1 ŴaKaronga 8:34 - Tonga Bible 1986

³⁴ iku vwani imwe kuchanya ko, ndipo gowokiyani kulakwa kwa khamu linu la Yisraele, ŵawezgiyeni so ku charu chenicho mungupaska ku auskeu.

1 ŴaKaronga 8:34 Referans Kwoze

Amosi 7:2

Ndipo po zombe wangumara kurgha uteka wa charu, ndinguti, “Ambuya Chiuta, gowokani, ndi kuŵeyani! Kumbi Yakobe wangama uli? Ndimumana limu!”

Danyele 9:25

Viyo uziŵi ndi uwemu, kwamba kutuwa kwa mazu ghakuwezga ndi kuzenga so Yerusalemu, kufika kukuza kwa wakupakika yo karonga, kuŵenge ŵasabata ŵankhonde ndi ŵaŵi. Viyo wazengekenge so ndi zinthowa ndi linga mu ŵasabata machumi ghankhonde ndi limoza pachanya ŵaŵi (62) kweni munyengo ya suzgu.

Danyele 9:19

Ambuya, vwani, gowokiyani; Ambuya phwereni ndi chitani; rekani kuswera chifukwa chaku mwaŵeni, A Chiuta wangu, chifukwa msumba winu ndi ŵanthu ŵadanika ndi zina linu.”

Danyele 9:12

Chifukwa tamunangiya iyo. Wakhozga mazu ghake gho wangukamba ghakutisuska ifwe, ŵeruzgi ŵidu wo ŵatiyeruzganga pakuŵika paku ifwe soka likuru, chifukwa pa charu chose chapasi palivi kuchitika nge ndi cho chachitikiya Yerusalemu.

Yeremiya 32:37

Ehe, ndikaŵaunjikanga kutuwa ku vyaru vyose vyenivyo ndinguŵadikiskiyako mu kukwiya ndi kukara kwangu, ndimu ukari wangu uzitu, ndikaŵawezgiyanga ku malo yagha, ndipo ndikaŵajarikanga pakukho.

Yeremiya 31:27

“Ehe, mazuŵa ghakazanga, atiti Ambuya, penipo ndikapandanga nyumba yaku Yisraele ndi nyumba yaku Yuda ndi mbuto ya munthu ndi mbuto ya nyama.

Sumu 106:47

Titaskeni, Ambuya Chiuta widu, ndipo mutituzgemo mukati mu mitundu, alinga kuti tirumbe zina lakupaturika, ndikwangara pa kumuwongani imwe.

1 ŴaKaronga 8:30

Ndipo tegherezgani ku kuŵeyere kwa muŵanda winu ndi khamu linu Yisraele, wachiromba mu malo yagha, inya, muvwe imwe kuchanya malo gha uja winu, ndipo muchivwa, mugowoke.

Yoswa 21:43

Viyo ndimu Ambuya angupaskiya Yisraele charu cho angurapiya auskeu, ndipo ŵanguti ŵachipoka, ŵangujamo.

Chituwa 6:8

Ndipo ndikutoliyeninge mu charu cho ndingurapa kuchipaska kwaku imwe kuŵa chihara. Ndine Ambuya.’ ”

Chiyambo 13:15

pakuti charu chose cho uwona ndikakupaskanga iwe ndi mphapu zako muyaya.

1 ŴaKaronga 8:33

“Asani khamu linu Yisraele lapundika ndi ŵarwani chifukwa chakuti ŵakulakwiyani imwe, asani ŵawere so kwinu, ndi kuzomera zina linu, ndipo ŵaromba ndi kuŵeyere imwe mu nyumba iyi,

1 ŴaKaronga 8:35

“Asani kuchanya kwajarika ndipo kulivi vuwa chifukwa chakuti ŵakulakwiyani, asani ŵaromba mu nyumba iyi, ŵazomera zina linu, ndipo ŵang'anamukako ku ulakwi wawo penipo imwe mwaŵasuzga,

Sumu 85:2

Mungureke kulakwa kwa khamu linu; mungugowoke kubende kwawo kose.

Marangu 30:1

“Ndipo penipo vinthu ivi vyose vituza paku imwe, thumbiko ndi thembo vyo ndiviŵika paurongo pinu, mukavikumbukanga mukati mu mitundu yose mwenimo Ambuya amudikiskiyani.

Marangu 30:4

Nanga ŵakutayika ŵinu ŵemu malo ghatali ukongwa ghakuchanya, Ambuya Chiuta winu wakamuwunjikaninga kutuwa kwenikuwa, ndipo wakamuwezgiyaninga kwenikuwa.

Sumu 106:46

Angupaska mtima wa chitima kwaku wo ŵanguwako umkoli.