinguti, Tegherezgani ku mazu ghangu, ndipo chitani chose cho nditumulanguliyani. Po ndipo mukaŵanga ŵanthu ŵangu, ndipo ine ndikaŵanga Chiuta winu,

Nehemiya 1:10

Yaŵa mbateŵeti ŵinu ndi ŵanthu ŵinu wo munguwombo ndi nthazi zinu zikuru ndi janja linu lakulimba.

Marangu 4:20

Kweni Ambuya amutoni ndi kumutuzgani, mu Egipiti, nge ndi mu ng'anjo ya chisulo kuti muŵe ŵanthu ŵapa mtima wake mo mulili zuŵa ili.

Yeremiya 51:19

Mweniyo nchigaŵa chaku Yakobe kuti wayana ndi ivi cha pakuti ndiyo wangulenga vinthu vyose, ndipo Yisraele ndi khamu lake lakusankhika; Ambuya ŵa maŵanja ndilo zina lawo.

Yesaya 64:9

Mungakaripanga kwakurutilizga, Ambuya mwe; ndipo rekani kukumbuka kulakwa muyaya. Ehe, ghanaghanani, ifwe tose te ŵanthu ŵinu.

2 Mikoka 6:39

viyo vwani kuchanya mu malo ghinu ghakujamo, rombo lawo ndi kuŵeyere kwawo, muŵafighiriye, ndi muŵagowoke ŵanthu ŵinu wo ŵamulakwiyani.

1 ŴaKaronga 8:53

Chifukwa imwe mukuŵapatuwa ku makhamu ghose gha ŵanthu mu charu chapasi, kuŵa ŵanthu ŵinu, ulaka ndimo mungutauliya mwaku Mosese, muŵanda winu penipo mungutuzga auskefwe mu Egipiti, Ambuya mwe Chiuta.”

Marangu 32:9

Pakuti chigaŵa cha Ambuya mbanthu ŵawo, Yakobe ndi chigaŵa Chake chakupaskika.

Sumu 28:9

Taskani ŵanthu ŵinu, ndi ŵatumbikeni wo mbakumwaŵeni, muŵe imwe mliska wawo, ndipo muŵanyamuwe muyaya.

Yesaya 48:10

Ehe, ndakusongononi, kweni uli ndi siliva cha; ndamwesani mu ng'anjo ya suzgu.

Danyele 3:26

Viyo Nebukadanezara wangundere ku khomo la ng'anjo ya mlipu wa moto, wangudanirizga, “Shadreke, Mesheke, Abedenego, mwaŵateŵeti ŵaku Chiuta wapachanya ukongwa, tuwani ruŵi ndi muzi kuno!” Viyo Shadreke, Mesheke, ndi Abedenego ŵangutuwa mu moto.