1 ŴaKaronga 8:11 - Tonga Bible 1986

¹¹ mwakuti ŵazukuru kuti ŵanguziŵa kuteŵeta cha chifukwa cha mtambo, pakuti unkhankhu wa Ambuya unguzaza nyumba ya Ambuya.

1 ŴaKaronga 8:11 Referans Kwoze

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

2 ŴaKorinte 3:18

Ndipo ifwe tose, ndi chisku chakuvwinkhulika, tithoŵa uli ndi mu kayilole unkhankhu wa Mbuya, ndipo tisanduskikiya mu chikozgu icho cha kaŵiru kake, kutuwa ku unkhankhu kuya ku unkhankhu, nge ndimo uziya kutuliya ku Mbuya yo ndi Mzimu.

Ezekiele 44:4

Sono wanguza nane munthowa yaku likomo laku nkhonde kunthazi kwa kasopi; ndingulereska, ehe, unkhankhu wa Ambuya unguzaza kasopi wa Ambuya; ndipo ndinguwa kavunama.

ŴaLevi 9:23

Ndipo Mosese ndi Aroni ŵangusere mu hema lakuwunganamo; ndipo ŵanguti ŵatuwa ŵangutumbika ŵanthu, ndipo unkhankhu wa Ambuya unguwoneka ku ŵanthu wose.

Chivumbuzi 21:23

Ndipo msumba wo ulivi kukavuka dazi, chingana ndi mwezi, kuti viuŵaliye: chifukwa unkhankhu waku Chiuta nkhungweruka kwake, ndipo Mwana-mberere yo ndi limbuni lake.

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Ezekiele 43:2

Ndipo wonani, unkhankhu waku Chiuta wa ŵaYisraele unguza kutuliya ku vuma; ndipo kavwikidu kakuza kwake kanguŵa nge nkhuwuruma kwa maji ghanandi; charu chingungweruskika ndi unkhankhu wake.

Chivumbuzi 21:11

wakuŵa ndi unkhankhu waku Chiuta: limbuni lake lenga lakukozgana ndi mwa wakuzirwa kwakuruska, ulaka ndi mwa wa jaspere, wakulangaliya.

Machitidu gha Ŵakutumika 7:55

ndipo ŵamkekechuliyanga minyu. Kweni iyo, pakuzazika Mzimu Wakupaturika wachilereska kuchanya, wanguwona unkhankhu waku Chiuta, ndi Yesu wakuma ku marghe ghaku Chiuta,

ŴaLevi 9:6

Mosese wanguti, “Ichi ndicho Ambuya angumulanguliyani kuti muchichite, ndipo unkhankhu wa Ambuya ukamuwonekiyaninga.”

ŴaRoma 9:4

ŵeniwo mbaYisraele; kwaku ŵeniwo kwe ulezi wo, ndi unkhankhu wo, ndi marayizganu, ndi kapaskidu ka dangu, ndi uteŵeti waku Chiuta, ndi mapanganu;

Chituwa 40:34

Sono mtambo unguvimba pa hema lakuwunganamo ndi unkhankhu wa Ambuya unguzaza hema lakupaturika.

Chituwa 40:35

Ndipo Mosese wangutondeka kusere mu hema lakuwunganamo, chifukwa mtambo wajanga paku lo ndi unkhankhu wa Ambuya unguzaza hema lakupaturika.

1 ŴaKaronga 8:10

Ndipo ŵazukuru ŵanguti ŵatuwa mu malo ghatuŵa, mutambo unguzaza nyumba ya Ambuya,

1 ŴaKaronga 8:12

Sono Solomoni wanguti, “Ambuya aŵika lumwi mu machanya, kweni akamba kuti akajanga mu mdima uzitu.

2 Mikoka 5:14

Viyo kuti ŵazukuru ŵanguziŵa kuma cha kuteŵeta chifukwa cha mtambo, pakuti unkhankhu wa Ambuya unguzaza nyumba yaku Chiuta.

Sumu 90:16

Zomerani kuti ifwe, ŵateŵeti ŵinu, tiwone nchitu zinu zanthazi; ndi unkhankhu wa mazaza ghinu ku mphapu yidu.

Hagayi 2:7

ndipo nkhasukuniskanga mitunda yose, mwakuti usambasi wa mitundu yose uzengemu, ndi nkhazazanga nyumba iyi ndi unkhankhu, atiti Ambuya ŵa maŵanja.

Chituwa 29:43

Mwenimuwa ndikakumananga ndi ŵaYisraele, ndipo likapaturikanga ndi unkhankhu wangu.

Yesaya 6:1

Mu chirimika cho karonga Uziya wangufwiya ndinguwona Ambuya akuja ndeku pa chitengo cha ukaronga, pachanya ndi akukwezgeka, ndipo vivwalo vyawo vinguzaza kasopi.

Ezekiele 10:4

Ndipo unkhankhu wa Ambuya ungukwera kutuwa pa makerubi kuza pa chiwundu cha nyumba; mtambo unguzaza nyumba, sono luluwa linguzazika ndi kugadima kwa unkhankhu wa Ambuya.