1 ŴaKaronga 8:21 - Tonga Bible 1986

²¹ Ndipo mwenimuwa ndaŵikamo malo ghakujamo bokosi, mwenimo mwe phanganu la Ambuya lenilo anguchita ndi auskefwe, anguti aŵatuzga mu charu cha Egipiti.”

1 ŴaKaronga 8:21 Referans Kwoze

1 ŴaKaronga 8:9

Mubokosi la phanganu mwengayi kanthu kweni magome ghaŵi gha mya gho wanguŵikamo Mosese pa Horebi, pa malo ghenigho Ambuya anguchita phanganu ndi khamu laku Yisraele, ŵanguti ŵatuwa mu charu cha Egipiti.

Marangu 31:26

“Toni buku ili la dangu ndi muliŵike pafupi ndi bokosi la phanganu la Ambuya Chiuta winu, alinga kuti lijenge penipo kuŵa ukaboni paku imwe.

Marangu 9:11

Ndipo pa umari wa mazuŵa machumi ghanayi (40) ndi mausiku machumi ghanayi (40) Ambuya angundipaska mya ya vipapate yiŵi, mya yakurembekapo phanganu.

Marangu 9:9

Po ndingukwere mu phiri kwachironda mya ya vipapate, mya ya phanganu lo Ambuya anguchita ndi imwe, ndingujako mazuŵa machumi ghanayi (40) ku phiri, msana ndi usiku, kuti ndingurgha chiŵande cha, chingana nkhumwa maji cha.

Chituwa 34:28

Ndipo wenga wakuja pamoza ndi Ambuya mazuŵa machumi ghanayi (40) ndi mausiku machumi ghanayi (40), kuti wangurgha nanga ndi chiŵandi chingana nkhumwa maji cha. Ndipo wangulemba pa magome mazu gha phanganu, marangu gho chumi.

1 Mikoka 22:19

Sono khozgani mitima ndi umoyo winu kupenja Ambuya Chiuta winu. Sokani ndi muzenge nyumba ya kupaturika ya Ambuya Chiuta, mwakuti bokosi la phanganu la Ambuya ndi viyaŵi vyakupaturika vyaku Chiuta vitoleke mu nyumba yakuzengeke zina la Ambuya.”

Chituwa 24:8

Ndipo Mosese wanguto ndopa ndi wanguwazgiya ku ŵanthu ndi wanguti, “Awonani ndopa za chipanganu cho ŵachita ndi Imwe Ambuya kwakulingana ndi mazu yagha ghose.”