1 ŴaKaronga 7:16 - Tonga Bible 1986

¹⁶ Wanguchita so mitu yiŵi ya mkuŵa wakwenguwa kuyiŵika pachanya pa mizati, msinkhu wa mutu umoza wenga mikono yinkhonde, unyake wenga nawo mikondo yinkhonde.

1 ŴaKaronga 7:16 Referans Kwoze

Chituwa 38:28

Ndi pa matalente chikwi chimoza ndi machumi pe chumi ghankhonde ndi ghaŵi pachanya machumi ghankhonde ndi ghaŵi ndi ghankhonde (1775) wanguchitiya mbeja za mizati, ndi wanguzganga mitu yake wanguyichitiya vyakumangiya.

Chituwa 38:19

Ndipo mizati yake yenga yinayi; viŵanja vyake vyenga vya mkuŵa, mbeja zake za siliva, ndi kazgangidu ka mitu yake ndi vyakumangiya vya siliva.

Chituwa 38:17

Ndi viŵanja vya mizati vyenga vya mkuŵa, kweni mbeja za mizati ndi vyakumangiya vyenga vya siliva; kuzganga kwa mitu yake nako kwenga kwa siliva, ndipo mizati yose ya bwaro yingumangika ndi vyakumangiya vyo.

Chituwa 36:38

ndipo wanguzganga mitu ya mizati yake yinkhonde ndi mbeja zake, ndi vwakumangiya vyake vyenga vya golide, kweni viŵanja vyake vinkhonde vyenga vya mkuŵa.

1 ŴaKaronga 7:15

Wanguchita mizati yiŵi ya mkuŵa. Mikono chumu pachanya nkhonde ndi yitatu (18) ndimu wenge msinkhu wa mzati umoza ndipo mweso wa chingwe kuzungurizga mzati wenga mikono chumi ndi yiŵi, (12) mzati wenga wa mphuwu, ndipo ukhomi wake wenga minwe yinayi, mzati wa chiŵi nawo so wenga viyo.

1 ŴaKaronga 7:17

Ndipo wanguruka virepa viŵi ndi nkhata ya unyoro wa kuŵika pa mitu ya pachanya pa mizati; chirepa chimoza pa mutu uwu ndi chimoza pa mutu uwa.

Yeremiya 52:22

Pachanya pake penga mutu wa mkuŵa; utali wa mutu umoza wenga mikono yinkhonde chirepa ndi vipasi vyose vyenga vya mkuŵa, vyenga pachanya pa mutu kwakuzunguliya. Ndipo mzati wachiŵi ungukozgana ndi wakudanga nawo so wenga ndi vipasi.