1 ŴaKaronga 8:14 - Tonga Bible 1986

¹⁴ Sono karonga wangulereska uku ndi uku, ndipo wangutumbika umba wose wa ŵaYisraele, panyengo yo umba wose unguma phorokotu.

1 ŴaKaronga 8:14 Referans Kwoze

2 Samuele 6:18

Penipo Davidi wangumara kupereka mipasku yakocha ndi mipasku ya chimangu wanguŵatumbika ŵanthu mu zina la Ambuya ŵamaŵanja.

Mateyu 13:2

Ndipo kunguwungirana kwaku iyo mizinda yikuru, viyo kuti wangusere iyo mu ngaraŵa, wanguja pasi; ndipo mzinda wose wamanga pa likumba.

Sumu 118:26

Ngwakutumbikaka yo watuza mu zina la Ambuya! Tikutumbikani kutuwa mu nyumba ya Ambuya.

Nehemiya 9:2

Ndipo ŵaYisraele ŵangujipatuwako ku ŵalendo wose, ndipo ŵanguma kuzomera maulakwi ghawo ndi maubudi gha auskeu.

Nehemiya 8:7

Ndipo Yeshua, Bani, Sherebiya, Jamini, Akubu, Shabatai, Hodiya, Maseya, Kelita, Azariya, Yozabadi, Hanani, Pelaya, ŵaLevi, ŵangovya ŵanthu kuwamo dangu, penipo ŵenga ŵeche mu malo ghawo.

2 Mikoka 7:6

Ŵazukuru ŵanguma pa malo ghawo; ŵaLevi nawo so viyo ndi vyakumbiya sumu ku Ambuya vyo karonga Davidi wanguchita vyakutumbikiya Ambuya, chifukwa nchamuyaya chifundu chawo, mo Davidi watumbikiyanga Ambuya wachitakataka; ndipo ŵazukuru ŵambanga mbata panthazi pawo, ŵaYisraele wose ŵanguma.

2 Mikoka 6:3

Sono karonga wangung'anamukiya ku wumba ndi wanguwutumbika wumba wo wose waku Yisraele. Wumba wose waku Yisraele unguma.

1 Mikoka 16:2

Ndipo penipo Davidi wangumara kupereka sembe yakocha, ndi sembe ya Chimangu, wangutumbika ŵanthu mu zina la Ambuya,

Yoswa 22:6

Viyo Yoswa wanguŵatumbika, wanguwawezga; ndipo ŵanguwere ku mizi yawo.

Chituwa 33:10

Ndipo penipo ŵanthu wose ŵanguwona mzati wa mtambo kuma pa khomo la hema, ŵanthu wose ŵasokanga ndi kulambiya, munthu we yose pa khomo la hema lake.

2 Mikoka 31:8

Penipo karonga Hezekiya ndi mafumu ghake ŵanguza kuzachiwona zindundu, ŵanguthamika Ambuya ndi ŵanthu ŵawo ŵaYisraele,