1 ŴaKaronga 6:7 - Tonga Bible 1986

⁷ Po yinguti yazengeka nyumba yenga ya mya yakulongosoreke limu pa malo gho watongapo mya. Viyo kuti chingana ndi nyundo pamwenga mbavi pamwenga mtundu unyake wa chisulu vyengavi kuvwika mu kasopi, wachizengeka.

1 ŴaKaronga 6:7 Referans Kwoze

1 Petro 2:5

ndipo mwaŵeni, uli ndi mya yamoyo muzengeke nyumba ya mzimu, kwachiŵa uzukuru wakupaturika, kuperekapo visopu vya mzimu, vyamarondeka kwaku Chiuta mwaku Yesu Kristu.

Nthanthi 24:27

Rongosole kubwalo nchitu yako ujirongosole vyose vyaku muunda, ndipo pavuli pake uzenge nyumba yako.

Chituwa 20:25

Ndipo asani mukandizengiyanga jochero la mya kuti mukalizenganga ndi mwa wakusema cha; pakuti asani muserezgamo chakuseme chinu paku wo, mbwenu mwaukazuzga

ŴaKolose 1:12

ndi kumuwonga Dada, mweniyo watenereska kuti tisangane chihara cho cha ŵakupaturika mu ukweru.

2 ŴaKorinte 5:5

Kweni yo watichitiya chenichi chaviyo ndi Chiuta, mweniyo watipaska Mzimu nge nchamatomi cha umoyo wo utuza.

ŴaRoma 9:23

ndipo alinga kuti waziŵiske usambasi wa unkhankhu wake pa ŵanthu wo ŵanguronde lisungu lake, ŵeniwo wangurongosole limu ku unkhankhu,

Machitidu gha Ŵakutumika 9:31

Viyo mu Yuda mose ndi mu Galile ndi mu Samaria mpingu waŵanga ndi chimangu, ndipo unguzengeka; wakwenda mu chopu cha Ambuya ndi mu unkhoswi wa Mzimu Wakupaturika ungwandana.

Yesaya 42:2

Kuti wakaliyanga cha chingana nkhusoska mazu ghake; pamwenga kughavwikiska mu museu wo;

Yakobe 1:20

chifukwa kandundu ka ŵanthu kuti katataliya urunji waku Chiuta cha.

1 ŴaKaronga 6:6

Nyumba yapasi ukongwa yenga mikono yikhonde usani, ya pakati yenga mikono nkhonde ndi umoza usani, ndipo yachitatu yenga mikono nkhonde ndi yiŵi usani, pakuti kuzunguliya kubwalo kwa nyumba wanguzenga vyakurutizga mu chimati alinga kuti mathabwa ghakupinjika ghakukhozge ghareke kuserezgeka mu vimati vya nyumba.

1 ŴaKaronga 6:8

Khomo la nyumba ya pasi ukongwa lenga kuchiri ku malaŵi kwa nyumba; ndipo pakuya ku nyumba yapakati ŵachitanga kutantha pa makwerero chingana mphakutuwa pa yapakati kuya ku nyumba yachitatu nako viyo.